[᭓᭙ 39 B]
᭓᭙
ᬲ᭄ᬥᭂᬓ᭄ᬓᬧᬶᬗᭀᬦ᭄ᬭᬶᬂᬫᬦᬄ᭞ᬓᬦ᭄ᬘᬶᬢ᭄ᬪᬝᬭᬗ᭄ᬭᬯᬸᬳᬶᬦ᭄᭞ᬮ᭄ᬯᬶᬄᬪᬯᬫᬲᬸᬦᬭᬦ᭄᭞ᬯᬶᬸᬫᬯᬘᬦᬦᬸᬤᬸᬢ᭄ᬓᬬᬸᬦ᭄᭞ᬦᬶᬭᬗᬸᬢᬸᬰ᭄ᬘᬳᬶᬢ᭄ᬓ᭞ᬢᬗ᭄ᬓᬶᬮ᭄ᬫᬳᬶ᭞ᬕᬸᬫ
ᬦ᭄ᬢᬶᬢ᭄ᬯᬄᬫᬶᬲᬭᬢ᭄᭟ᬢ᭄ᬓᬦᬶᬂᬘᬳᬶᬲᬸᬓ᭄ᬱ᭄ᬭᬄ᭞ᬳᭂᬫ᭄ᬧᬸᬳᭂᬦ᭄ᬢᭀᬳᬦᬓᬾᬘ᭄ᬭᬶᬢᬶᬸᬓ᭄᭞ᬳᭂᬤᬘᬳᬶᬲᬸᬫᬗ᭄ᬲᬬ᭞ᬳᬾᬗ᭄ᬕᬮ᭄ᬘᬳᬶᬫᬗ᭄ᬕᬸᬄᬳᬬᬸ᭞ᬳᬬᬢ᭄ᬳ
ᬧᬸᬦ᭄ᬫᬢᬹᬃᬓᭀᬘᬧ᭄᭞ᬲᬕᬾᬢ᭄ᬳᬾᬮᬶᬂ᭞ᬗᬸᬲᬧ᭄ᬫᬢᬓᬶᬚᬧ᭄ᬓᬶᬚᬧ᭄᭟ᬧᬗ᭄ᬕᬶᬄᬳᬦᬓ᭄ᬳᬮᬶᬢ᭄ᬗ᭄ᬮᬾᬚᬢ᭄᭞ᬭᬶᬂᬢ᭄ᬗᬄᬢᬶᬓᭂᬳᬾᬓᬭᬶ᭞ᬧᬫᬸᬮᬸ
ᬦᬾᬫᬲᬸᬦᬭᬦ᭄᭞ᬫ᭄ᬭᬲᬳᬸᬮᬧ᭄ᬧᬦ᭄ᬩᭂᬓᬸᬂ᭞ᬳᬾᬮᬶᬂᬫᬭᬶᬂᬧᬗᬶᬧ᭄ᬬᬦ᭄᭞ᬕᬾᬲᭀᬦ᭄ᬭᬭᬶᬲ᭄᭞ᬳᬦᬓᬾᬳᬮᬶᬢ᭄ᬓᬳᭂᬫ᭄ᬩᬦ᭄᭞ᬗᬸᬗ᭄ᬲᬶᬧᭀᬦ᭄ᬤᭀ
[᭔᭐ 40 A]
ᬓ᭄ᬕᬕᬜ᭄ᬘᬗᬦ᭄᭞ᬳᬦ᭄ᬢᬸᬓ᭄ᬮ᭄ᬬᬗᬾᬢᬦ᭄ᬲᬶᬧᬶ᭞ᬦᬦᬂᬩᭂᬓᬸᬂᬘᬭᬶᬢᬬᬂ᭞ᬫ᭄ᬫᬲᬸᬓᬤᬶᬮᬸᬘᬸ᭞ᬦᬓᬾᬳᬮᬶᬢ᭄ᬓᬲ᭄ᬓᭂᬧᬂ᭞ᬲ᭄ᬬᭂᬧ᭄ᬲᭂᬧᬶ᭞ᬫᬾᬦ᭄ᬩᭂᬓᬸᬂᬢᬦ᭄ᬧᬶ
ᬲᬦ᭄ᬢᬢᬲ᭄᭟ᬫᬾᬫᬾᬦ᭄ᬩᭂᬓᬸᬂᬢᬦᬢᬸᬮᬓ᭄᭞ᬫᬦᬸᬢᬂᬳᬕᬸᬭᬸᬮᬓᬶ᭞ᬲᬓᬤᬶᬢᬦ᭄ᬲᬸᬫᬗ᭄ᬲᬬ᭞ᬫᬓᬃᬬ᭄ᬬᬕᭂᬦ᭄ᬢᬃᬳᬧᬬᬸᬓ᭄᭞ᬲ
ᬲᬫ᭄ᬧᬸᬦ᭄ᬜᬭᬢᭂᬂᬓᭀᬘᬧ᭄᭞ᬫᬮᬶᬄᬫᬗ᭄ᬓᬶᬦ᭄᭞ᬫᬾᬦ᭄ᬩᭂᬓᬸᬂᬓᬓᭀᬓᭀᬦ᭄ᬦᬶᬗ᭄ᬕᬮ᭄᭟ᬫᬾᬦ᭄ᬩᭂᬓᬸᬂᬢᬦ᭄ᬓᬢᬄᬳᬸᬘᬧ᭄᭞ᬫᬢᬶᬗ᭄ᬕᬮ᭄ᬲᬃᬯ᭄ᬯᬶ
ᬫᬗᬶᬦ᭄ᬢᬶᬧ᭄᭞ᬧᭂᬤᬲ᭄ᬓᬧᬗ᭄ᬕᬸᬄᬳᬶᬭᬶᬓ᭞ᬦᬦᬂᬩᭂᬓᬸᬂᬫᬓ᭄ᬢᬩᬸᬂᬩᬸᬂ᭞ᬕᭂᬦ᭄ᬤᬭᬾᬢ᭄ᬮᬲ᭄ᬓᬩᬓ᭄ᬢ᭞ᬓᬲᬧᬸᬢᬶᬦ᭄᭞ᬭᬭᬶᬲ᭄ᬗᬸᬦ᭄ᬲᬶᬧᭀᬦ᭄ᬤᭀᬓ᭄ᬳᬾᬗ᭄ᬕᬮ᭄
Page:Bali-lontar-cupak-grantang-400ppi.pdf/40
This page has been proofread.
