kantjana, bhăngsa djhoertolès otabă mantrè, sè kabhoetoan
pèssè, ngotja' ngèndjhăma ka abă'na , ijă èberri ' kalabăn karana Alla, ta' èpèntaè boedoe'. Amarghă djărèja sakabbhiănna orèng sè tao ka kabettjè'anna Radhin Hardjă padă lèboer ka abă'na.
Bădhăna lake' -binè' padă tjè' lèboerră ka Radhin Hardjă băn binèna, marghǎ bhaghoes lalakonna, apa polè lalakon dinessa, maskè lalakon partikellir è rè-saarèna ija bhaghoes kèja.
Saopama Radhin Hardjă èntara akompolan ka koṭṭa , mon ta' èadjhăk nompang bi' Bădhăna, ta' njèwă rata, nèng nompa' djhăränna dhibi' ijă arèja djhărăn băbinè' sè ta' saapa bhăghoessa. Binèna tjè' rangrangnga èadjhak ka koṭṭa, sabăb orèng adjhălănan bi' băbinè' rèja ghasèk bănnja' ongkossa, apa polè taḍă' parlona èghibă ka koṭṭa, sabab ta' noro'a akompolan. Dhăddhi binèna tjè' rangrangnga èghibă ka koṭṭa, nèng mon noddjhoenè tjè' parlona bhăi , opama : teppa'na tellasan otabã kaondjhăngana ha orèng bădã ghābājjă băn èn -laenna.
Amarghǎ djărèja maskè abă'na nèng dhăddhi mantrè oeloe, tapè asennengngan dări Asistèn bădhăna sè rojăl.
Bit-abit Radhin Hardjă pas ongghå pangkat, dhăddhi Asistèn badhana. Kasoghiănna soè aboe- emboe, bănnja’kerbhoej băn sapèna, saba bàn tegghälla soè lèbar sabab abana ta aorok tèngka, dhǎ'ăr băn ghem-aghemmanna nèng djhă-maddjhă, ta' bărikkèng băn ta wang -mowang. Pandã na sakabbhianna bàbătek bản tètèngkanna Radhin Hardjă tadi’tjalèna, sabab paḍă patot, satèmbhăng bi' kabăḍă'ănna abă'na. Dări pangkat Asisten badhana pas ongghă polè' dhăddhi Bădhăna, sabab lalakonna katarèma ka Naghără. E băkto dhăddhi Bădhăna so'è tandja' lalakonna; sabă băn tamennan kopi èdǎlem bhăbăna so'è bănnja'. Kalamon bădă orèng dhisa bhăbă parèntana, sè ghi' ta' tao atatanèn, pas èadjhări sarta èlă-bălăi kalaban alos aghābāj saba bản ngalè soksok, namen padi ban men-tamennan laènna. Amarghǎ djărèja distrikka so'è raddjha , sarta bănnja' hasèlla ; orèng bhăbă parèntana bănnja' sè soghi. Molana Radhin Hardjǎ èkalèboeri sarta èkatako'è bi' bhăbă parèntana.
Man-èmanna ghi' ta' saapa abiddhǎ bhǎlakka' Radhin Hardjă pas songkan lo-njèlo, kangṣè ta' ngennèng alomampa. Amarghǎ djǎrèja Radhin Hardjă pas aperlop (aparmèsi), parlo atambhǎ'ă băn atokara angèn ka kennengngan sè băḍă aèng panassa [1]. Saellana atokar angèn kadjăḍijă, panjakètta pas bănnja' korangnga, kongsè para' abăliă onè tjara asalla, ladjhoe abăli ka lalakonna polè. Anangèng ta' saapa abiddhă panjakètta pas molat, ladjhoe aperlop ka Karakal (Bagellèn). Sarrèna panjakètta ta' ghellem bărǎs, molana pas tapaksa njo’on pansijoen. Parnjo'onanna èlèllanè bi' Naghără.
- ↑ Akanța è Radjămandălă otabă Tjisomang (Bandoeng) Tarogong (Garoet), Tjonggiang (Soemedang ) băn ền -laenna.S.S.
