narubalighot, bukubukuhon, ngan hin pagkita han nagsusurunod nga mga minatay o mga murto nga nagpapakasukrob hin sapot nga ginggon. An Sakristan Mayor nakatirok hin kurukuwartahay ha pamaligya o paglimos man, kay asya an pagngaran, han ngatanan nga kinahanglanon ha pagtalwas han kalag ug pagtabog han yawa: daan na man kita batid nga ini nga manunulay, nga hadto nagpapasipara pagriwa ha atubangan sa Dios ngan pagruhaduha han kanan Dios mga pulong, sugad han nahiaasoy didto han marahalon nga basahan ni Job nga nasiring nga ilinupad an aton Ginoo Jesucristo ngadto ha kahanginan su gad han iya binubuhat ha Edad Media han mga aswang,(3) ngan nasiring ngani nga asya pa an binuhat dinhi ha Pilipinas han mga wakwak, baga aaluhon na yana ngan diri na naato pagkita hin usa nga dugnit nga may pintar nga duduha nga butkon,(4) nga nahadlok na han mga kabalighutan hin usa nga bakgong: kundi ini ngatanan nagpapakita la nga dida hini nga bahin may ada man liwat pag-uswag, ngan an yawa tipaisol, kun, diri man, amo la gihapon, waray kababalhin dida han iya una nga pagkahimtang, sugad han ngatanan nga nangungukoy ha kasisidman, kun diri man lugaring pakasidngon ta nga hadlukon, baga in usa nga daragahay nga may nanapulo pa la kaglima an panuigon.
Sugad han aton na nahaasoy ha igbaw, hi P. Salvi tuptop han pagsugot han iya mga turumanon, siring pa han alperes, uraura katuptop. Kun nagwawali hiya — kay makiwalihon — pinapapanadhan an mga guruwaan han singbahan ; dida hini nakakasubad hiya kan Neron nga diri natugot nga may gumawas hamtang aadto pa hiya magaambahan didto ha paguruwaan, nagkakalain lugaring hira kay an kan P. Salvi tuyo pagpakaupay han kalag, ba man an kan Neron pagpakaraot. An ngatanan nga sayop han iya mga magsurugot pinababaydan hin multa, kay talagsa la hiya lumamba; dida hini nagkakalain hira ngan hi P. Damaso kay ini, ha bisan ano nga sayop, nasuntok, natubal, dungan an pagtinawa ngan maupay la an kaburut’on. Salit waray hiya pagmamarauta'. ginmamatuuran gud niya nga an tubal asya an maupay nga pagdara han indio; asya an siring hin usa nga prayle nga maaram magsurat hin mga basahan,(5) kay hiya diri gud nariwa han nahasusurat hin minolde: damo man liwat in tawo nga sugad hini.
Hi Fr. Salvi talagsa gud lumamba, kundi siring pa hin
