[᭒᭑ 21 B]
᭒᭑
ᬧᬢᬶ᭟ᬩᬸᬲᬦ᭄ᬩᬸᬲᬦ᭄ᬳᬶᬕ᭄ᬭᬦ᭄ᬢᬂᬫᬫᬸᬗᬸᬤᬩ᭄ᬤᬩ᭄᭞ᬫᬫᬃᬕ᭄ᬕᬶᬩ᭄ᬮᬶᬩ᭄ᬘᬶᬓ᭄᭞ᬦᬶᬓᬲ᭄ᬯᬭᬦ᭄ᬓᬓᬶᬸᬤᬂ᭞ᬳᬶᬘᬸᬧᬓ᭄ᬫᬮᬶᬄᬗᬢᬩ᭄ᬢᬢ᭄᭞ᬳᭂᬫᬾᬄᬢᭀᬜᬳᭂᬦ᭄ᬢᭀᬳᬤᬶ᭞ᬕ
ᬦ᭄ᬢᬶᬚᬦᬶᬧ᭄ᬭᬕᬢ᭄᭞ᬕ᭄ᬦᭂᬲ᭄ᬦᬕᬶᬄᬗᬸᬭᬸᬕᬶᬦ᭄᭟ᬧᬓ᭄ᬱᬶᬲᬸᬕᭂᬫ᭄ᬧᬸᬦᬶᬓᬲᬦᬾᬫᬲ᭄ᬯᬭ᭟ᬫᬲᬯᬸᬃᬳᬶᬕ᭄ᬭᬦ᭄ᬢᬂᬕ᭄ᬮᬶᬲ᭄᭞ᬩᭀᬬᬦᬧᬶᬢᭀᬜ᭞ᬗᬶᬭᬶᬂᬫᬫᬃᬕ᭄ᬕᬶᬩ᭄ᬘᬶᬓᬂ᭞ᬫᬭᬶᬂ
ᬫᬦᬄᬯ᭄ᬢᬸᬳᬾᬮᬶᬂ᭞ᬲᭂᬤᬸᬓ᭄ᬓᬶᬘᬾᬦ᭄ᬦᬸᬦᬲ᭄ᬭᬶᬂᬧᬸᬭᬶᬗᬋᬧᬶᬦ᭄ᬕᬸᬮᬶᬂ᭟ᬮᬶᬦ᭄ᬢᬂᬳᬗᭂᬦ᭄ᬭᬸᬫᬲᬚ᭄ᬭᬾᬦᬶᬂᬫᬦᬄ᭞ᬮᬘᬸᬃᬲᬚᬗ᭄ᬮᬄᬩ᭄ᬮᬶ᭞ᬕᭂᬢᬧᬾᬗᭂᬦ᭄ᬘᭀᬢᬂ᭞ᬯᬦᬾᬦᬾᬢ᭄ᬯᬄ
ᬗᬚᬗᬂ᭞ᬲᬓᬶᬂᬧᬗᭂᬦ᭄ᬤᬦᬶᬂᬯᬶᬤ᭄ᬥᬶ᭞ᬩᬲ᭄ᬤᭀᬄᬧᬶᬲᬦ᭄ᬩᬶᬦ᭞ᬮᬓ᭄ᬱᬡᬓᬮᬯᬦ᭄ᬫᬸᬜᬶ᭟ᬕᬕᬜ᭄ᬘᬗᬦ᭄ᬧᬫᬃᬕ᭄ᬕᬶᬦᬾᬢᬦ᭄ᬭᬾᬭᬾᬦᬦ᭄᭞ᬜ᭄ᬯᬮ᭄ᬩᭂᬢ᭄ᬗ᭄ᬭᬲ᭄ᬕᬲ᭄ᬳᬩᬶᬂ᭞
[᭒᭒ 22 A]
ᬦᬸᬯᬹᬢ᭄ᬭᬾᬚᬾᬂᬢᬸᬓᬤ᭄᭞ᬳᬶᬘᬸᬧᬓᬼᬲᬸᬓᬮᬶᬦ᭄ᬢᬂ᭞ᬩᬶᬮᬂᬤᬗ᭄ᬓᬩᬄᬗᬸᬮᬶᬦ᭄ᬢᬶᬓ᭄᭞ᬳᬶᬚᬸᬳᬶᬕ᭄ᬭᬦ᭄ᬢᬂ᭞ᬫᬗᬸᬦᬂᬓᬮᬶᬄᬦᬦ᭄ᬤᬦᬶᬦ᭄᭟ᬬᬦᬶᬂᬓᬸᬤᬂᬯ᭄ᬗᬶᬲᬫ᭄ᬧᬸᬦ᭄ᬳᬦᬾᬂᬳᬯᬦ᭄
᭞ᬢᬶᬕ᭄ᬢᬶᬕ᭄ᬲᬩᭂᬄᬳᬸᬬᬓ᭄ᬕᭂᬲᬶᬢ᭄᭞ᬫᬗ᭄ᬕᬸᬄᬲᬶᬗ᭄ᬳᬯᬭᬓ᭄᭞ᬳᬸᬮᬧᬓ᭄ᬮᬾᬲᭀᬢ᭄ᬢᬦ᭄ᬓᬶᬭᬂ᭞ᬓᬤᬶᬓᬢᬓᬸᬢ᭄ᬲᬂᬓᬮᬶᬄ᭞ᬗᬶᬂᬯᬦᬕᬶᬗ᭄ᬕᬂ᭞ᬜᬸᬫᬶᬗ᭄ᬓᬶᬦ᭄ᬓᬸᬓᬸᬄᬭᬶᬂᬳ
ᬢᬶ᭟ᬲᬫ᭄ᬧᬸᬦ᭄ᬦᬫ᭄ᬧᭂᬓ᭄ᬭᬶᬂᬕ᭄ᬦᬄᬫᭂᬲᭂᬳᬾᬓᭀᬘᬧ᭄᭞ᬳᬶᬘᬸᬧᬓ᭄ᬩᭂᬤᬓ᭄ᬢᬦ᭄ᬤᬸᬕᬶ᭞ᬕᬶᬭᬂᬲᬳᬫᬜᬕ᭄ᬚᬕ᭄᭞ᬮᬶᬸᬚᬮᬦ᭄ᬗᬶᬦᬸᬫ᭄ᬳᬤᬶᬕ᭄ᬭᬦ᭄ᬢᬂ᭞ᬳᬶᬕ᭄ᬭᬦ᭄ᬢᬂᬕ᭄ᬮᬶᬲ᭄ᬗ᭄ᬯᬗ᭄ᬲᬶᬢᬶ
ᬦ᭄᭞ᬲᬃᬯ᭄ᬯᬶᬫᬗᬸᬘᬧ᭄᭞ᬲᬫ᭄ᬧᬸᬦᬂᬫ᭄ᬭᬶᬓᬩ᭄ᬮᬶ᭟ᬳᭂᬜ᭄ᬘᭂᬄᬩᭂᬦᬭᬸᬧᬸᬦᬶᬓᬫᬓᭂᬫ᭄ᬩᭂᬗᬦ᭄᭞ᬓᭀᬘᬧ᭄ᬳᬶᬘᬸᬧᬓ᭄ᬫᬶᬭᬕᬶ᭞ᬓᬤᬶᬤᬦ᭄ᬤᭂᬃᬓᬶᬮᬧ᭄ᬤ᭄ᬮᬓ᭄ᬤᭂᬤᬶᬸᬮᬶᬓ᭄ᬫᬕᭂᬢᭀ
Page:Bali-lontar-cupak-grantang-400ppi.pdf/22
This page has been proofread.
