This page has been proofread.
[ ᭑᭒ 12B]
᭑᭒᭞
ᬭᬓ᭄ᬧᬸᬢᬶᬄ᭞ᬓᬂᬲᬶᬦᬫ᭄ᬩᬸᬢ᭄ᬳᬶᬚᬸᬭᬸᬢᬸᬫ᭄ᬩᬸᬓ᭄᭞ᬢᬍᬃᬧᬗᬫ᭄ᬩᬢᬾᬭ᭠ᬯᬸᬳᬂᬭᬶᬂᬧᬭᬲᬳᬦ᭄ᬳᬶᬦᬸᬘᬧ᭄ᬭᬶᬂᬳᬚᭃᬂ᭟ᬢᭂᬩᬲ᭄ᬳᬶᬧᬸᬦ᭄ᬫᬓᬧᬫᬭᬶᬧᬹᬃᬡ᭄ᬦ᭠
ᬦ᭄ᬪᬸᬢᬓᬵᬮᬤ᭄ᬗᭂᬦ᭄ᬭᬶᬂᬧᬘᬯᬳᬦᬾᬧᬸᬦᬶᬓ᭚᭜᭚ᬜᬗ᭄ᬓᬾᬢ᭄ᬧᬭᬶ᭟ᬓᬧᬶᬂ᭞᭑᭐᭟ᬭᬶᬓᬵᬮᬦᬶᬂᬗᬜᬶᬧᬦ᭄ᬢᬸᬦ᭄ᬫᬶᬯᬄᬜᬗ᭄ᬓᬾᬢ᭄ᬧᬭᬶ
᭞ᬉᬧᬓᬭᬦ᭄ᬬ᭞ᬮ᭄ᬯᬶᬃᬳᬶᬧᬸᬦ᭄᭞ᬘᬦᬂᬓᬢᬶᬧᬢ᭄᭞ᬭᬬᬸᬦᬦ᭄ᬫᬢ᭠ᬗ᭄ᬓᬶᬄ᭞ᬓᬝᬵᬄᬳᬶᬧᬸᬦ᭄᭞ᬗᬦᬸᬢᬶᬉᬭᬶᬧ᭄ᬤᬶᬦᬓᬵᬮᬦᬶᬂᬜᬗ᭄ᬓᬾᬢ᭄᭞ᬭᬶᬂᬲ᭄ᬕᭂᬓᭂ
ᬧᭂᬮᬦ᭄ᬫᬩᬾᬩᬯᬂᬚᬳᬾ᭞ᬲᬳᬕᬕᬦ᭄ᬢᬸᬗᬦ᭄ᬫᬶᬯᬄᬲᬲᬯᬾᬦ᭄ᬤᬧ᭄ᬤᬧ᭄᭟ᬫ᭞ᬒᬁᬰ᭄ᬭᬷᬫᬳᬵᬤᬾᬯᬷᬬᬦᬫᬄ᭟ᬯᬯᬸᬗᬮᬓ᭄ᬱᬡᬬᬂ
[ ᭑᭓ 13A]
ᬗᬫ᭄ᬧᬸᬂ᭞ᬲᬓᬶᬂᬢᭂᬗᭂᬦ᭄ᬓᬶᬯᭂ᭞ᬓ᭄ᬯᬾᬄᬦ᭄ᬬ᭞᭑᭐᭘᭞ᬓᬢᬶᬄᬩᬕᬶ᭞᭒᭟᭕᭔᭞ᬓᬢᬶᬄᬧᬸᬦᬶᬓ᭞ᬓᬏᬓᬬᬂᬯᬤᭀᬦ᭄ᬤᬸᬫᬸᬦ᭄᭞ᬭᬭᬶᬲ᭄ᬯᬯᬸᬲᬦᬾᬮ᭠
ᬦᬂ᭟ᬲᬫᬮᬶᬄᬳᬶᬧᬸᬦ᭄᭞ᬲᬵᬫᬵᬧᬸᬦᬂᬗᭂᬦᬳᬂᬩᬋᬧᬶᬦ᭄ᬳ᭄ᬬᬂᬦᬵᬕ᭠ᬓᬤᬶᬓᬉᬘᬧ᭄ᬭᬶᬂᬲᭀᬃ᭞ᬓᭀᬯᭀᬲ᭄ᬳᬸᬯᬸᬂᬧᬮᬦ᭄ᬬ᭞ᬓᬉᬘᬧ᭄ᬭᬶᬂᬅᬚᬶᬧᬗᬶ᭠
ᬦ᭄ᬢᬃᬧᬸᬦᬶᬓ᭚᭜᭚ᬧᬫᭂᬦ᭄ᬤᬓᬦ᭄ᬤᬾᬯᬦᬶᬂᬧᬭᬶ᭟ᬓᬧᬶᬂ᭑᭠᭑᭟ᬭᬶᬓᬵᬮᬦ᭄ᬬᬧᬘᬂᬫᬸᬤᬮᬂᬤᬾᬯᬳ᭄ᬬᬂᬰ᭄ᬭᬷ᭞ᬳᬶᬭᬶᬓᬓᬵᬢᬹᬭᬦ᭄ᬧᬫᭂ᭠
ᬦ᭄ᬤᬓᬦ᭄᭞ᬩᬩᬦ᭄ᬢᭂᬦ᭄᭞ᬮ᭄ᬯᬶᬃᬦ᭄ᬬ᭞ᬭᬘᬶᬫ᭄ᬭᬘᬶᬫᬦ᭄᭞ᬭᬭᬢᭂᬗᬦᬸᬧᭂᬤᬄ᭞ᬲᬫᬮᬶᬄᬧᬸᬜ᭄ᬚᬸᬂᬭᬬᬸᬦᬦ᭄᭞ᬭᬶᬂᬘᬦᬂᬳᬢᬦ᭄ᬤᬶᬂ᭞ᬲ᭄ᬕᭂᬦᬲᭂᬓᭂᬧᭂᬮ᭄᭞
