[᭑᭒ 12B]
᭑᭒
ᬓᬵᬘᬺᬧᬦ᭄ᬧ᭄ᬯᬫᬓ᭄ᬫᬸᬮ᭄ᬓ᭄ᬫᬸᬮᬗᭂᬲᭂᬲᬦᬵᬃᬤ᭄ᬥᬍᬂᬍᬗ᭞ᬮᬷᬮᬵᬭᬾᬄᬦ᭄ᬬᬵᬯᬶᬲᬶᬓ᭄ᬯᬶᬲᬶᬓ᭄ᬲᬳᬵᬕᬸᬬᬸᬦ᭄ᬬᬲᬳᬚᬫᬫᬦᬶᬲ᭄᭠ᬯᬸᬮᬢ᭄ᬦᬶᬓ᭞ᬲᬸᬫ᭄ᬭᬓ᭄ᬕᬡ᭄ᬟᬦᬶᬓᬾᬦ᭄ᬬᬫᬵᬃᬫ᭄ᬭᬶᬓᬶᬲᬶᬭᬶᬃᬦᬶᬗᬦᬶᬮᬫᬕᬯᬾᬲᬺᬧᬶᬗ᭄ᬳᬭᬷ᭛ᬮᬸᬗ᭄ᬳᬂᬓᬵᬮᬧᬶᬭᬵᬦ᭄ᬢᬚᬷᬦ᭄ᬬᬳᬶᬮᬗᬶᬂᬲᭂᬚᬸᬓᬶᬲᬳ
ᬦᬪᬹᬫᬶᬐᬭᭀᬧ᭞ᬧᬳ᭄ᬯᬵᬭᭀᬦ᭄ᬢᬳᭂᬦᬶᬂᬯᬦᬵᬦ᭄ᬢᬭᬮᬝᬗ᭄ᬮᬸᬗᬲ᭄ᬫᬶᬢ᭄ᬓᬧᬶᬂᬳᬸᬤᬦ᭄ᬯ᭄ᬗᬶ᭞ᬅᬓ᭄ᬯᬾᬄᬭᭀᬫ᭄ᬬᬓᬢᭀᬦ᭄ᬫᬳᬵᬂᬚ᭄ᬭᬳᬭᬭᬲ᭄ᬭᬸᬫᬶᬫᬦᬶᬫᬦᬳᬶᬂᬯ᭄ᬯᬗᬶᬂᬧ᭄ᬭᬚᬵ᭞ᬲᬵᬓ᭄ᬱᬢ᭄ᬓᬾᬦ᭄ᬤ᭄ᬭᬦᬗᬶᬡ᭄ᬟᬭᬢ᭄ᬳᬍᬧᬶᬓᬂᬲᬦᬕᬭᬫᬲᬶᬦᬂᬧ᭄ᬭᬪᬵᬲ᭄ᬯᬭ᭛ᬧᬶᬗ᭄ᬕᬶᬃᬦᬶᬂᬮ᭄ᬯᬳᬦᬾᬓᬭᬓ᭄ᬯ
ᬬᬭᬸᬫᬄᬮ᭄ᬗᭂᬗᬭᬤᬶᬦᬫᬶᬡ᭄ᬟᬭᬶᬂᬢᬸᬮᬶᬲ᭄᭞ᬲᬫ᭄ᬧᬤ᭄ᬨᬮ᭄ᬯᬧ᭄ᬦᬸᬄᬳᬦᬾᬯᬮᬩᬸᬳᬦ᭄ᬬᬧᬥᬳᬶᬦᬸᬧᬋᬗ᭄ᬕᬭᬶᬂᬭᬭᬲ᭄᭞ᬮᬾᬦ᭄ᬧ᭄ᬯᬾᬓᬂᬳᬯᬦᬶᬂᬲ᭄ᬨᬹᬃᬢᬶᬦᬧᬶᬲᬶᬂᬯ᭄ᬲᬶᬢᬶᬦᬢᬚᬸᬕᬾᬓᬢᬹᬢᬯᬦ᭄᭞ᬢ᭄ᬭᬷᬫ᭄ᬥᭀᬓᬃᬬᬫᬭᬫ᭄ᬧᬓᬶᬂᬳᬮᬸᬦᬮᬸᬦ᭄ᬳᬢᬶᬰᬬ
ᬫᬕᬯᬾᬫᬦᬄᬭᬶᬫᬂ᭛ᬅᬓ᭄ᬯᬾᬄᬭᬓ᭄ᬯᬬᬤᬾᬦᬶᬓᬵᬗ᭄ᬤᬦᬢ᭄ᬳᭂᬃᬫᬶᬋᬱᭂᬧᬓ᭄ᬦᬭᬾᬄᬦ᭄ᬬᬦᬶᬢ᭄ᬬᬲ᭞ᬢᬦ᭄ᬯᬓ᭄ᬢᬵᬦ᭄ᬭᬶᬧ᭄ᬓᭂᬦ᭄ᬬᬭᬵᬫ᭄ᬬᬢᬦᬶᬮᬂᬢᬜᬦᬓ᭄ᬦᬭᬶᬲᬾᬱᬶᬦᬶᬂᬚᬳᬢ᭄᭞ᬫ᭄ᬯᬂᬰ᭄ᬭᬷᬦᬶᬂᬲᬵᬦᬦᬶᬂᬧᬢᬸᬓ᭄ᬯᬦᬭᬭᬲ᭄ᬘᬭᬘᬭᬦᬶᬓᬗᬫ᭄ᬩᭂᬓᬵᬫ᭄ᬩᭂᬓᬶ᭞ᬲᭀᬢᬦ᭄ᬢᬂᬲᬭᬶ᭠
[᭑᭓ 13A]
ᬦᬶᬂᬲ᭄ᬯᬭᬵᬚ᭄ᬬᬯᬶᬦᬸᬯᬸᬲ᭄ᬭᬲᬶᬓᬓᬳᬦᬦᬶᬂᬕᬸᬡᭀᬢ᭄ᬢᬫᬵ᭛ᬓᬶᬃᬡ᭄ᬦᬂᬭᬓ᭄ᬯᬕᬸᬥᬂᬕᬸᬥᬂᬓᬳᬦᬦᬶᬂᬲᬕᬮᬧᬕᬯᬬᬦ᭄ᬳᬦᬾᬂᬲᬭᬢ᭄᭞ᬱᬡ᭄ᬟ᭄ᬬᬫᬵᬲ᭄ᬯᬭᬮᭀᬳᬓᬵᬃᬬ᭄ᬬᬗᬹᬦᬶᬯᬾᬄᬤᬫᭂᬮᬧᬢᬭᬸᬳᬦ᭄ᬳᬤᬾᬭᬶᬓᬵ᭞ᬯ᭄ᬯᬦ᭄ᬢᭂᬦ᭄ᬧ᭄ᬯᬂᬧᬢᬦᬄᬮᬯᬦ᭄ᬧᬕ᭄ᬟᬳ
ᬦ᭄ᬧᬤᬸᬓᬸᬮᬧᬝᬭᬸᬧᬢᬦ᭄ᬲ᭄ᬯᬗᬵ᭞ᬧᬩ᭄ᬭᬶᬓ᭄ᬧᬩ᭄ᬭᬶᬓᬦᬾᬓᬯᬃᬡ᭄ᬦᬕᬶᬦᬯᬾᬢ᭄ᬓᬧᬧᬭᬫᬭᭀᬱᬦᬶᬢᬶᬫᬵᬦ᭄᭛ᬯᬾᬰ᭄ᬫᬵᬕᭃᬂᬚᬸᬕᬢᭀᬗ᭄ᬕ᭄ᬯᬦᬶᬂᬧᬗᭂᬘᬧᬦ᭄ᬩᬸᬓᬸᬧᬶᬭᬧᬶᬭᬯᬃᬡ᭄ᬦᬧᬵᬤᬶᬓᬵ᭞ᬢᬦ᭄ᬢᬸᬗ᭄ᬕᬮ᭄ᬧ᭄ᬯᬳᬸᬭᬸᬧ᭄ᬦ᭄ᬬᬮᬾᬦ᭄ᬩᬳᬲᬭᬓ᭄ᬯᬧᬧᬸᬧᬸᬮᬦᬶᬦᬶᬓᬦ᭄ᬳ
ᬦᬾᬭᬶᬓᬵ᭞ᬫ᭄ᬯᬂᬕᬫ᭄ᬩᬃᬧ᭄ᬯᬳᬦᬾᬓᬯᬃᬡ᭄ᬦᬲᬳᬵᬓᬵᬃᬧᬮᬬᬭᬦᬭᬶᬢᬶᬗ᭄ᬓᬳᬶᬂᬲᬭᬢ᭄᭞ᬫᬗ᭄ᬕᭂᬄᬭᬓ᭄ᬯᬩᬥᬾᬤᬶᬦᭀᬮ᭄ᬩᬸᬓᬧᬶᬭᬂᬳᬶᬯᬸᬓᬭᬗᬦᬶᬲᬂᬯ᭄ᬭᬸᬳᬶᬂᬫᬗᭃ᭛ᬅᬓ᭄ᬯᬾᬄᬢᭀᬗ᭄ᬕ᭄ᬯᬦᬶᬓᬵᬕᬸᬕᬸᬭ᭄ᬯᬦᬫᬘᬵᬦᬸᬮᬶᬲᬲᬕᬮᬗᬾᬮ᭄ᬫᬸᬭᬶᬂᬲᬭᬢ᭄᭞ᬤᬶᬓ᭄ᬢᭀᬃᬫ᭄ᬯᬂᬧᬦᬸ
ᬚᬹᬫ᭄ᬧᬮᬓ᭄ᬧᬥᬲᬸᬫᬵᬗ᭄ᬕ᭄ᬭᬳᬲᬳᬦᬦᬶᬓᬵᬧ᭄ᬯᬢᬵᬃᬓᬸᬭᬂ᭞ᬮᬾᬦ᭄ᬢᬾᬓᬂᬲᬦᬦᬶᬂᬩᬶᬲᬸᬂᬲᬳᬫᬫᬃᬯᬶᬦᬸᬭᬸᬓᬶᬓᬓᬸᬫᬵᬯ᭄ᬭᬸᬳᬾᬂᬳᬚᬶ᭞ᬳᬗ᭄ᬳᬶᬂᬭᬓ᭄ᬯᬲᬦᬾᬲ᭄ᬧ᭄ᬯᬭᬹᬧᬦᬶᬳᬸᬭᬸᬧ᭄ᬦ᭄ᬬᬭᬚᬶᬦᬶᬓᬦᬫᬶᬲ᭄ᬢᭂᬭᬵᬗ᭄ᬚᬫᭂᬮ᭄᭛ ᭜ ᭛ᬓᬻᬢᬂᬭᬢ᭄ᬫᬓ᭄ᬢᭃᬃᬢᭂᬓᬂᬓᬸᬚᬦᬭᬶᬂᬲᬵ᭠
Page:Bali-lontar-atlas-bhumi-250ppi.pdf/13
This page has been proofread.
