13 Ngan tinugutan sa gilayon ni Jesus. Ngan san pangowa san mga espiritu nga maghugaw, nanulud sa mga baktin ; ngan an kapanon dinulhug nga nagdadadlagan sin makusug sa pangpang ngadto sa dagat ; may ada daw mga duha ka ribo sira, ngan nagkalulumus sa dagat
14 Nğan an mğa napapanabsab san mga baktin, nagpahirayo, ngan nanumat didto sa bungto, ngan sa kaooman. Ngan nagkalakat an mga tawo sa pagkita san nahinabu.
15 Ngan sira nangabut kan Jesus, ngan nakita nira an may legion anay nga yawanon, nga nalingkod, ngan pinanaptonan, ngan sa iya maopay nga panumduman, nğan nagkahadluk sira.
16 Ngan ginsumatan sira san mga nagpakakita san nahanabu sa yawanon, ngan sa mga baktin.
17 Ngan nagtikang sira sa pagpakimalooy sa iya, nga gumikan siya tikang san ira mga paultan.
18 Ngan sau nasakay na siya sa sakayan, nagpakimalooy sa iya an yawanon sadto, nga tugutan siya, nga makaupud sa iya ;
19 Kondi waray tumugut si Jesus sa iya, kondi nagsiring sa iya : " Kadto ka sa imo balay sa imo mga sangkay, ngan pagsumati sira kon matiunano ka daku, nga mga bagay an ginhimo sa imo sau Ginoo, ngan nga kinalooyan niya ikaw.
20 Ngan linakat siya ; ngan nagtikang sa pagpasamwak sa Dekapolis kon matiunano ka daku nga mga bagay an binuhat sa iya ni Jesus ; ngan nanhitingala an ngatanan.
21 Ngan san pagtabok liwat ni Jesus sa sakayan sa tabok, nagtiripon sa iya in usa nga daku nga kadam-an ; ngan siya sadto hirani sa dagat.
22 Ngan, kitaa, inabut sa iya in usa san mga magburuut san sinagoga, nga gingangaranan si Iairo ; ngan san pakakita sa iya, kinulub sa tiilan niya.
23 Ngan siya nakimalooy sin daku sa iya , ngan nasiring : " An akon anak nga babayehay naghihingutas ; ipinakikimalooy ko sa imo, nga imo kadtoon, ngan ibutang mo san imo mga kamut sa iya, basi nga maluwas, ngan mabuhi siya.
