- 31
49 Kay an tagsatagsa pagaasinan san kalayo , ngan an tagsatagsa nga mga halad pagaasinan san aŝin.
50 Maopay an asin ; kondi kon an asin magmatab-ang, ano an makakapagasin sito ? May ada asin sa iyo ngahaw, ngan makigmurayaw an usa kag usa sa iyo.
NĞAN, san pagkabuhat tikang dinhi , siya inabut sa 10 inga ginkatakipan san Iudea ngan sa unhan san Iordan . Ngan an mga kadam-an nagtitirok liwat sa iya . Ngan sugad san iya batasan, siya nagtutdo liwat sa ira.
2 Ngan an mga pariseo san pagharani sa iya, nanmakiana sa pagsulay sa iya: Angay ba sa Kasogoan sa usa nga tawo nga bumulag san iya asawa?"
3 Ngan siya binaton, ngan siniring sa ira: ¿ Ano ba an iginsogo ni Moises sa iyo?"
4 Ngan sira siniring : " Si Moises natugut pagsurat sin usa nga surat sa pagbulagan, ngan bayaan siya."
5 Kondi si Jesus siniring sa ira: "Tungud san katig-ahan san iyo kasingkasing siya nagsurat sini nga sogo sa iyo.
6 Kondi sa tikang san tinikangan sa pagbuhat, lalaki ug babaye ginhimo sira san Dios.
7 Kay tungud sini an tawo binabayaan an iya amay, ug an iya iroy, ngan tumampo san iya asawa,
8 Ngan an duduha maggigin-usa nga unud la . Busa sira diri na duduha, kondi usa la nga unud.
9 Busa an gintig-ub san Dios, diri pagbulagon san tawo."
10 Ngan sa balay an mga tinon-an nagpakiana liwat sa iya sa nahatutungud sini.
11 Ngan siya siniring sa ira : " Bisan sin-o an nabulag san iya asawa, ngan mangasawa sin iba, nakakagbuhat sin panlibog patok sa iya.
12 Ngan kon an usa nga babaye bayaan an iya asawa nga lalaki , nğan mangasawa sin iba, siya nakakagbuhat sin panlibog."
13 Ngan sira nananara sin mga kabataan ngadto sa iya, basi kamkamon niya sira ; ngan an mga tinon-an ginsaway sira.
