[᭑᭓᭐ 130B]
᭑᭓᭐
ᬲᬺᬕ᭄ᬕᬫ᭄ᬧᬂᬢᬶᬩ᭟ᬮᬶᬫ᭄ᬧᬸᬄᬢᬦ᭄ᬩᬶᬲᬕᬸᬮᬯᬢ᭄᭞ᬓᬤᭂᬗᬂᬗᬦ᭄ᬳᬶᬂᬧ᭄ᬭᬚᬦ᭄ᬫᬶ᭞ᬭᬓ᭄ᬱᬲᬓᬶᬦ᭄ᬭᬸᬢᬸᬕ᭄ᬱᬾᬮ᭞ᬢᬦ᭄ᬤᬩᬸᬳᬦᭂᬫᬄᬮᬮᬶᬲ᭄᭞ᬲᬧᭂᬚᬄᬳᬾᬭᬓ᭄ᬱᬲᬶ᭞
ᬦᬸᬮ᭄ᬬᬧᬭᬚᬦ᭄ᬫᬯᬳᬸ᭞ᬳᬶᬚ᭄ᬭᬶᬄᬬᬾᬦ᭄ᬯᬶᬦᬲᬾᬲ᭞ᬭᬾᬄᬦᬾᬯᬸᬲ᭄ᬓᬃᬬ᭄ᬬᬧᬧᬢᬶ᭞ᬦᬸᬮ᭄ᬬᬲᬫᬶᬓᬾᬲᬄᬦᬾᬂᬫᭂᬥᬂᬲᬾᬯᬦ᭄ᬤ᭟ᬲᬸᬯᬶᬢᬾᬂᬲᬂᬭᬚᬩᬮ᭄ᬬ᭞ᬬᬢᬫᬗ᭄ᬓ᭄ᬬ
ᬓᬂᬯᬶᬦᬃᬡᬶ᭞ᬯᭀᬦ᭄ᬢᭂᬦ᭄ᬚᬸᬕᬫᬘᬦ᭄ᬫᭀᬗ᭄ᬰ᭞ᬳᬦᬓ᭄ᬩᬡ᭄ᬝᬾᬂᬫᬓ᭄ᬱᬶᬄᬳᬮᬶᬢ᭄᭞ᬚᬚᬯᬶᬫᬶᬦ᭄ᬢᬳᬤᬶᬮ᭄᭞ᬫᬭᬂᬲᬂᬪᬵᬝᬵᬭᬩᬬᬸ᭞ᬬᬭᬶᬲᬂᬫᭂᬃᬖᬨᬣ᭄ᬬ᭞ᬳ
ᬦ᭄ᬤᬓᬲᬫ᭄ᬧᬸᬦ᭄ᬱᬸᬫᬶᬯᬶ᭞ᬗᬢᬸᬃᬭᬓᭂᬦ᭄ᬩᬩ᭄ᬧᭂᬚᬄᬳᬾᬲ᭄ᬬ᭄ᬢᬦᬶᬭ᭟ᬫᬶᬦᭀᬗ᭄ᬰᬤᬾᬦᬶᬂᬲᬃᬤᬸᬮ᭞ᬫᬗ᭄ᬓᬦᬵᬰ᭄ᬭᬷᬫᭂᬃᬖ᭄ᬕᬨᬣᬶ᭞ᬦᬩ᭄ᬤᬩᬩ᭄ᬳᬶᬓᬸᬳᬦ᭄ᬤᬓ᭞ᬯᬍᬲ᭄
[᭑᭓᭑ 131A]
ᬲᭂᬦ᭄ᬓᬾᬯᬮᬦᬸᬮᬶ᭞ᬭᬾᬄᬫᬘᬦ᭄ᬯᬦᬶᬯᬦᬶ᭞ᬫᬗᬦ᭄ᬫᬭᬂᬳᬶᬂᬲᬸᬢᬫᬸ᭞ᬧᭂᬗ᭄ᬓᭀᬳᬦᬓᬾᬫᬘᬦ᭄᭞ᬧᬗᬦᭂᬦ᭄ᬤᬶᬫᬾᬦᬾᬫᬢᬶ᭞ᬓᬂᬲᬶᬦᬸᬂᬗ᭄ᬮᬶᬂᬤᬳᬢ᭄ᬳᬶᬂᬧᬗᬸᬗᬸᬦ᭄ᬦᬶ
ᬭ᭟ᬦᭀᬭᬜᬦᬮᬾᬦ᭄ᬫᬗ᭄ᬓᬦ᭞ᬥᬯᬸᬄᬧᬦᬶᬫ᭄ᬩᬂᬗᬶᬂᬗᬤᬶᬮ᭄᭞ᬳᬦ᭄ᬤᬓᬦᬸᬮ᭄ᬬᬯᬶᬲᬢ᭞ᬫ᭄ᬭᬶᬂᬫᭂᬥᬂᬲᬾᬯᬡ᭄ᬥᬦᬕ᭄ᬭᬶᬫ᭄ᬲᬧ᭄ᬭᬧ᭄ᬢᬦᬶᬭᬦᬸᬮᬶ᭞ᬳᬸᬫᬢᬸᬃᬩᬩ᭄ᬱᬸᬢ᭠
ᬦᬶᬧᬸᬦ᭄᭞ᬤᬾᬦ᭄ᬦ᭄ᬬᬫᬶᬦᭀᬗ᭄ᬰᬫᬘᬦ᭄᭞ᬫ᭄ᬭᬶᬂᬭᬶᬲᬂᬩᬮ᭄ᬬᬡᬃᬨᬣᬶ᭞ᬩᬡ᭄ᬝᬾᬂᬦᬸᬮ᭄ᬬᬲᬶᬦᬸᬂᬗᬦ᭄ᬯᭂᬯᬄᬓᬯᭀᬲᬦ᭄᭟ᬓᬂᬮᬶᬦᬸᬯᬶᬄᬲᬓᬫᬘᬦ᭄᭞ᬲᬃᬢᬳᬦ᭄ᬤᬓ
ᬯᬶᬦᬗ᭄ᬱᬶᬢ᭄᭞ᬲᬸᬗᬸᬦᬾᬓᬓᬮᬶᬄᬳᬶᬭ᭞ᬤᬤ᭄ᬬᬖᭂᬖᬫᬦ᭄ᬳᬮᬸᬗᬶᬤ᭄᭞ᬓᬶᬦᬾᬫᬍᬲ᭄ᬱᬫᬭᬶᬂ᭞ᬫᬘᬳᬫ᭄ᬭᬶᬄᬧᭂᬚᬄᬳᬶᬧᬸᬦ᭄᭞ᬳᬦ᭄ᬤᬓᬲᬫ᭄ᬧᬸᬦ᭄ᬫᬾᬦ᭄ᬢᬃ᭞
Page:Bali-lontar-gaguritan-adam-hawa-350ppi.pdf/131
This page has been proofread.
