[᭕ 5B]
᭕
ᬕᬾᬂᬢ᭄ᬭᬶᬪᬸᬯᬦᬕᬸᬡᬰᬹᬭᬭᬶᬂᬭᬡᬵ᭞ᬗ᭄ᬳᬶᬂᬰ᭄ᬭᬷᬭᬸᬲ᭄ᬮᬦᬶᬓᬾᬧᬥᬦ᭄ᬬᬭᬢᬸᬭᬶᬂᬲᬪᬸᬯᬦᬯᬭᬯᬶᬃᬬ᭄ᬬᬯᬾᬱ᭄ᬝᬯᬵᬦ᭄᭛ᬅᬓ᭄ᬯᬾᬄᬧ᭄ᬯᬂᬭᬢᬸᬫᭀᬜ᭄ᬘᬦᭂᬕ᭄ᬭᬶᬓᬧᬲᬸᬓ᭄ᬓᬩᬯᬳᬶᬧᬥᬭᬹᬫ᭄ᬦᬭᬵᬥᬶᬧ᭞ᬫᭀᬦ᭄ᬢ᭄ᬦᭂᬄᬭᭀᬧᬸᬭᬓᭀᬝᬲᭂᬃᬧ᭄ᬧ᭄ᬬᬦᬶᬭᬸᬫᬦ᭄ᬬᬗᬮᬩᬦᬶᬓᬩᭀ
ᬲ᭄ᬦ᭄ᬬᬢᬵᬧ᭄ᬯᬬ᭞ᬫ᭄ᬯᬂᬰ᭄ᬭᬷᬦᬵᬣᬮᬶᬧᬤ᭄ᬬᬭᬓ᭄ᬯᬯᬶᬦᬸᬯᬸᬲ᭄ᬭᬢᬸᬦᬶᬧᬸᬦᬯᬶᬰᬾᬱᬭᬶᬂᬚᬕᬢ᭄᭞ᬲᬗ᭄ᬓᭂᬧ᭄ᬭᬶᬂᬩᬮᬓᭀᬰᬯᬳᬦᬧᬶᬭᬂᬓᬸᬝᬶᬦᬶᬬᬸᬢᬦᬯᬃᬡ᭄ᬦᬲᬵᬕᬭ᭛ᬓᬶᬮ᭄ᬬᬦ᭄ᬲᬗ᭄ᬓᬭᬶᬭᬸᬲ᭄ᬮᬦᬾᬓᬶᬳᬦᬭᬵᬳ᭄ᬬᬅᬢᬶᬰᬬᬭᬭᬲ᭄ᬦ᭄ᬬᬯᬃᬡ᭄ᬦᬶᬢᬦ᭄᭞ᬭᬶᬂᬧ᭄ᬭᭀᬏᬲᭂᬦ
ᬭᬦ᭄ᬬᬭᬓ᭄ᬯᬫᬯᬶᬬᬃᬚᬚᬳᬦᬶᬓᬦᬫᭀᬜ᭄ᬘᬪᬹᬧᬢᬶ᭞ᬲ᭄ᬯᬾᬢᭂᬲ᭄ᬮᬵᬦ᭄ᬭᬶᬓᬶᬤᬸᬮ᭄ᬦ᭄ᬬᬬᬧ᭄ᬯᬦᬶᬓᬶᬮᭀᬃᬦ᭄ᬬᬥᬦᬫᬭᬶᬓᬦᬵᬫᬦᬶᬂᬧ᭄ᬭᬚᬵ᭞ᬲ᭄ᬓᬵᬦ᭄ᬤᬶᬦᬵᬧ᭄ᬬᬢ᭄ᬳᭃᬭᬶᬮᭀᬃᬦ᭄ᬬᬬᬢᬍᬢ᭄ᬧᬲᬶᬭᬦᬧᬸᬗᬶᬭᬸᬲ᭄ᬮᬦᬶᬤᬸᬮᭀᬭ᭄᭛ᬓᬶᬮ᭄ᬬᬦ᭄ᬲᬗ᭄ᬓᬭᬶᬦᬕ᭄ᬭᬶᬧᭀᬃᬲᭂᬦᬦᬶᬭᬂᬲᬶᬮᬸ᭠
ᬓᬶᬧᬲᬶᬲᬶᬭᬸᬤ᭄ᬭᬤᬾᬰᬦ᭞ᬭᬶᬂᬦᬾᬤᭂᬃᬮᬦᬭᬦ᭄ᬬᬩᬮ᭄ᬕ᭄ᬬᬦᬶᬓᬶᬤᬸᬮ᭄ᬦ᭄ᬬᬧᬥᬓ᭄ᬥᬶᬓᬶᬫᬹᬮᬦᬶᬂᬧ᭄ᬭᬚᬵ᭞ᬭᬶᬂᬧ᭄ᬭᬦ᭄ᬲ᭄ᬫᬦ᭄ᬧ᭄ᬯᬢ᭄ᬳᭂᬃᬓᬶᬤᬸᬮ᭄ᬦ᭄ᬬᬦᬯᬶᬬᬃᬭᬸᬓᬸᬦᬦᬶᬦᬕᬭᬦ᭄ᬬᬭᬓ᭄ᬯᬬ᭞ᬭᬶᬂᬇᬲ᭄ᬧᬜᬓᬶᬤᬸᬮ᭄ᬦ᭄ᬬᬢᬧ᭄ᬯᬫᬯ᭄ᬮᬸᬚᬚᬳᬦᬶᬓᬮᬸᬯᬲ᭄ᬓᬮᬮ᭄ᬯᬦ᭛ᬓᬷᬮ᭄ᬬᬦ᭄ᬲ᭄ᬧᬦ᭄ᬬ
[᭖ 6A]
ᬭᬶᬧᭀᬃᬢᬸᬕᬶᬲ᭄ᬚᬸᬕᬢ᭄ᬧᬂᬯᬢᭂᬲᬦᬶᬓᬦᬭᬶᬲ᭄ᬦ᭄ᬬᬢᬸᬗ᭄ᬕᬮ᭞ᬢ᭄ᬓ᭄ᬯᬦ᭄ᬭᬓ᭄ᬯᬓᬶᬤᬸᬮ᭄ᬧᬲᬶᬃᬦ᭄ᬬᬢᬸᬢᬸᬕᬶᬂᬅᬧᬶᬭᬶᬓᬚᬸᬕᬗᬵᬩ᭄ᬲᬶᬢᬸᬗ᭄ᬕᬮ᭞ᬅᬮ᭄ᬕᬶᬃᬲ᭄ᬢᭀᬦᬶᬲᬶᬓᬵᬳᬸᬭᬸᬢ᭄ᬦ᭄ᬬᬫᬗᬶᬢᬦ᭄ᬮᬮᬸᬫᬬᬸᬳᬶᬫ᭄ᬲᬶᬃᬧ᭄ᬭᬚᬵᬤᬶᬓᬵ᭞ᬢᬦ᭄ᬯᬓ᭄ᬢᬦ᭄ᬕᬶᬮᬶᬦᬹᬱ᭄ᬯᬬᬾᬓᬗᬤ᭄ᬫᬷᬢ᭄ᬓᬢᬶᬳᬮᬗᬶᬭᬶ᭠
ᬫᬵᬥ᭄ᬬᬦᬶᬂᬮᬳᬸᬢ᭄᭛ᬇᬢ᭄ᬲᭂᬃᬮᬦ᭄ᬢ᭄ᬗᬳᬦ᭄ᬲᬯᬾᬢᬦᬶᬓᬦᬂᬧᬭᬦᭂᬲᬫᬦᬶᬓᬵᬤᬶᬭᬶᬂᬳᬍᬧ᭄᭞ᬉᬱ᭄ᬝᭂᬦ᭄ᬭᬶᬓ᭄ᬚᬸᬕᬯᬾᬢᬦᬶᬓᬶᬭᬶᬯᬶᬦᭂᬦ᭄ᬗᬭᬦᬶᬧᬸᬭᬦᬶᬓᬵᬚᬦᬧ᭄ᬭᬶᬬ᭞ᬇᬢ᭄ᬲᭂᬃᬮᬦ᭄ᬭᬶᬓᬶᬤᬸᬮ᭄ᬦ᭄ᬬᬓᭀᬝᬭᬶᬗᬶᬢᬮ᭄ᬬᬧᬗᬭᬦᬶᬓᬧᬜ᭄ᬚᬗᬵᬤ᭄ᬪᬸᬢᬵ᭞ᬭᬶᬂᬢᬹᬃ
ᬬ᭄ᬬᬵᬦᬭᬦᬶᬂᬓᬥᬢ᭄ᬯᬦᬶᬓᬭᬓ᭄ᬯᬓᬤᬸᬤᬸᬓᬦᬶᬲᬂᬦᬭᬵᬥᬶᬧ᭛ ᭜ ᭛ᬓ᭄ᬭᬶᬓ᭄ᬳᬾᬦ᭄ᬮᬦ᭄ᬭᬢᬸᬫᭀᬜ᭄ᬘᬪᬹᬫᬶᬳᬸᬚᬸᬗᬶᬂᬲ᭄ᬯᬭᬹᬫᬶᬭᬶᬓᬶᬤᬸᬮ᭄᭞ᬲᬵᬫ᭄ᬧᬸᬦ᭄ᬭᬓ᭄ᬯᬓᬳᬡ᭄ᬟᬶᬭᬶᬂᬦ᭄ᬭᬧᬢᬶᬢᬸᬃᬓᬶᬬᬵᬗᬭᬦᬶᬓᬵ᭞ᬦᬹᬱᬵᬓᬡ᭄ᬟ᭄ᬬᬓᬶᬤᬸᬮ᭄ᬦ᭄ᬬᬧᬜ᭄ᬚᬗᬤ᭄ᬫᬶᬢ᭄ᬫᬮᬂᬧ᭄ᬯᬭᬶᬮᬳᬸᬢ᭄᭞ᬢᬶᬫ᭄ᬩᬂ᭠
ᬢᬶᬫ᭄ᬩᬗᬮᭀᬃᬓᬶᬤᬸᬮ᭄ᬲᬦᬭᬶᬓᭀᬝᬵᬫᭂᬢ᭄ᬲᬶᬭᬲᬶᬓ᭛ᬗ᭄ᬓᬵᬦᬄᬗᬕ᭄ᬦᬶᬬᬲᬗ᭄ᬓᬭᬶᬂᬭᬸᬲᬦ᭄ᬫᬸᬂᬧᬲᬶᬃᬗᬯᬢᬭᬦ᭄᭞ᬮ᭄ᬯᬵᬦᬶᬂ᭠ᬪᬵᬭᬢᬬᬵᬯᬓᬦ᭄ᬢᬸᬦᬶᬓᬕᭃᬂᬦ᭄ᬬᬮᬶᬫ᭄ᬧᬸᬢᬶᬍᬫᬄ᭞ᬓᬸᬮ᭄ᬯᬵᬦ᭄ᬮᭀᬃᬧᬦ᭄ᬧᬶᬦ᭄ᬬᬭᬸᬲ᭄ᬮᬦᬶᬓᬶᬤᬸᬮ᭄ᬦ᭄ᬬᬧᭂᬃᬱᬶᬬᬢ᭄ᬳᭂᬃ᭞ᬯᬾᬢᬦ᭄ᬭᬓ᭄ᬯᬭᬶᬅᬰ᭄ᬬᬪᬹᬫᬶᬧ
Page:Bali-lontar-atlas-bhumi-250ppi.pdf/6
This page has been proofread.
