[᭑᭑᭒ 112B]
᭑᭑᭒
ᬓᬾᬄᬓᬂᬮᬮᬶᬲ᭄᭞ᬕ᭄ᬬᬦᬲ᭄ᬯᬭᬓᬧ᭄ᬬᬃᬱᬵ᭟ᬯᬭᬄᬬᬾᬦ᭄ᬫ᭄ᬭᬶᬄᬮ;ᬳᬶᬲ᭄ᬱᬶᬂᬲᬲᬓᬶᬢ᭄᭞ᬳᬦᭂᬩᬸᬢᬲᬂᬳ᭄ᬬᬂᬤᬾᬯᬩᬸᬤ᭄ᬥ᭞ᬧᬭᬚᬦ᭄ᬫᬢᬸᬫᬸᬮ᭄ᬬᬵᬕᬾ᭞ᬫᬳᬾᬮᬸᬲᬫᬶᬦᭂᬩᬸᬢ᭄
᭞ᬮᬶᬃᬯᬲᬶᬢᬳᬶᬓᬂᬓᬧ᭄ᬬᬃᬱᬶ᭞ᬕ᭄ᬬᬳᬦ᭄ᬤᬤᬓ᭄ᬯᬮᬸᬬ᭞ᬲᬫᬦᬯᬶᬦᬸᬯᬸᬲ᭄᭞᭠ᬢᬸᬫᬸᬮ᭄ᬬᬲᬫᬶᬳᬬᬲ᭞ᬯᬶᬲ᭄ᬫᬬᬾᬓᬲᬓᬶᬂᬲᬾᬮᬓᬂᬓᬶᬦᬃᬤᬶ᭞ᬢᬶᬦᭂᬗ᭄ᬭᬦ᭄ᬢ᭄ᬭᬶᬫᬸᬱ᭄ᬝᬾᬂ
ᬗ᭄ᬯᬂ᭟ᬢᬢᬦᭂᬫᬦ᭄ᬱᬵᬫ᭄ᬧᬸᬦ᭄ᬫᬧᭂᬓ᭄ᬓᬶ᭞ᬦᬗᬶᬂᬤᬾᬭᬾᬂᬯᭀᬦ᭄ᬢᭂᬦ᭄ᬢᬢᬘᬭ᭞ᬭᬾᬄᬯᭂᬲᬫᬦᬤᬾᬭᬾᬂ᭞ᬯᭀᬦ᭄ᬢᭂᬦ᭄ᬓᬂᬫᬤᭂᬕ᭄ᬭᬢᬸ᭞ᬓᬂᬲᬬᭀᬕ᭄ᬬᬫᬗᬸᬦ᭄ᬭᬾᬄᬦᬶᬢᬶ᭞ᬗ᭄ᬭ
ᬓ᭄ᬱᬭᬄᬳᬬᬸᬦᬶᬂᬗ᭄ᬭᬢ᭄᭞ᬳᬶᬂᬚᬧᬦ᭄ᬧᬸᬦᬶᬓᬸ᭞ᬯᬶᬦᬲ᭄ᬝᬦᬦ᭄ᬚᬫᬦ᭄ᬓᬸᬓᬶᬮᬵ᭟ᬧᬃᬤᬶᬓᬦᬾ᭞ᬓᬸᬓᬶᬮᬵᬧᬸᬦᬶᬓᬸᬧᬓ᭄ᬱᬶ᭞ᬧᬗᬸᬭᬶᬧ᭄ᬧᬦᬶᬂᬚᬦ᭄ᬫ᭟ᬋᬋᬩᬸᬢᬦ᭄ᬢᬦ᭄ᬪᬾ
[᭑᭑᭓ 113A]
ᬤᬮᬦ᭄ᬧᬓ᭄ᬱᬶ᭟ᬥᬾᬗᬄᬭᭀᬲᬢᭂᬫ᭄ᬢᬸᬓᬶᬦᬾᬭᬶᬂᬗᬦ᭄᭞ᬕᬶᬦᬸᬕᬸᬲᬧᬭᬾᬦ᭄ᬢᬄᬳᬾ᭞ᬬᬢᬳᬶᬓᬂᬯᬶᬦᬸᬯᬸᬲ᭄᭞ᬧᬭᬤᬾᬯᬲᬫᬦᬲᬫᬶ᭞ᬭᬯᬸᬄᬳᬶᬂᬢᬦᬄᬚᬯ᭞ᬧᬗ
ᬚᭂᬂᬳ᭄ᬬᬂᬕᬸᬭᬸ᭞ᬦᬫᬃᬱᬶᬫᬄᬤᬾᬯᬩᬸᬤ᭄ᬥ᭞ᬤᬾᬦᬾᬧᬭᬤᬾᬯᬲᬦᬾᬲ᭄ᬱᬶᬭᬳᬸ᭠ᬕᬶ᭞ᬋᬱᬶᬲᬲᭂᬩᬸᬢᬦ᭄ᬦ᭄ᬬ᭟ᬢᬶᬦᭂᬗ᭄ᬭᬦ᭄ᬱᬶᬃᬦᬾᬂᬘᬢᬹᬃᬚᬦ᭄ᬫᬶ᭞ᬲᬂᬳ᭄ᬬᬂᬕᬸᬭᬸᬲᬶᬦᭂᬩᬸᬢ᭄ᬚᬯᬢ
᭞ᬫᬗ᭄ᬓᬦᬳᬶᬂᬧᬃᬤᬶᬓᬦᬾ᭞ᬧᬕᬸᬭᭀᬦᬶᬂᬚᬦ᭄ᬫᬕᬸᬂ᭞ᬧᬭᬤᬾᬯᬲᬤᬬᬲᬫᬶ᭞ᬳᬗ᭄ᬕᭂᬮᬃᬓᭂᬦ᭄ᬓᬕᬸᬦᬦ᭄᭞ᬫ᭄ᬬᬂᬓᬲᬓ᭄ᬢᬾᬦᬶᬧᬸᬦ᭄᭞ᬧᬸᬦᬶᬓᬸᬧᬸᬃᬯᬓᬦᬶᬭ᭞ᬧᬭᬤᬾᬯᬲᬶ
ᬦᭂᬩᬸᬢ᭄ᬚᬯᬤᬾᬦᬶᬂᬚᬦ᭄ᬫᬳᬶᬂᬦᬸᬲ᭄ᬯᬚᬯ᭟ᬋᬱᬶᬫᬳᬵᬤᬾᬯᬩᬸᬤ᭄ᬥᬦᬸᬮᬶ᭞ᬫᬢᬄᬫᬢᬄᬧ᭄ᬭᬤᬾᬯᬤᬬ᭞ᬧᬶᬦ᭄ᬭᬶᬄᬧᭂᬜ᭄ᬘᬃᬭᬤᬸᬦᬸᬗᬾ᭞ᬮᭀᬃᬓᬸᬮᭀᬦ᭄ᬯᬾᬢᬦ᭄ᬓᬶᬤᬸ
Page:Bali-lontar-gaguritan-adam-hawa-350ppi.pdf/113
This page has been proofread.
