18 Kay si Iuan nagsiring kan Herodes : " Diri túgut sa
imo an paghuput san asawa san imo bugto."
19 Ngan si Herodes nagdumut sa iya, ngan buut siya patayon ; kondi waray siya pakakahimo;
20 Kay si Herodes nahahadluk kan Iuan , nga nasayoran nga siya usa nga tawo nga matadung ngan baraan, ngan ginbabantayan niya ; ngan sa nahibatian niya siya, naghimo siya sin damu nga mga bagay, ngan pinamatian niya siya sin malipayon.
21 Ngan san inabut an usa ka adlaw nga maopay, nga si Herodes, sa adlaw sa iya pagkatawo, napapanihapon sa inga kadagkuan niya, ngan sa mga Kiliarka, * ngan sa mga pangolo sa Galilea:
22 Ngan san pagsulud an anak nga babaye sau amo nga Herodias, ngan nagsayaw, naruyagan ni Herodes ngan sa mga nangingiling upud niya sa lamesa ; ngan nagsiring an hadi sa daraga : " Mangaro ka sa akon, kon ano an imo karuyag, ngan ihahatag ko sa imo."
23 Ngan nagsumpa sa iya: " Bisan anano nga butang, nga imo pangaroon sa akon , ihahatag ko sa imo, bisan pa an katunga san akon ginhadian."
24 Ngan ginowa siya , ngan nagsiring sa iya iroy : "¿ Anano an akon pangangaroon ?" Ngan nagsiring siya : " An olo ni Iuan nga Parabaptis."
25 Ngan sinulud siya sin madagmit sa hadi , ngan nangaro, ngan nasiring : " Buut ko nga an imo ihatag sa gilayon sa akon, sa usa nga pingan , an olo ni Iuan nga Parabaptis."
26 Ngan nagsakit gud kaopay an hadi ; kondi tungud san iya mga panumpa, ngan sa mga nangingiling upud niya, waray paglarisa niya siya.
27 Ngan sa gilayon nagsogo an hadi sin usa san iya mğa bantay, ngan nagsogo nga dad-on an iya olo.
28 Ngan nagkalakat ini, ngan ginpugutan siya sa bilangoan, ngan gindara an iya olo sa usa nga pingan, ngan iginhahatag niya sa daraga ; ngan iginhatag san daraga sa iya iroy.
29 Ngan san nahibatian san iya mga tinon-an, nagpakadto ngan kinuha an iya lawas, ngan iginbutang nira sa usa nga lulubngan.
* Kiliarka, pangolo san usa ka ribo nga sondalo.
