[᭑᭓ 13 B]
᭑᭓
ᬫ᭄ᬧᬸᬦ᭄ᬲ᭄ᬯᬪᬯᬦᬶᬂᬚᬕᬢ᭄᭞ᬕ᭄ᬯᬓ᭄ᬗᬕᬮᭀᬓ᭄ᬫᬫᬸᬜᬶ᭞ᬲᬳᬤᬸᬮᬸᬭᬶᬂᬭᬶᬭᬶᬲ᭄᭞ᬲᬬᭀᬗᬾᬢ᭄ᬤᬸᬦ᭄ᬗᬮᬶᬧᬸᬢ᭄᭞ᬧᬓ᭄ᬱᬶᬦᬾᬗ᭄ᬭᬸᬂᬓᬸᬕᬂ᭞ᬭᬶᬂᬘᬭᬂ
ᬓᬬᬸᬦᬾᬦᭂᬗ᭄ᬲᬶᬮ᭄᭞ᬓ᭄ᬢᬸᬕ᭄ᬓᭂᬢᬸᬕ᭄᭞ᬳᬶᬘᬸᬧᬓ᭄ᬋᬲ᭄ᬧ᭄ᬲ᭄ᬭᬶᬂᬫᬦᬄ᭟ᬲᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬢᬦ᭄ᬯᬾᬦ᭄ᬢᭂᬦ᭄ᬚᬢ᭄ᬫᬓᬧᬗ᭄ᬕᬶᬄ᭞ᬲᬂᬓᬮᬶᬄᬢ᭄ᬭᬸᬲ᭄ᬫᬚᬮ
ᬦ᭄᭞ᬮ᭄ᬬᬢᬾᬫ᭄ᬭᬾᬗᬂᬫᭂᬤᬲᬶᬦ᭄᭞ᬓᭀᬭᬶᬳᬕᬸᬂᬓᬢᭀᬦ᭄ᬗᬶᬜ᭄ᬚᬶᬮ᭄᭞ᬳᬶᬘᬸᬧᬓ᭄ᬳᬗᭀᬩ᭄ᬗᬭᬸᬗᬸ᭞ᬢᬸᬫᬸᬮᬶᬭᬭᬶᬲ᭄ᬫᬗᬸᬘᬧ᭄᭞ᬕ᭄ᬫᬶᬳᬧᬳ᭄ᬦᬾᬳᬤᬶ᭞ᬤ
ᬤᬶᬲᬸᬯᬸᬂ᭞ᬧᬦ᭄ᬢᭂᬲ᭄ᬭᬫᬾᬓᬮᬶᬦ᭄ᬢᬂ᭟ᬩᬜ᭄ᬘᬶᬗᬄᬦᬾᬫ᭄ᬧᬶᬂᬯᬦ᭄ᬢᬶᬮᬦ᭄᭞ᬧᬦ᭄ᬢᭂᬲ᭄ᬤᬕᬂᬮ᭄ᬬᬸᬤᬶᬦᬶ᭞ᬳᬧᬦᬾᬫᬦ᭄ᬘᬦᬾᬦ᭄ᬫᬶᬦᬩ᭄᭞ᬫᬾᬄᬲᬂᬕᬸᬫᬸᬢᭂᬩᬶᬦ᭄ᬕ᭄ᬭᬶᬂ᭞ᬲᬕᬾᬢ᭄
[᭑᭔ 14 A]
ᬲᬂᬓᬮᬶᬄᬫᬶᬭᬕᬶ᭞ᬲ᭄ᬯᬭᬦ᭄ᬳᬲᬸᬗᬸᬮᬸᬦ᭄ᬗᬸᬮᬸᬦ᭄᭞ᬳᬶᬘᬸᬧᬓ᭄ᬗ᭄ᬢᭀᬃᬫᬗᬸᬘᬧ᭄᭞ᬳᬤᬸᬄᬫᬢᬶᬚᬦᬶᬳᬤᬶ᭞ᬳᬶᬦᬗ᭄ᬭᬸᬩᬸᬕ᭄ᬫᬾᬢᬦ᭄ᬳᭂᬦ᭄ᬢᭀᬲᬸᬩᬢ᭄ᬓ᭟ᬳᬶᬕ᭄ᬭᬦ᭄ᬢᬂᬳᬮᭀᬦ᭄
ᬫᬦᬶᬫ᭄ᬩᬮ᭄᭞ᬤᬢᬭᬫ᭄ᬩᬂᬤᬤᭀᬲ᭄ᬩᭂᬮᬶ᭞ᬫᬫᬃᬕ᭄ᬕᬶᬩ᭄ᬘᬶᬓ᭄ᬢ᭄ᬭᬸᬲᬂ᭞ᬲᬕᬾᬢ᭄ᬯᬾᬦ᭄ᬢᭂᬜ᭄ᬚᬢ᭄ᬫᬧᬗ᭄ᬕᬶᬄ᭞ᬓ᭄ᬦᬶᬳᬶᬧᬸᬦ᭄ᬢᬓᬾᬦᬶᬦ᭄᭞ᬦᬧᬶᬦᬾᬗᬯᬶᬦᬂᬲᬫᬸᬦ᭄᭞ᬯ᭄ᬬᬤᬶᬦ᭄ᬲᬦᬾ
ᬫᬜ᭄ᬘᬦ᭞ᬳᬶᬘᬸᬧᬓ᭄ᬕᭂᬮᬶᬲ᭄ᬜᬯᬸᬭᬶᬦ᭄᭞ᬲᬚᬧᬢᬸᬢ᭄᭞ᬲᬕᬾᬢ᭄ᬗᬶᬤᬶᬄᬦᬲᬶᬫᬳᬦ᭄᭟ᬓᭀᬘᬧ᭄ᬚᬸᬫᬶᬩᬭᬶᬂᬧᬲᬃ᭞ᬫᬓ᭄ᬮᬧ᭄ᬤᬕᬂᬓᬧᬗ᭄ᬕᬶᬄ᭞ᬲᬓᬤᬶᬫᬗ᭄ᬓᭂᬩ᭄ᬫᬕ᭄ᬦᬄ᭞ᬳᬶᬘᬸᬧ
ᬓ᭄ᬳᬾᬕᬃᬜᬕ᭄ᬚᬕᬶᬦ᭄᭞ᬲᬳᬫᬧᬚᬃᬜ᭄ᬭᬶᬢ᭄᭞ᬗᬸᬤᬤᬤᬶᬲᬸᬯᬸᬂᬲᬫᬸᬦ᭄᭞ᬳᬧᬳᬦᬾᬗ᭄ᬭᬦᬬᬂ᭞ᬦᬄᬓᬸᬮᬫᬳᬶᬥᭂᬧ᭄ᬳᬸᬦᬶᬂ᭞ᬕ᭄ᬮᬶᬲ᭄ᬳᬶᬧᬸᬦ᭄᭞ᬳᬶᬕ᭄ᬭᬦ᭄ᬢᬂᬜ᭄ᬮᬕ᭄ᬦᬶᬫ᭄ᬩᬮ᭄
Page:Bali-lontar-cupak-grantang-400ppi.pdf/14
This page has been proofread.
