Ma'na Kalsan: Saponapa sèwǎna?"
Haddjhi Ibrahim: ,,Boela ta' endă' bănnja' atoran, sabab boelă bản dhika pada islamma , nèng parlo long -tènolong; bengko bǎn pakaranganna sèwă sarènggit saboelăn, masa dhika ta' kellar madjar sabărinto, sabab dhika mokka' baroeng. Dhinèng parkara sabă noro' sè kappra bhăi, engghi anèko: sarrèna hasèlla 8 amet, sè 5 èkala'a boelă, 3 amet kala' dhika, rassana mendăng mon nèng èkakan èkampaè băn ana -binèna. Mon padina pon marè èanjè, ta' boeroeng pas ètamennè ghi-bighi otabă èotjolè djhoeko', ghănèko kala' dhika kabbhi, boelă ta' mèlonana, nèng tao narèma ghenna'na padi sè 5 amet bhăi sabbhăn mosèm anjè. Mon ta' endă', boeroeng sè aberri'ă sabab boelă ta' atjatja'a djhăng-landjhăng."
Ma'na Kalsan ta' apèkkèr landjhăng polè, sabăb tja’na pèkkèrra: èberri' bhăi la anjama ontong, marghă abă’na tjè' bhoetona ka pèssè, pas ngotja' bărijă : „,Bhădhăn kaoelă ngèrèng kasokan saos , towan haddjhi."
Haddjhi Ibrahim: „Engghi, lagghoena bhai pokol 10 dhika băn boelă èntar ka kalèboenna, madhăddhi èko'issa' sambi mènta saksè'è ."
Saellana djǎrèja ma'na Kalsan pas molè.
Katjatora kalagghoeănna ma'na Kalsan , haddjhi Ibrahim băn djhoertolès kalèboen akompol è bengkona kalèboenna. Haddjhi Ibrahim pas asoro matja sorat pardjhăndjhiăn ka djhoertolèssa èadă'na ma'na Kalsan, kalèboenna ban apèlla. Sorat pardjhăndjhiăn djărèja ètolès è dhăloebăng zegel (sègel) , nangèng tjoma ghi' ta' èpasangè tandha tanangnga ma'na Kalsan . Saellana marè èbătja, pas èsoro tèken ka ma'na Kalsan.
Prandhinèng ma'na Kalsan rèja ma' polè nolès sè taoa, maskè nèng matja bhăi ijă ta' tao, molana njamana abă'na pas èsoro tolèssaghi ka kalèboenna, abă'na nèng matjal. Kalèboen băn apèlla pas paḍă nèken è sègel djărèja, ngako djha' njaksè'è. Saellana ranta, pèssè sè ƒ 130 pas èbitong èadă'na kalèboenna, sarta pas èbăghi ka ma'na Kalsan.
Anangèng sè ètarèma maʼna Kalsan nèng ƒ 122,50 , sabab sè f 1,50 èpotong kabellina sègel, sè f 1 èkaghăbăj ongkos saksè, sarta sè f 5 tja'na haddjhi Ibrahim mènangka sèwăna bengko èpènta kaadǎ' băgian doewă boelăn, sopadjă dhămmanga ka ma'na Kalsan, njopprè ta' rèpota ngaterraghi sèwă djărèja bilă la napa' ka bǎktona. Saellana djărèja pas padă molè.
Ella' 10 arè dări băkto ollèna ngèndjhăm pèssè, ma'na Kalsan pas băḍă ghăbăjjă , rammèna ta' sakèra-kèra, sanapan salèng padjheddhoel, tabbhoeanna aghǎroedoe', sarta gha' tangghǎ'na amatjem -matjem, opama : mantja', bădjăng, mosik băn èn-laènna. Eḍălem bengko băn tataroppa ta' rang-korang rarengghån
BABOEROEGHĂN ANA -BARNA.
4
