[᭑᭐ 10 B]
᭑᭐
ᬳᬶᬘ᭄ᬙᬾᬦᬶᬦ᭄ᬕᭂᬦᬄᬫᬲᬬᬸᬩ᭄᭞ᬲᭂᬤᬸᬓ᭄ᬓᬸᬮᬦᬾᬓ᭄ᬮᬶᬯᬢ᭄᭞ᬫᬓᭂᬦ᭄ᬢᬲᬳᬶ᭞ᬩᬳᬂᬗᬶᬄᬦᬲᬶᬓᬸᬮ᭟ᬢᬤᬄᬩ᭄ᬘᬶᬓ᭄ᬧᬸᬦᬶᬓ᭞ᬚ᭄ᬭᭀᬤᬸᬓᬸᬄᬢᬦ᭄ᬤᬶᬧᬸᬭᬶ᭞ᬫᬶᬦᬩ᭄
ᬫᬓᬃᬬ᭄ᬬᬭᬶᬂᬢ᭄ᬕᬮ᭄᭞ᬳᬲᬸᬦ᭄ᬜᬦᬾᬗᭀᬂᬓᭀᬂᬳᬸᬬᬸᬢ᭄᭞ᬢᬗ᭄ᬓᭂᬚᬸᬢ᭄ᬗᬦ᭄ᬢᭂᬦᬂ᭞ᬲᬂᬧ᭄ᬭᬧ᭄ᬢᬶ᭞ᬳᬶᬕ᭄ᬭᬦ᭄ᬢᬂᬫᬗᬸᬘᬧ᭄ᬤᬩ᭄ᬤᬩ᭄᭟ᬩ᭄ᬮᬶᬢᬦ᭄ᬳᬧᬶᬲᬦ᭄ᬓᬾᬫᬤ᭄᭞ᬳᬚᬶᬦᬶᬦ᭄ᬭ
ᬕᬦᬾᬓᬶᬤᬶᬓ᭄᭞ᬳᬦᬓ᭄ᬤᬸᬭᬸᬂᬧᬭᬶᬢᬢᬲ᭄᭞ᬢᬳᬦᬂᬯᭀᬢᭂᬗᬾᬤᬸᬫᬸᬦ᭄᭞ᬳᬶᬘᬸᬧᬓ᭄ᬲᭂᬤᬶᬄᬫᬦᬶᬫ᭄ᬩᬮ᭄᭞ᬲᭂᬤᬸᬓ᭄ᬩᭂᬮᬶ᭞ᬢᬦ᭄ᬲᬶᬤ᭄ᬥᬳᬦ᭄ᬢᬸᬓ᭄ᬦᬗ᭄ᬕᭂᬳᬂ᭟ᬚ᭄ᬭᭀ
ᬤᬸᬓᬸᬄᬓᬢᭀᬦ᭄ᬧ᭄ᬭᬧ᭄ᬢ᭞ᬫᬶᬦᬩ᭄ᬳᬲᬸᬦᬾᬗ᭄ᬯᬂᬲᬶᬢᬶᬦ᭄᭞ᬤᭂᬳᬤᭂᬳᬫᬓᬭᭀᬦᬦ᭄᭞ᬓᬦ᭄ᬢᭂᬦ᭄ᬭᬶᬂᬧᬸᬗ᭄ᬓᬸᬃᬫᬦᬸᬢᬸᬕ᭄᭞ᬓᬤᬶᬮᬸᬘᬸᬳᬶᬘᬸᬧᬓ᭄᭞ᬳᭀᬮᬶᬄᬳᬤᬶ᭞ᬳᭂ
[᭑᭑ 11 A]
ᬦ᭄ᬢᭀᬳᬦᬓ᭄ᬩᬚᬂᬩᬚᬂ᭟ᬳᬩᬸᬮᬦ᭄ᬩᬦᬶᬫᬓᭂᬦ᭄ᬢ᭞ᬬᬦ᭄ᬲᬕᬾᬢ᭄ᬩᬳᬗᭂᬗᬶᬤᬶᬄ᭞ᬳᬦᬓᬾᬩᬚᬂᬢᭀᬢᭀᬦᬦ᭄᭞ᬫᬤ᭄ᬬᬋᬂᬓ᭄ᬬᬂᬭᬕᬍᬫᬸᬄ᭞ᬧᬦ᭄ᬢᭂᬲ᭄ᬕᭂᬮᬸᬢ᭄ᬳᬸ
ᬬᬦ᭄ᬤᬶᬫᬦ᭄᭞ᬫ᭄ᬦᭂᬂᬩ᭄ᬮᬶ᭞ᬳᬶᬕ᭄ᬭᬦ᭄ᬢᬂᬲ᭄ᬕᭂᬢ᭄ᬫᬦᬶᬫ᭄ᬩᬮ᭄᭟ᬲᬲᬫ᭄ᬧᬸᬦᬾᬦᬫ᭄ᬧᭂᬓ᭄ᬓᭀᬘᬧ᭄᭞ᬚ᭄ᬭᭀᬤᬸᬓᬸᬄᬗᬸᬘᬧ᭄ᬳᬶᬭᬶᬲ᭄᭞ᬦ᭄ᬤᬯᭂᬕ᭄ᬢᬶᬢ᭄ᬬᬂᬫᬦᬸᬦᬲᬂ᭞ᬓᬤᬶᬦᭂᬫ᭄ᬩᬾ
ᬦᬶᬦ᭄ᬤᬤᭀᬲ᭄ᬭᬯᬸᬄ᭞ᬭᬭᬶᬲᬂᬤᬸᬫᬸᬦ᭄ᬫᬦ᭄ᬢᬸᬓᬦ᭄᭞ᬲᬫ᭄ᬧᬸᬦ᭄ᬗ᭄ᬭᬜ᭄ᬚᬶᬂ᭞ᬲᬳᬶᬦ᭄ᬤᬶᬓ᭄ᬜᬓᬧᬶᬤᬃᬣ᭟ᬤᬸᬓᬸᬄᬲᬾᬢᬶᬂᬳᬗᭂᬦ᭄ᬧᬶᬲᬦ᭄᭞ᬫᬶᬭᬕᬶᬳᬶ
ᬦ᭄ᬤᬶᬓ᭄ᬱᬂᬓᬮᬶᬄ᭞ᬫ᭄ᬭᬄᬫ᭄ᬭᬸᬄᬫᬜᭂᬮ᭄ᬲ᭄ᬮᬂ᭞ᬮᬶᬦ᭄ᬢᬂᬧᬗᬾᬦ᭄ᬤᬦᬶᬂᬢᬸᬤᬸᬄ᭞ᬭᬭᬶᬲ᭄ᬤᬦᬾᬫᬗᬦ᭄ᬤᬶᬓ᭞ᬓ᭄ᬫᭀᬘ᭄ᬦᬶᬂ᭞ᬳᬾᬗ᭄ᬕᬮ᭄ᬫᬭᬢᭂᬗᬦ᭄᭟ᬳᭀᬓᬦ᭄
Page:Bali-lontar-cupak-grantang-400ppi.pdf/11
This page has been proofread.
