This page has been proofread.
[᭒᭘ 28 B]
᭒᭘
ᬕᬸᬂ᭞ᬲᬺᬕᭂᬧ᭄ᬲᬧᬶᬸᬳᬸᬘᬭ᭞ᬫᬦᬸᬭᬶᬂᬭᬢᬸᬮ᭄ᬯᬶᬄ᭟ᬫᬗᬗ᭄ᬕᬾᬭᬚᬪᬸᬱᬦ᭞ᬫᬗᬸᬭᬜᬩ᭄᭞ᬯᬶᬪᬸᬳᬶᬂᬫᬲ᭄ᬫᬡᬶᬓ᭄᭞ᬲᭀᬢᬦᬶᬂᬤᬤᭀᬲ᭄ᬳᬕᬸᬂ᭞
ᬓᬾᬯᬦ᭄ᬢᭂᬦ᭄ᬩᬗᭂᬢ᭄ᬧᬶᬯᬮ᭄᭞ᬬᬦ᭄ᬗᬦᬸᬢᬶᬦ᭄ᬲᬲᬦ᭄ᬲᬂᬦᬣᬭᬢᬸ᭞ᬳᬗ᭄ᬕᬦᬶᬂᬓᬤᬶᬲᬶᬦᭀᬗ᭄ᬕᬦ᭄᭞ᬩᬸᬢᬦᬾᬦᭂᬫ᭄ᬩᬾᬫᬫᬗ᭄ᬕᬶᬄ᭟
ᬢᬶᬗ᭄ᬓᬄᬳᬸᬘᬨᭂᬤᭀᬄᬢᬶᬫ᭄ᬧᬂ᭞ᬓᭀᬧᬩᬸᬤᬕ᭄ᬯᭀᬂᬚ᭄ᬭᭀᬫᬾᬯᭂᬄᬗᬬᬳᬶᬦ᭄᭞ᬧᬫᬃᬕ᭄ᬕᬶᬦᬾᬗᬸᬮᬄᬮᬓᬸ᭞ᬮ᭄ᬯᬶᬃᬓᬤᬶᬚᬢ᭄ᬫᬳᬾᬤᬦ᭄
᭞ᬫᬭᬶᬂᬢᬫᬦ᭄᭞ᬕ᭄ᬦᬄᬲ᭄ᬓᬃᬲᬃᬯ᭄ᬯᬳᬭᬸᬫ᭄᭞ᬲᬕᬾᬢ᭄ᬩᬘᬶᬦ᭄ᬫᬩ᭄ᬭᬭᬓᬦ᭄᭞ᬬᬦ᭄ᬧᬸᬗᬸᬕᬮᬓ᭄ᬫᬦᬸᬤᬶᬂ᭟ᬓᬮᬓᬲᬾᬧᬦ᭄ᬫᬲᭀᬤ᭞ᬕ᭄ᬭᬓ᭄ᬕ᭄ᬭ
[᭒᭙ 29 A]
ᬓ᭄ᬓᬧ᭄ᬭᬦ᭄ᬢᭂᬦᬦ᭄ᬗᬭᬜ᭄ᬚᬶᬂ᭞ᬳᬭ᭄ᬯᬦ᭄ᬩᬩᬃᬓᬳᬗ᭄ᬓᬸᬧ᭄᭞ᬯ᭄ᬯᬂᬚ᭄ᬭᭀᬕᭂᬢᬶᬂᬗᬯᭀᬦᬂ᭞ᬭᭀᬫᭀᬦ᭄ᬧᬶᬲᬦ᭄ᬤᬶᬓᬾᬦ᭄ᬓᬾᬦᬾᬜᬸᬧ᭄ᬩᬜᬸ᭞ᬩᬗ᭄ᬓᬸᬂᬓ
ᬦ᭄ᬳᬶᬓᬬᬂᬗᭀᬮᬄ᭞ᬬᬦᬶᬦ᭄ᬦᬾᬦ᭄ᬢᭂᬦ᭄ᬧᭀᬮᬶᬄᬓᬸᬘᬶᬢ᭄᭟ᬬᬦᬶᬂᬫᬦᬸᬚᬸᬓᬧᬲᬃ᭞ᬤᬕᬂᬕᬸᬮᬶᬂᬫᬲᬾᬧᬦ᭄ᬲᬾᬧᬦ᭄ᬫᬓ᭄ᬮᬶᬤ᭄᭞ᬮᬘᬸᬃᬓᬮᬦᬶᬂᬓ
ᬧᬗ᭄ᬕᬸᬄ᭞ᬢᬦ᭄ᬫᬭᬶᬓᬩᬯᭀᬲᬂ᭞ᬓᬢᬹᬃᬳᬾᬢᬦ᭄ᬓᬧᬸᬓᬂᬧᬓᬂᬫᬦ᭄ᬭᬸᬲ᭄᭞ᬓᬤᬶᬳᬚᬕ᭄ᬫᬗᬦ᭄ᬲᬯ᭞ᬗᬯᬾᬜᭂᬦᭂᬩ᭄ᬲᬂᬗᬢᭀᬦᬶᬦ᭄᭟
ᬩ᭄ᬮᭀᬕ᭄ᬳᬚᬸᬫᬾᬓᬮᬶᬦ᭄ᬢᬂ᭞ᬗᬗ᭄ᬓᭂᬦ᭄ᬩᬕᬸᬲ᭄ᬢᬦ᭄ᬧᬶᬲᬦ᭄ᬤᬤᭀᬲ᭄ᬘᬾᬤᬳᬶᬦ᭄᭞ᬳᭀᬲᭂᬔᬶᬤᬲᬂᬧ᭄ᬭᬪᬹ᭞ᬗᬬᬸᬦᬶᬦ᭄ᬫᬦ᭄ᬢᬸᬮᬦ᭄ᬳ᭄ᬬᬦᬓ᭄᭞ᬧᬭᬓ
