[᭑᭓᭙ 139B]
᭑᭓᭙
ᬲᬚ᭄ᬭᭀᬦᬶᬂᬧᬦ᭄ᬢᬶ᭞ᬫ᭄ᬬᬂᬗᬗ᭄ᬕᭀᬢ᭄ᬭᬢᬕ᭄ᬮᬸᬂᬲᬸᬭᬦ᭄᭟ᬫ᭄ᬬᬂᬳᬗᬗ᭄ᬕᭀᬕᭂᬥᬾᬕ᭄ᬮᬗ᭄ᬲᬸᬃᬭᬦ᭄ᬧ᭄ᬭᬶᬢᬸᬯᬶᬦ᭄᭞ᬜᬫ᭄ᬩᭂᬮ᭄ᬩᬶᬦᬜᭀᬫᬶᬸᬦᬦ᭄᭞ᬯᬾᬤᬂᬤᬸᬤᬸᬄᬚᬗᬦ᭄ᬢᬸᬯᬶᬦ᭄᭞ᬳᬶᬤᬸ
ᬗᬶᬮᭀᬳᬶᬮᭀᬤᬶᬬᬦ᭄᭟ᬢᬶᬬᬂᬳᬤᬂᬓᬸᬓᬸᬲ᭄ᬱᬦ᭄ᬥᬾᬦ᭄ᬢ᭄ᬭᬧ᭄ᬧᬶᬓᭂᬡ᭄ᬥᬶᬮ᭄᭞ᬓᭂᬮᬦ᭄ᬤᭀᬯᭀᬂᬲᬩ᭄ᬭᬂ᭞ᬦᬦᭂᬫ᭄ᬧᬶᬲᬂᬫᬲ᭄ᬳᬸᬢᬯᬶ᭞ᬦᬦᭂᬫ᭄ᬮᬸᬂᬯᭀᬦ᭄ᬢᭂᬦ᭄ᬳᬶᬂᬗ᭄ᬮᬢᬃ᭟ᬢᬶᬬᬂᬗ
ᬗ᭄ᬕᭀᬕ᭄ᬭᬶᬬᬩᬂᬫ᭄ᬩᬸᬂᬗᬦ᭄ᬧ᭄ᬭᬶᬢᬸᬯᬶᬦ᭄᭞ᬢᬶᬮᬲ᭄ᬓᬡ᭄ᬥᬂᬲᬗ᭄ᬕᬃ᭞ᬮᬸᬗ᭄ᬲᬸᬃᬭᬦ᭄ᬘᬸᬗ᭄ᬓᬸᬧ᭄ᬳᬸᬢᬯᬶ᭞ᬧᬯᭀᬦ᭄ᬓᬋᬢᭂᬕ᭄ᬕᭂᬤᭀᬕ᭄ᬕᬦ᭄᭟ᬳᬤᭂᬤᬸᬧᬤᬶᬦ᭄ᬢᭂᬦ᭄ᬫᬍᬫ᭄ᬱᬸᬓ᭄ᬭᬍᬕᬶ᭞ᬮᬦ᭄ᬳᬶᬂ
ᬲᬸᬓ᭄ᬭᬯᬕ᭄ᬬ᭞ᬢᬸᬯᬶᬦ᭄ᬗᬤᭂᬓ᭄ᬓᬓᭂᬦ᭄ᬧᬦ᭄ᬢᬶᬫ᭄ᬗᬗ᭄ᬕᭀᬯᬸᬲᬸᬓ᭄ᬩᬸᬫ᭄ᬩᬸᬂᬯᬸᬂᬯᬂ᭟ᬬᬾᬓᬫᭀᬗ᭄ᬓᬧᬗᬦᬾᬳ᭄ᬬᬂᬓᬮᬧᬱ᭄ᬝᬶ᭞ᬤᬤ᭄ᬬᬭᬦ᭄ᬤᬭᬦ᭄ᬤᬦ᭄᭞ᬬᭀᬕ᭄ᬬᬦᬾᬤᬶᬧᬸᬦ᭄
[᭑᭔᭐ 140A]
ᬲᬶᬗ᭄ᬓᬶᬭᬶ᭞ᬕᬶᬭᬶᬲ᭄ᬱᬢ᭄ᬬᬲ᭄ᬱᬾᬳ᭄ᬬᬗ᭄ᬓᬮᬵ᭛᭜᭛ᬕᬶᬭᬶᬲ᭛᭜᭛ᬫᬗ᭄ᬓᬦᬵᬳ᭄ᬬᬂᬕᬶᬭᬶᬡᬣ᭞ᬤᬸᬓ᭄ᬥᬯᬸᬄᬓᭂᬦ᭄ᬭᬶᬂᬳ᭄ᬬᬂᬓᬮ᭞ᬳᬾᬓᬸᬮᬸᬧ᭄ᬱᬓᬾᬄᬳᬶᬂᬚᬦ᭄ᬫ᭞ᬓᬂᬧᬤᬤᬸᬄ
ᬯᬓ᭄ᬮᬓᬸᬯᬦ᭄᭞ᬮᬶᬃᬫᬳᬸᬯᬃᬲᬶᬢᬦᬶᬂᬯᬂ᭞ᬕ᭄ᬮᬶᬲ᭄ᬫᬗ᭄ᬱᬦᭂᬦ᭄ᬪᬤᬦᬶᬭ᭞ᬤᬾᬦᬾᬬᬾᬦ᭄ᬪᬯᬮᬓ᭄ᬱᬡ᭞ᬫᬸᬂᬫᬾᬓ᭄ᬓᭂᬦ᭄ᬓᬩᭂᬕ᭄ᬚᬦ᭄ᬦᬶᬭ᭟ᬢᭂᬕᭂᬲ᭄ᬱᬾᬲᬶᬭᬧᭂᬧᭂᬢ᭄ᬢ᭞ᬲᬡ᭄ᬥᬂ
ᬮᬯᬦ᭄ᬱᬗᬦ᭄ᬦᬶᬭ᭟ᬫ᭄ᬭᬶᬄᬕᬫ᭄ᬧᬂᬗᬲᬶᬭᬳᬭᬢ᭄᭞ᬳᬦᬗᬶᬂᬫᬦᬯᬚᬦ᭄ᬫ᭞ᬲᬦ᭄ᬢᭀᬲᬩᬸᬩᬸᬤᬾᬦ᭄ᬦᬶᬭ᭞ᬢᬦ᭄ᬓᭂᬦᬲᬶᬭᬯᬰᬾᬱ᭞ᬳᬶᬂᬲᬮᬲ᭄ᬯᬮᬯᬲ᭄ᬱᬶᬭ᭞
ᬲᬫᬦᬳ᭄ᬬᬂᬕᬶᬭᬶᬡᬣ᭟ᬲᬗᭂᬢ᭄ᬫᬶᬤᬸᬯᬸᬗᬶᬂᬤ᭄ᬭᬶᬬ᭞ᬓᬢᬭᬸᬘᬸᬢ᭄ᬧᬦ᭠ᬩ᭄ᬤᬜ᭞ᬘᬶᬧ᭄ᬢᬲᬗᭂᬢ᭄ᬯᭂᬮᬲ᭄ᬲᬶᬭ᭞ᬫ᭄ᬭᬶᬂᬫᬦᬸᬱᬗᬃᬘᬧᬤ᭞ᬫᬶᬮᬲᬂᬪᬵᬝᬵᬭᬰᬸᬫ
Page:Bali-lontar-gaguritan-adam-hawa-350ppi.pdf/140
This page has been proofread.
