hindudunggan, sugad hiton ngurob nga tingog biton dalugdog kun itinatanding han malatos ug mabislaw nga silaw
ngan han laksi han kikidlat: nag-aasoy hin usa nga binabati nga daan na hinbabaruan, usa nga panhunahuna nga
daan na sinasabot, s;inagamit lugaring tungod kay an hingyap han kasingkasing nga say naguop han bug-os nga lawas nga tugob hin kalipay, naungara nga an bug-os nga
lawas ug mga balatian magpahayag han mga kalipayan nga
gin-aawit ug ginsisiday han kalag . . .(4) Ha usa nga pakiana hin higugma ha siplat, nga nainggat o tinatabunan
waray ipakabaraton an pinulungan: say nabaton an hiyom,
an harok, an panhayhay.
Ug unina han pagpasingadto na ha pantaw han duha nga nagsisihigugma, paglikay han taputapo nga pinapapagtalbo han paspas nga barahibo ni Dada Isabel, basi waray makaulang ha ira didto, ha sirong han gutiay nga karaykay; ngan ano an ira ginsisipaghuringhuring, nga nakakapakurog ha iyo, kamo nga magpula nga bukad han cabellos de angel?(5) Ig-asoy niyo, kamo nga may dara nga alimyon ha iyo pagginhawa ug mga tina ha iyo mga im-im; ig-asoy mo, harupoy nga sayod ka han magpakatitingala nga huni hinin kagab-ihon ngan han magpakaurusa nga tingog han mga kagurangan; ig-asoy niyo, mga sulhog han adlaw, madilaab nga kahayag dinhi ha tuna hadton Dayon nga Kapawa, butang nga waray lawas dida hinin kalibutan han mga lawasnon, ig-asoy niyo, kay ako diri hababaro pag-asoy kun diri mga kalurungan la! Kundi kay diri man kamo buot, sasarihan ka pag-asoy. An langit daw tina han tagom: matugnaw nga haru poy, nagbabantad han mga dahon ug mga bukad han mga balagon, —salit manguyung-uyong an cabellos de angel,0) — han mga manan-aw, han mga inuga nga isda ug han mga parol ha China. An harapas han bugsay nga naguukay han malubog nga tubig han salog, an kanuog han mga sarakyan nga dinanas han kabayo ngan han mga karreton ha pag-agi ha tulay ha Binondo naabot ngadto ha ira, kundi waray nira babatia an ginnginginurutob han dada.
—Maupay dithon kay mababantayan kamo han ngatanan nga kahigrani, — pulong hinin dada.
Ha siyahan waray nira nahimangraw kundi mga linurong, iton mga linurong nga masugadsugad hiton mga pagsipagdayaw ha ira la ngahaw hiton mga tuna ha Europa: matam-is ngan makaruruyag pamation han taghimungto.
