[᭑᭓᭗ 137B]
᭑᭓᭗
ᬮᬶᬃ᭞ᬳᬶᬬᬦ᭄ᬱᬧᬸᬕᭂᬭᬂ᭞ᬩᬸᬘᬮ᭄ᬢᬸᬫᬢᬶᬗ᭄ᬕᬳᬸᬭᬶᬧ᭄᭞ᬳᬸᬢᬯᬶᬩᭂᬩᬸᬘᬮ᭄ᬳᬸᬬᬄ᭞ᬢᬶᬬᬂᬩᬸᬤᬮ᭄ᬱᭂᬢᬶᬸᬓᬸᬮ᭄ᬤᬸᬤᬸᬄᬚᬗᬦ᭄ᬢᬸᬯᬶᬦ᭄᭞ᬳᬫ᭄ᬩᬸᬘᬮ᭄ᬓᭀᬓᭀᬄᬳᬦ᭄᭞ᬩᬮᬾᬦᬶᬂ
ᬲᬶᬲᬳᬸᬢᬯᬶ᭞ᬢᬶᬍᬫ᭄ᬩᬸᬗ᭄ᬓᬸᬲ᭄ᬤᭂᬮᬫᬓ᭄ᬓᬦ᭄᭟ᬢᬶᬬᬂᬫᬾᬦᬾᬓ᭄ᬱᬫ᭄ᬧᬸᬦ᭄ᬘᬸᬤᬸᬦ᭄ᬫᬾᬦᬾᬓ᭄ᬫᬮᬶᬄ᭞ᬗᬾᬜ᭄ᬚᬶᬂᬗᬾᬜ᭄ᬚᬸᬂᬦᬾᬡ᭄ᬤ᭄ᬭ᭞ᬢᬶᬍᬫ᭄ᬦᬸᬚᬸᬲᬸᬭᬸᬧ᭄ᬭᬯᬶ᭞ᬢᬶᬍᬫ᭄ᬫᬗ᭄ᬓᬸᬋ᭠
ᬧ᭄ᬫᬮᬸᬫᬄ᭟ᬮᬯᬦ᭄ᬫᬮᬶᬄᬢᬶᬍᬫ᭄ᬓᬓ᭄ᬱᬶᬄᬗᬗ᭄ᬕᬾᬓ᭄ᬮᬫ᭄ᬩᬶ᭞ᬳᬗᭂᬩᬸᬓ᭄ᬧᬥ᭠ᬭᬦ᭄᭞ᬓᬮᬫᬸᬦ᭄ᬳᬶᬂᬯᬜ᭄ᬘᬶᬭᬢ᭄ᬭᬶ᭞ᬳᬦᬢᬧ᭄ᬧᬓᭂᬦ᭄ᬯᬯᬥᬄ᭟ᬢᬶᬬᬂᬦᭂᬥᬳᬚᬂ᭠
ᬧᬸᬘᬸᬓᬦ᭄ᬭᭀᬦ᭄ᬢᬸᬯᬶᬦ᭄᭞ᬦᭂᬘᬮᬦ᭄ᬢᬶᬍᬫᬦ᭄᭞ᬦᭂᬥᬓᬮᬯᬦ᭄ᬮᬸᬫᬭᬶᬲ᭄᭞ᬦᭂᬥᬲᬃᬯᬶᬗᭀᬭᬾᬭᬶᬓ᭄ᬫ᭟ᬦᭂᬥᬲᭂᬓᬸᬮ᭄ᬳᬓ᭄ᬱᬶᬄᬩᭂᬦ᭄ᬢᬾᬃᬤᬶᬧᬸᬦ᭄ᬩᬸᬓ᭄ᬢᬶᬫ᭄ᬦᭂᬥᬢ
[᭑᭓᭘ 138A]
ᬦ᭄ᬧᬤᬶᬮᬄ᭞ᬓᬮᬫᬸᬦ᭄ᬳᬶᬂᬯᬜ᭄ᬚᬶᬭᬢ᭄ᬭᬶ᭞ᬥᭂᬥᬯᭀᬦ᭄ᬢᭂᬦ᭄ᬧᬫᬦ᭄ᬱᭀᬜ᭟᭠ᬜᬶᬗ᭄ᬕᬄᬳᬓᭂᬦ᭄ᬳᬚᬂᬩᭀᬢᭂᬦ᭄ᬤᬾᬦ᭄ᬦᬲᬄᬳᬶ᭞ᬫᬤᬂᬗᬓᭂᬦ᭄ᬱᭂᬕ᭞ᬲᬳᬲᬶᬫ᭄ᬧᭂᬦ᭄ᬱᭂ᭠
ᬓᬸᬮ᭄ᬳᬓᬶᬂᬫ᭄ᬦᭂᬥᬯᭀᬦ᭄ᬢᭂᬦ᭄ᬧᬢᬶᬍᬫ᭄ᬫᬦ᭄᭟ᬢᬶᬬᬂᬫᭂᬦ᭄ᬢᬦᬶᬸᬲ᭄ᬦᭂᬥᬢᬦ᭄ᬧᬯᬶᬲᬸᬄᬢᬸᬯᬶᬦ᭄᭞ᬦ᭄ᬮᬸᬲ᭄ᬲᬸᬃᬢᬸᬫᬜ᭄ᬚᬶᬂ᭞ᬧᬧᬾᬢᬦ᭄ᬳᬶᬂᬯᬜ᭄ᬚᬶᬭᬢ᭄ᬭᬶ᭞ᬫ᭄ᬬᬂᬫᬾᬢᬦ᭄ᬦᬶᬭᬩᬾ᭠
ᬦ᭄ᬦᬶᬭ᭟ᬢᬶᬬᬂᬋᬫ᭄ᬥᬾᬥᬾᬲᬳᬳᬧᬶᬬᬧᬶ᭞ᬳᬗᬡ᭄ᬥᬓᬾᬳᬬᬫ᭄᭞᭠ᬭᬚᬓᬬᬦᬾᬚ᭄ᬭᭀᬧᬦ᭄ᬢᬶ᭞ᬫᭂᬢᬭᬂᬗᬦ᭄ᬚ᭄ᬭᭀᬦᬶᬂᬯᬶᬱ᭄ᬫ᭟ᬮᬶᬗ᭄ᬕᬶᬄᬳᬦᬾᬂᬩᬦ᭄ᬢᬮ᭄ᬓ
ᬲᬸᬃᬭᬦ᭄ᬫ᭄ᬬᬂᬕᬸᬮᬶᬂ᭞ᬳᬗᬸᬲᬧ᭄ᬧᬶᬫᬸᬓ᭞ᬗᬗ᭄ᬕᭀᬲᬶᬜ᭄ᬚᬂᬢᬸᬯᬶᬦ᭄ᬓ᭄ᬮᬫ᭄ᬩᬶ᭞ᬗᬸᬲᬧ᭄ᬧᬶᬮᬫ᭄ᬩᬾᬮᬦ᭄ᬱᬶᬜ᭄ᬚᬂ᭟ᬫᭂᬦ᭄ᬢᬲ᭄ᬦᭂᬥᬤᬾᬭᬾᬂᬯᬶᬲᬸᬄᬗᭂᬫᬾᬓ᭄ᬚᬭᬶᬓ᭄᭞ᬲ᭠
Page:Bali-lontar-gaguritan-adam-hawa-350ppi.pdf/138
This page has been proofread.
