Hi Da. Consolacion nakaob, nanhuhugot an ugat, namumugdat pagkinita ngadto han an tuman la nga nabubukas nga purtahan.
Ginbubutnga hin duduha nga sundalo, ginmawas in usa nga maarimungot nga dagway: amo hi Tarcelo, an bugto ni Bruno. May mga gapos ha kamot; an iya panapton nga gusigusi nakakapakita hin mabakod nga mga butkon. An iya mga mata isiniplat hin kangalas ngadto han asawa han alperes.
—Amo ini an inmato hin maupay, pinapagdadlagan niya an iya iba, nagsiring an alperes kan P. Salvi.
Sunod gumuwa in usa nga kanan makaluluoy an dagway, naghihinaroy ngan nagtitinuok baga in bata; nagiingka ngan duguon an saruwal.
—Pastilan, senyor, kaluuyi gad ako! diri na gad ako magsusuga pagsulod ngadto ha sakob!— nagsisiniyabaw.
—Usa nga makiragkirag. nagsumat an alperes han padi; nag-iidadalagan, kundi naigo ha paa. Amo la ini ngaduha an nahidakop nga yana buhi.
—Hino in ngaran mo? — nagpakiana an alperes kan Tarcelo.
Hi Tarcelo Alasigan.
—Ano in iginsaad ha imo ni D. Crisostomo basi mo la sakaon an kuwartel?
—Waray kami, kakano pa man, igkahimangraw kan D. Crisostomo.
—Ayaw pagdiwara! Ano in imo pagbudhii ha amon.
—Nagsasayop ka: imo pinatay an amon amay hin tubal nagsugad kami tungod hin pagdumot panimulos, waray iba.
—Pamilnga an imo duha nga kaupdanan.
An alperes sinmiplat han sarahinto ha paghipausa.
—Aadto hin usa nga umpas, ngadto namon huluga kakulop, didto na la adto kadudunot. Yana patayon ako niyo: waray niyo hibabaruan ha akon.
Waray may nagluya, ngatanan nanhihipahungat.
—Yana magsusumat ka kun hira hino an imo kaupdanan — ipinanarhog han alperes in usa nga uway.
Usa nga pakayubit nga tawa inabat dida han mga imim han dinakop.
An alperes nakighimangraw anay nadaliay han padi hin gutiay nga tingog; katima tubangon an iya mga sundalo.
