[᭑᭓ 13B]
᭑᭓
ᬓᬶᬤᬸᬮ᭄ᬢᬸᬫᭂᬓ᭄ᬓ᭞ᬚᭂᬤᬸᬕ᭄ᬳᬸᬮᬸᬦᬶᬂᬢᬶᬃᬢᬦᬾ᭞ᬬᬾᬓᬤᬸᬫᬸᬦᬸᬗᬶᬂᬲ᭄ᬯᬃᬕ᭞ᬓᬂᬓᬶᬦᭀᬦ᭄ᬮᬸᬫᬓ᭄ᬱᬦ᭞ᬢᬦ᭄ᬯᬶᬦᬃᬦᬮᬫ᭄ᬧᬄᬳᬶᬧᬸᬦ᭄᭞ᬧ᭄ᬭᬧ᭄ᬢᬾᬂᬳᬸᬮᬸᬦᬶᬂᬦᬃᬫᬥ᭟ᬯᭀᬦ᭄ᬢᭂᬦ᭄ᬳᬶᬂᬗ᭄ᬭᬶᬓᬸ
ᬳᬸᬫᬾᬮ᭄ᬲᬶ᭞ᬭᬯᬲᬓᬮᬗ᭄ᬓᬸᬂᬯᬶᬬᬃ᭞ᬬᬾᬓᬓᬂᬮᬶᬦᬶᬮ᭄ᬱᬶᬭᬄᬳᬾ᭞ᬰᬬᬶ᭠ᬤ᭄ᬳᬦ᭄ᬯᬃᬓᬾᬯ᭄ᬭᬦ᭄ᬳᬶᬂᬢ᭄ᬬᬲ᭄᭞ᬭᬾᬄᬤᬮᬦ᭄ᬓᬂᬫ᭄ᬭᬶᬂᬲ᭄ᬯᬃᬕ᭞ᬦᭀᬭᬦᬦᬢᬶᬢᬶᬓ᭄ᬓᬶᬧᬸᬦ᭄᭞ᬫᬃᬫ
ᬢᬦ᭄ᬱᬄᬫᬜ᭄ᬘᭂᬢᬶᬗᬮ᭄᭟ᬤᬗᬸᬤᬗᬸᬯᭀᬦ᭄ᬢᭂᬦ᭄ᬓᬾᬓ᭄ᬱᬶ᭞ᬳᬃᬤᬶᬕᭂᬮᬸ᭠ᬳᬸᬃᬲᬚᬸᬕ᭞ᬓᬶᬤᬸᬮ᭄ᬗ᭄ᬭᬯᬦ᭄ᬤᬸᬫᬸᬦᬸᬂᬗᬾ᭞ᬧᬸᬘᬓ᭄ᬓᬶᬂᬗᬃᬕ᭄ᬕᬓᬢᬶᬗᬮ᭄᭞ᬫᬶᬚᬶᬮ᭄ᬳᬓᭂᬦ᭄ᬤᬄ
ᬳᬦ᭞ᬗᬮᬦ᭄ᬳᬮᬦ᭄ᬳᬸᬭᬸᬩ᭄ᬗᬶᬧᬸᬦ᭄᭞ᬬᬮᬄᬗᬮᬸᬄᬳᬶᬂᬗᬓᬱ᭟ᬲᬓᬶᬂᬫᬦ᭄ᬤ᭄ᬭᬯᬓᬳᬾᬓ᭄ᬱᬶ᭞ᬬᬾᬦ᭄ᬳᬸᬮᬸᬦᬶᬭᬾᬂᬩᬗᬯᬦ᭄᭞ᬫᬦ᭄ᬳᬶᬂᬗ᭄ᬓᬶᬦᭀᬤᬸᬫᬸᬦᬸᬂᬗᬾ᭞ᬰᬬᬶᬤ᭄ᬳ
[᭑᭔ 14A]
ᬦ᭄ᬯᬃᬕ᭄ᬬᬯᬶᬲᬢ᭞ᬫᬭᬂᬳᬸᬮᬸᬦᬶᬂᬢᬶᬃᬢᬳᬦᬲ᭄ᬯᬃᬭᬓᬧ᭄ᬭᬸᬗᬸ᭞ᬗᬸᬯᬸᬄᬳᬾᬄᬅᬦ᭄ᬯᬃᬯ᭄ᬭᬸᬄᬳᬦ᭄ᬢ᭟ᬧᬸᬦᬶᬓᬨᬗ᭄ᬭᬦᬶᬂᬩᬸᬫᬶ᭞ᬮᬕ᭄ᬬᬲᬫᬦ᭄ᬢᭂᬦ᭄ᬦᬂᬲ᭄ᬯᬃᬭ᭞ᬰᬬᬶᬤ᭄ᬳᬦ᭄ᬯᬃᬳᬲ᭄ᬭᬸᬓ
ᬕᬾᬢ᭄᭞ᬓᬂᬩᬾᬲ᭄ᬯᬃᬭᬧᬸᬦᬶᬓᬶᬸᬓ᭞ᬇᬚᬚᬮ᭄ᬫᬮᬅᬓᬢ᭄᭞ᬧ᭄ᬭᬢᬶᬱ᭄ᬝᬾᬳᬸᬭᬸᬩ᭄ᬩᬶᬂᬮᬢᬸ᭞ᬢᬦ᭄ᬓᬢᬶᬗᬮ᭄ᬯᬃᬦᬦ᭄ᬦᬶᬭ᭟ᬰᬬᬶᬤ᭄ᬳᬦ᭄ᬯᬃᬳᬮᭀᬦ᭄ᬦᬗ᭄ᬮᬶᬂ᭞ᬥᬸᬄᬲ᭄ᬲᬶᬦ᭄ᬢᭂᬦ᭄
ᬗᬸᬯᬸᬄᬳᬶᬂᬓᬸᬮ᭞ᬤᬾᬦᬾᬢᬦ᭄ᬓᬢᭀᬦ᭄ᬭᬃᬡᬦᬾ᭞ᬇᬚᬚᬶᬮ᭄ᬱᬸᬫᬫ᭄ᬩᬸᬲᬩ᭄ᬤ᭞ᬳᬾᬄᬅᬦ᭄ᬯᬃᬯ᭄ᬭᬸᬄᬳᬦ᭄ᬦᬶᬭ᭞ᬳᬶᬗ᭄ᬲᬸᬦ᭄ᬳᬶᬓᬶᬧᬦ᭄ᬖ᭄ᬯᬵᬭᬦ᭄ᬫᬸ᭞ᬓᬂᬲᬶᬦᭂᬫ᭄ᬩᬄᬳᬲᬚᬕᬢ᭄᭟
ᬓᬃᬫᬸᬃᬩᬫᬶᬲ᭄ᬯᬵᬲᬾᬦ᭄ᬖ᭄ᬪᬹᬫᬶ᭞ᬓᬕᬸᬂᬗᬳᬶᬂᬲ᭄ᬯᬃᬕᬦ᭄ᬭᬓ᭞ᬯᭂᬦᬂᬗ᭄ᬭᬸᬲᬩ᭄ᬤᬾᬤᬾᬓ᭄ᬳᬓᬾ᭞ᬫᬓ᭄ᬮᬸᬓ᭄ᬱᬾᬲᬶᬦᬶᬂᬭᬢ᭄ᬭᬬ᭞ᬰᬬᬶᬤ᭄ᬳᬦ᭄ᬯᬃᬤᬸᬓ᭄ᬫ᭄ᬬᬃᬱ᭞ᬲᬩ᭄ᬤᬓᬂᬫᬓᬢᭂᬦ᭄ᬯᬢᬸ᭞ᬮ
Page:Bali-lontar-gaguritan-adam-hawa-350ppi.pdf/14
This page has been proofread.
