[᭑᭐᭔ 104B]
᭑᭐᭔
ᬫ᭄ᬧᬸᬲᬂᬗ᭄ᬓᬵᬮᬵ᭞ᬤᬶᬦ᭄ᬢᭂᬦ᭄ᬦᬶᬧᬸᬦ᭄ᬫᬮᬶᬄᬫ᭄ᬬᬢ᭄ᬢᬶᬂᬘᬬᬦ᭄ᬭᬯᬸᬂ᭞ᬳᬸᬚ᭄ᬯᬦᬾᬫᭀᬜ᭄ᬘᬯᬃᬡ᭞ᬓᬂᬦᬾᬂᬚ᭄ᬭᭀᬦᬶᬂᬘᬄᬬᬓᬾᬓ᭄ᬱᬶ᭟ᬓᬤ᭄ᬬᬋᬱᬶᬳᬯᬯᬭᬄ᭞ᬦᭂᬗ᭄ᬕᬶᬄᬲᬂᬳ᭄ᬬᬂᬕᬸᬭᬸᬳᬶᬓᬂᬯ
ᬯᬗᬶ᭞ᬢᬸᬫᬸᬮ᭄ᬬᬤᬶᬦ᭄ᬢᭂᬦ᭄ᬧᬸᬦᬶᬓᬸ᭞ᬢᬸᬫᬸᬯᬸᬄᬳᬶᬂᬓᬃᬱᬜ᭞ᬲᬂᬫ᭄ᬭᬢᬧᬳᬫᬲ᭄ᬢᬦᬶᬤᬶᬦᬕᬸᬭᬸ᭞ᬭᬯᬸᬄᬜᬳ᭄ᬬᬂᬕᬶᬭᬶᬡᬣ᭞ᬮᬯᬦ᭄ᬳᬶᬓᬂᬧᬭᬲᬶᬯᬶ᭟ᬲᬸᬂᬦᬸᬕ᭄ᬭᬳᬵᬫ᭄ᬭᬶᬂ᭠
ᬲᬂᬢᬧ᭞ᬩᬡ᭄ᬪᬶᬂᬕᬸᬦᬓᬲᬓ᭄ᬢᬾᬦ᭄ᬯᬃᬡᬶᬯᬃᬡᬶ᭞ᬲᬂᬳᬶᬫ᭄ᬧᬲᬂᬗ᭄ᬓᬵᬮᬲᬵᬫ᭄ᬧᬸᬦ᭄᭞ᬧᬦᬧ᭄ᬭᬫᬦᬾᬤ᭄ᬭᬶᬬ᭞ᬳᬫᬸᬫ᭄ᬧᬸᬦᬶᬳᬶᬂᬕᬸᬦᬵᬓᬲᬓ᭄ᬢᬾᬦ᭄᭞ᬦᬤ᭄ᬬᬦ᭄ᬤᭀᬦᬶᬂᬤ
ᬦᬸᬃᬥᬦ᭞ᬓᬫᬸᬱ᭄ᬝᬶᬳᬶᬂᬢ᭄ᬬᬲ᭄ᬧ᭄ᬭᬢᬶᬢᬶᬲ᭄᭟ᬲᬫᬸᬓ᭄ᬱ᭄ᬯᬦᬶᬧᬭᬤᬾᬯ᭞ᬘᬶᬦᬭᬶᬢᬳᭂᬫᬸᬲᬂᬗ᭄ᬓᬮᬦᬸᬮᬶ᭞ᬳᬦᬵᬢᬧᬦᭂᬫ᭄ᬩᬄᬳᬶᬧᬸᬦ᭄᭞ᬤᬶᬦ᭄ᬢᭂᬦ᭄ᬰ᭄ᬭᬶᬯᬶᬯᬶᬢ᭄ᬢᬶᬭ᭞
[᭑᭐᭕ 105A]
ᬫᬥᭂᬧ᭄ᬫᬭᬂᬳᬶᬂᬧᬸᬃᬯᬦ᭄ᬢᬭᬧᬸᬦᬶᬓᬸ᭞ᬢᬸᬫᬸᬮ᭄ᬬᬳᬶᬂᬤᬶᬦᬓᬮ᭞ᬳᭂᬫ᭄ᬧᬸᬲᬗ᭄ᬓᬮᬗᬲ᭄ᬢᬸᬢᬶ᭟ᬫᬥᭂᬧ᭄ᬭᬶᬂᬓᬾᬩ᭄ᬮᬢ᭄ᬭᬓ᭄ᬱᬶᬭ᭞ᬤᬾᬦᬾᬤᬶᬦᬩ᭄ᬭᬳ᭄ᬫᬵᬤᬾᬦ᭄ᬦ᭄ᬬᬗᬲ᭄ᬢᬸᬢᬶ᭞ᬫᬭᬂᬧ᭄ᬭᬘᬶ
ᬫᬵᬧᬦ᭄ᬮᬚᬸ᭞ᬤᬶᬦ᭄ᬢᭂᬦ᭄ᬯᬶᬱ᭄ᬡᬸᬳᬤᭂᬧ᭄ᬦ᭄ᬬ᭞ᬫ᭄ᬭᬶᬂᬳᬸᬢᬭᬢᬸᬫᬸᬦ᭄ᬢᭂᬦ᭄ᬳᬶᬂᬤᬶᬦᬕᬸᬭᬸ᭞ᬢᬸᬫᬸᬗ᭄ᬓᬸᬮ᭄ᬫᬭᬂᬧ᭄ᬭᬢᬮ᭞ᬲᬸᬫᬸᬲᬸᬂᬳᬶᬂᬧᬸᬤ᭄ᬬᬲ᭄ᬢᬸᬢᬶ᭟ᬫ᭄ᬭᬶᬂᬳ᭄ᬬᬂᬕᬸᬭᬸᬲᬧᬸᬢ᭄ᬭᬜ᭞ᬤᬢᬦ᭄ᬳᭀᬝᬵᬂ
ᬯᬳᬸᬤᬾᬦ᭄ᬦ᭄ᬬᬗᬩ᭄ᬢᬶᬩᬓ᭄ᬢᬶ᭞ᬳᭂᬫ᭄ᬧᬸᬲᬗ᭄ᬓᬮᬯᬶᬦᬸᬯᬸᬲ᭄ᬫ᭄ᬯᬸᬲ᭄ᬢᭂᬢᭂᬳᭀᬦᬾᬂᬯᬸᬓᬶᬃᬳ᭄ᬬᬂ᭞ᬲᬲᬢ᭄ᬱᬵᬫ᭄ᬧᬸᬦ᭄ᬳᬦᬸᬗ᭄ᬕᬸᬮ᭄ᬪᬩᬕ᭄ᬕᬦ᭄ᬦᬶᬧᬸᬦ᭄᭞ᬮᬦ᭄ᬗᬗ᭄ᬱᬦᬾᬧᬭᬤᬾᬯ᭞ᬦᬳ᭠
ᬦ᭄ᬓᬂᬧᬸᬤ᭄ᬬᬲᭂᬫᬤ᭄ᬥᬶ᭚᭜᭚ᬥᬗ᭄ᬤᬂ᭛᭜᭛ᬲᬶᬦᬃᬓᬭᬫᬗ᭄ᬓ᭄ᬬᬓᬂᬯᬶᬦᬃᬦᬶ᭞ᬯᭀᬦ᭄ᬢᭂᬦ᭄ᬢᬸᬕᬧᬜ᭄ᬚᭂᬦᭂᬂᬗᬦ᭄ᬡᬣ᭞ᬳᬶᬂᬗ᭄ᬭᬸᬫ᭄ᬣᬸᬃᬓᬶᬦᬕᬭᬶᬦᬾ᭞ᬗᬸᬤᬶᬭᬄᬳᬃᬚᬢᬸᬮᬸ᭠
Page:Bali-lontar-gaguritan-adam-hawa-350ppi.pdf/105
This page has been proofread.
