Page:Bali-lontar-gaguritan-adam-hawa-350ppi.pdf/24

This page has been proofread.

[᭒᭓ 23B]
᭒᭓
ᬦᬵᬧᬢᬶᬄᬨᬃᬯᬢ᭞ᬢᬸᬃᬫᬢᬹᬃᬳᬾᬲ᭄ᬢᬸᬦᬶᬂᬯᬗᬶᬢ᭄᭞ᬮᬄᬧᬸᬦᬶᬓᬯᬬᬄᬳᬶᬭ᭞ᬦᬪᬶᬰᬶᬲ᭄ᬓᬂᬫᬗᬸᬦ᭄ᬢᬾᬓᬶ᭞ᬯᭀᬦ᭄ᬢᭂᬦ᭄ᬧᬸᬘᬓ᭄ᬓᬶᬂᬗᬸᬓᬶᬃ᭞ᬚᬶᬦᬶᬲ᭄ᬱᬶᬂᬚᬶᬦ᭄ᬱᬓᬶᬂᬳᬶᬩᬸ᭞ᬧᬸᬢ᭄ᬭ
ᬦᬾᬧᬸᬮᬸᬦᬦ᭄ᬢ᭞ᬧ᭄ᬭᬶᬩᬤᬶᬤᬾᬯᬶᬡᬃᬭᬶᬡᬶ᭞ᬳᬶᬂᬤᬾᬯᬦᬶᬓᬕᬃᬯ᭄ᬯᬳᬶᬂᬳ᭄ᬬᬂᬦᬹᬃᬘᬄᬬ᭟ᬚᭂᬂᬦᬪᬶᬰᬶᬲ᭄ᬓᬂᬧᬸᬧᬸᬢ᭄ᬭ᭞ᬳᬫᬸᬂᬧᬢᬸᬢᬦ᭄ᬱᬢᬸᬗ᭄ᬕᬶᬮ᭄᭞ᬳᬶᬗ᭄ᬕᬶᬄᬧᬸᬦᬶᬓᬯᬬᬄ
ᬜ᭞ᬲᬂᬦᬹᬃᬭᬱᬓᬂᬯᬯᬗᬶ᭞ᬰ᭄ᬭᬶᬭᬯᬗᬦ᭄ᬤᬸᬓ᭄ᬫ᭄ᬬᬃᬱᬶ᭞ᬲᬸᬓᬓᬂᬯᬬᬄᬭᬶᬦᬗ᭄ᬓᬸᬮ᭄᭞ᬦᬩ᭄ᬤᬓᬮᬶᬗᬦᬾᬬ᭞ᬢᬸᬗ᭄ᬕᬓ᭄ᬭᭀᬦ᭄ᬦᬾᬳᬗᬮᬶᬂᬗᬶ᭞ᬲᬶᬭᬳᬶᬓᬸᬮᬸᬧ᭄ᬯᬬᬄ
ᬲᬸᬦ᭄ᬧ᭄ᬭᬶᬩᬤ᭄ᬬ᭟ᬳᬢ᭄ᬫᬚᬦᬾᬓᬤᬂᬳᬶᬗ᭄ᬯᬂ᭞ᬰ᭄ᬭᬶᬦᬹᬃᬭᬤᬶᬳᬶᬂᬤᬾᬯᬦᬶ᭞ᬓᬸᬮᬸᬧ᭄ᬤᬾᬢᭂᬧ᭄ᬢ᭄ᬬᬲ᭄ᬱᬶᬭ᭞ᬓᬾᬦᬾᬧ᭄ᬭᬚᬦ᭄ᬳᬧ᭄ᬭᬶᬩᬤᬶ᭞ᬫᬗ᭄ᬓᬦᬢ᭄ᬬᬲ᭄ᬱᬶᬢᬚᬶ᭞ᬳ᭠
[᭒᭔ 24A]
ᬦᬸᬢ᭄ᬳᬶᬂᬲᬯᬗ᭄ᬱᬶᬢ᭄ᬳᬶᬧᬸᬦ᭄᭞ᬓᬓᬶᬢᬸᬯᬲᬓ᭄ᬱᬦ᭞ᬳ᭄ᬬᬂᬦᬹᬃᬭᬱᬮᬦ᭄ᬱᬂᬧᬸᬢ᭄ᬭᬶ᭞᭠ᬧᬶᬦᬗ᭄ᬕᬶᬄᬓᭂᬦ᭄ᬳᬦᬾᬂᬲᬍᬩᭂᬢ᭄ᬢᬶᬂ᭟ᬤᬸᬧᬶᬯᬸᬲ᭄ᬳᬦ᭄ᬢᬭᬮᬫ᭞ᬲᬶᬭᬲᬂᬧ᭄ᬭᬯᬗᬶᬦ᭄᭞
ᬮᬗ᭄ᬕᬃᬫᬯᬶᬓᬸᬫ᭄ᬭᬶᬗᬃᬖ᭞ᬓᬭᬢᭀᬦ᭄ᬤᬾᬯᬢᬦᬕ᭄ᬭᬶ᭞ᬫ᭄ᬬᬂᬳᬶᬂᬭᬾᬄᬧ᭄ᬭᬚᬦᬶᬢᬶ᭞ᬲᬶᬦ᭄ᬭᬄᬫ᭄ᬭᬶᬂᬓᭂᬦ᭄ᬧᬸᬢ᭄ᬭᬫᬦ᭄ᬢᬸ᭞ᬲᬫᬦᬳ᭄ᬬᬂᬦᬹᬃᬭᬱ᭞ᬫᬤᭂᬕ᭄ᬦᬭᬾᬡ᭄ᬤ᭄ᬭᬗᬺᬗ᭄ᬕᬦᬶ᭞ᬳᬶᬂᬤᬾ
ᬯᬢᬓᬂᬭᬫᬗᬤᬢᭀᬦ᭄ᬗᬃᬖ᭟ᬤᬾᬦᬾᬲᬂᬧᬢᬶᬄᬨᬃᬯᬢ᭞ᬢᬶᬦᬶᬮᬃᬫᬓ᭄ᬱᬶᬄᬫᬢᬶᬄᬳᬶ᭞ᬯᬤ᭄ᬬᬩᬮᬚᬶᬦ᭄ᬱᬤᬬ᭞ᬳᬚ᭄ᬭᬶᬄᬲᬸᬫᬸᬬᬸᬢ᭄ᬢᬺᬱ᭄ᬡᬲᬶᬄ᭞ᬤᬾᬦᬾ
ᬭᬢᬸᬜᬧ᭄ᬓᬶᬓ᭄᭞ᬳᬫ᭄ᬩᭂᬕ᭄ᬱᬦ᭄ᬢᬲᬶᬂᬳᬶᬂᬯᬤᬸ᭞ᬕᬶᬬᬃᬓᭂᬦ᭄ᬢᬢᬤᬃᬫ᭞ᬫᬫᬬᬸᬳᬬᬸᬦᬶᬂᬦᬕ᭄ᬭᬶ᭞ᬢ᭄ᬭᬄᬳᬶᬂᬡᬪᬶᬦᭀᬭᬫᬸᬗ᭄ᬓᬸᬃᬫᬯᬾᬄᬤᬦᬵ᭚᭜᭚ᬤᬾᬯᬶᬭᬯᬵ