6. Sareng kètab ta' ètjalè, tapè djhă' kantos băt-tlèbăt , otabăna sala aḍdhoe, ta' kalabăn kèra-kèra, kodhoe bănnja' tèmbhăngan, djha' nèng lèboer atotolong, pèkkèr sossana abă'na.
7. Kènga'è abă'na dhibi', pèkkèrè ana'-binèna, djhǎ' tjoma marloè orèng, sè ta' sapnapa parlona, kadhi orèng sè găgă' , ka’into dhăddhi takabboer, salèsèr sareng parènta.
8. Ta' ampon bătă dhi-andhi pettra, orèng sè essa èberri', sadhădjă băḍă bălloeng barna, angghǎpanèka njata, djhă' rèng sè parlo ètolong, bănnè orèng sè gă'-găgă'.
9. Djhǎ' pang-ghămpang njebbhoet pakèr, karana dălem artèna; mèskèn djhoeghăn sapanèka . Kadhi orèng sè ghi dănggǎs, somèlèa malarat, ghăpanèka ta' tamaso', sabab malarat esangadjă.
10. Kamomosan ètorotè, sè ta' kentjeng njarè kasap, sengkana atè ètorot, ka-sengkaen pèkkèranna, nèng lèboer ngenkangennan, ghoe-lagghoe abhoeloen-bhoeko, alè'-sellè mon jang-sèjang.
11. Tabǎ korang pangaonèng, ta' ghăḍhoean pangartèan , ta' dhoe-kodhoe trèkaèpon, ta' njantrè ta' asakola, ta' poron djhåradjhărăn, aghǎghoeroe njarè èlmo , ghăpnèka anjama sasar. 12. Mon abana ènsè’è , tor étolong bắt -talèbặt , ghặpnèka sarat ngalèrè ; sabab abă'na kadhia , ladjhoe arassa njaman, salandjhăngnga odi'èpon, nèng dhăddhi tokang ta-mènta. 13. Ghǎpnèka tja'na rèng alèm, ma'sèjat lahèr njamana, dhăddhi orèng sè ngasè'è, madhărăka rèng bănnèan, aboe-èmboe orèngnga, ladjhoe rèbek sarta bhoeto, dhăddhina tjara Dhin Djhǎksa. 14. Mongghoe è djhăman samangkèn, rèng aghoeng pardjădji bănnja' , èaopè bhălăèpon, ghǎpanèka korang djhatna, korang pangghăliǎnna, sabab è alam tapongkor, bhidhă sareng samangkènna . 15. Orèng bănnja' tanto ngartè, kadhia ta' kasamaran , maskè rèng doemè' sakalè, orèng bhoemè ghi' lambă'na , akasap ngangghoej ghămpang , orèng doemè' paḍă tjokop, pnapa polè rèng aghoengnga. 16. Mon orèng teppa' ngeng ghoenè,, tanto mangghi kasennengngan, otja' bhoeroe maksottèpon, ngamondoeri sè onènga, djhǎ' nèng ngokoè adhat, noro'a salènna băkto, paonèng obhăna djhăman . 17. Kapèng doewǎ' sè samangkèn , klakoanna Abăng Sè'an , Aghoes Hamdan pnapa polè, tokang alombhăr kareppa, korang landjhăng pèkkèrra, nèng lèboer alombhăr napso, ngabbhiăghi sè akardjă .
