[᭑᭒᭕ 125B]
᭑᭒᭕
ᬦ᭄᭞ᬳᬸᬫᭀᬩ᭄ᬳᬸᬧᬫᬓᬶᬦᭂᬩᬸᬃ᭞ᬲᬸᬫᬫ᭄ᬩᬸᬭᬢ᭄ᬫᬭᬶᬂᬢᬯᬂ᭟ᬭᬚᬰᬸᬡ᭄ᬥᬗ᭄ᬮᬸᬢ᭄ᬗᬸᬮᬢ᭄ᬢᬶ᭞ᬫ᭄ᬭᬶᬂᬲᬍᬩᭂᬢ᭄ᬢᬶᬂᬲᬫᭀᬤ᭄ᬭ᭞ᬚᬚᬕ᭄ᬧ᭄ᬭᬧ᭄ᬢᬾᬂᬢᬍᬂᬗᬶᬂᬯᬾ᭞ᬯᬸᬲᬦᬦᬸᬮᬶᬓᬧᬗ᭄ᬕ᭄ᬬ᭞ᬮ᭠
ᬦ᭄ᬱᬪᬝᬵᬭᬰᬸᬫᬦ᭄᭞ᬯᬃᬢᬯᬶᬦᬃᬢᬦᬦ᭄ᬱᬫ᭄ᬧᬸᬦ᭄᭞ᬯᬳᬸᬳᬶᬂᬲᬤᭀᬮᬄ᭠ᬳᬶᬭ᭟ᬦᬸᬮ᭄ᬬᬲᬩᬶᬬᬦ᭄ᬢᬸᬲᬫᬶ᭞ᬦᭂᬕᭂᬲ᭄ᬓᬃᬱᬦᬶᬂᬪᬵᬝᬵᬭ᭞ᬢᬦᬤᬗᬸᬳᬦᬓᬢᭀ
ᬦ᭄᭞ᬧᬯᬾᬲ᭄ᬢ᭄ᬭᬶᬳᬾᬦ᭄ᬤᬄᬯᬃᬦᬦ᭄ᬬ᭞ᬤᬶᬦᬗᬸᬦᬫᬦᬶᬭ᭞ᬫᬗ᭄ᬓᬦᬦᬸᬮ᭄ᬬᬳᬸᬫᬢᬸᬃ᭞ᬤᬾᬯᬶᬧ᭄ᬭᬶᬢᬶᬯᬶᬯᬲ᭄ᬢᬦ᭄ᬦ᭄ᬬ᭟ᬢᬸᬫᬸᬮ᭄ᬬᬤᬶᬦᬗᬸᬫᬮᬶᬄ᭞ᬧᬸᬦᬧᬜᬸᬫᭂᬋᬧ᭄ᬧᬦ᭞
ᬧᬸᬯᬂᬘᬄᬬᬓᬤᬤ᭄ᬬᬦ᭄ᬦᬾ᭞ᬤᬾᬯᬶᬧ᭄ᬭᬶᬢᬶᬯᬶᬳᬢᬸᬃᬜ᭞ᬮᬫᬸᬦ᭄ᬧᬸᬦᬶᬓᬸᬘᬄᬬ᭞ᬮᬶᬗ᭄ᬕᬫᬡᬶᬓ᭄ᬯᬲ᭄ᬢᬦ᭄ᬦᬶᬧᬸᬦ᭄᭞ᬫᬗ᭄ᬕᬾᬦ᭄ᬥᬲᬃᬭᬶᬂᬧ᭄ᬭᬢᬮ᭟ᬳ᭄ᬬᬂᬯᬶᬰᬾᬱᬓᬂᬤᬃᬩᬾᬦᬶ᭞
[᭑᭒᭖ 126A]
ᬫᬶᬮᬮᬶᬗ᭄ᬕᬫᬡᬶᬓ᭄ᬘᬳ᭄ᬬ᭞ᬕᬬᬸᬄᬳᬶᬂᬩᭀᬫᬦ᭄ᬢᬭᬦᬾ᭞ᬳᬾᬲ᭄ᬢᬸᬧᬸᬦᬶᬓᬵᬧ᭄ᬭᬯᭀᬡ᭄ᬥ᭞ᬮᬫᬸᬦ᭄ᬧᬭᬫᬄᬭᬚᬵ᭞ᬫ᭄ᬬᬂᬋᬱᬶᬬᬸᬦ᭄ᬳᬭᬳᬸᬭᬸ᭞ᬲᬫᬶᬲᬸᬮᬬᬳᬶᬂᬓᬃᬱ᭟ᬋᬱᬄᬧ᭄ᬭ
ᬦᬢᬦ᭄ᬦᬶᬂᬦᬕ᭄ᬭᬶ᭞ᬢᬦ᭄ᬱᬫᬶᬋᬋᬩᬢ᭄ᬢᬦ᭄᭞ᬳᬫ᭄ᬩᬯᬦᬶᬡᬯᬦᬦᬾ᭞ᬯᬸᬲᬦᬲᬸᬭᬸᬢ᭄ᬢᬶᬂᬘᬳ᭄ᬬ᭞ᬲᬫᬶᬲᬓᬶᬂᬧ᭄ᬤᬸᬓ᭞ᬧᬸᬦᬶᬓᬧ᭄ᬭᬢᭀᬦ᭄ᬤᬢᬸᬳᬸ᭞ᬧᬤᬸᬓᬓᬓᬮᬶᬄ
ᬦᬶᬭ᭟ᬲᬫᬶᬦᬸᬮᬸᬲ᭄ᬳᬫ᭄ᬩᬯᬦ᭄ᬦᬶ᭞ᬩᬯᬦᬳᬶᬂᬦᬸᬱᬚᬯ᭞ᬢ᭄ᬭᬄᬢᬸᬫᭂᬭᬄᬳᬶᬂᬢᭂᬫ᭄ᬩᬾᬦᬾ᭞ᬓᬂᬲᬫᬶᬚᬸᬫᭂᬦᭂᬂᬦᬣ᭞ᬫᭂᬗ᭄ᬓᬸᬳᬶᬂᬦᬸᬱᬚᬯ᭞ᬲᬢ᭄ᬭᬶᬬᬲᬸᬫ᭄ᬩᬸᬕᬳᬕᬸᬂ᭞ᬢᬃᬮᬾ
ᬦ᭄ᬫᬸᬤᬭᬄᬧᬤᬸᬓ᭟ᬲᬸᬓᬾᬂᬢ᭄ᬬᬲ᭄ᬱᬾᬦᬃᬧᬓᬮᬶᬄ᭞ᬬᬢᬯᬳᬸᬭᬚᬰᬸᬡ᭄ᬥ᭞᭠ᬗᬫ᭄ᬩᬸᬮ᭄ᬮᬶᬗ᭄ᬕᬫᬦᬶᬓ᭄ᬳᬕᬾ᭞ᬓᬂᬫᬸᬗ᭄ᬕᬾᬂᬥᬲᬃᬧ᭄ᬭᬢᬮ᭞ᬤᬾᬯᬶᬧ᭄ᬭᬶᬢᬶᬯᬶᬦᬸᬮ᭄ᬬ᭞ᬕᬶᬦᬃᬯᬾᬂ
Page:Bali-lontar-gaguritan-adam-hawa-350ppi.pdf/126
This page has been proofread.
