[᭒᭕ 25B]
ᬗ᭄ᬓᬸᬂᬲᬸᬓᬜ᭞ᬯᬸᬲ᭄ᬱᬶᬦᬸᬗᬦ᭄ᬢᭂᬗ᭄ᬭᬦ᭄ᬤᬾᬦᬶᬂᬲᬸᬤᬃᬫᬶ᭞ᬲᬂᬳ᭄ᬬᬂᬯᭂᬦᬂᬧᬭᬩ᭄ᬩᬶᬧᬸᬦ᭄᭞ᬤᬾᬦᬾᬯᭂᬦᬶᬂᬓᬂᬘᬄᬬ᭞ᬮᬸᬯᬶᬄᬲᬓᬶᬂᬓᬂᬭᬓᬢᬸᬯᬶᬧᬸᬦᬸᬜ᭄ᬚᬸᬮ᭄᭞ᬤᬶᬯᬲᬲᬸᬩ᭄ᬭ
ᬢᬦᬶᬭ᭞ᬧᬦ᭄ᬯᬸᬲ᭄ᬧᬶᬭᬂᬧᬶᬭᬂᬯᬃᬱᬶ᭟ᬢᬧᬲᬚ᭄ᬭᭀᬦ᭄ᬦᬶᬂᬤᬄᬳᬦᬵ᭞ᬢᬸᬯᬶᬦ᭄ᬢᬧᬳᬦᬾᬂᬲᬚ᭄ᬭᭀᬦᬶᬂᬩᬸᬫᬶ᭞ᬢᬧᬚ᭄ᬭᭀᬦᬶᬂᬲᬫᭀᬤ᭄ᬭᬕ᭄ᬕᬸᬂ᭞ᬢᬧᬲᬸᬫᬶᬡ᭄ᬱᬂᬢᬺᬓ᭄ᬱ᭞ᬗ᭄ᬮᬸᬳᬸᬃ
ᬫᬾᬖᬢᬧᬾᬂᬕᬸᬯᬦᬕᬸᬦᬸᬂ᭞ᬢᭂᬓᬲ᭄ᬱᬮᬶᬃᬭᬶᬂᬗᬢᬧ᭞ᬮᬗ᭄ᬓᬸᬂᬤᬾᬦ᭄ᬜᬫᬢᬶᬭᬕᬶ᭟ᬓᬂᬲᬶᬦᭂᬤ᭄ᬬᬗᬸᬗ᭄ᬓᬸᬮ᭄ᬮᬦᬵ᭞ᬲᬳᬶᬲᬶᬦᬶᬂᬚᬕᬢ᭄ᬬ᭄ᬯᬦᬫᬧᬓ᭄ᬓᬶ᭞ᬳᬶᬂᬕᬸᬦᬓᬲ᭠
ᬓ᭄ᬢᬾᬦ᭄ᬦᬶᬧᬸᬦ᭄᭞ᬲᬓᬃᬱᬓᬃᬱᬦ᭄ᬦᬶᬭ᭞ᬚᬶᬦᬸᬭᬸᬂᬦᬤᬾᬦᬶᬂᬳ᭄ᬬᬂᬓᬂᬫᬅᬮᬸᬳᬸᬃ᭞ᬤᬲᬃᬭᬶᬂᬓᬸᬲᬸᬫᬦᬶᬂᬚᬦ᭄᭞ᬢ᭄ᬭᬄᬦᬪᬶᬓᬧᬢᬶᬩ᭄ᬭᬢᬶ᭟ᬳᬗᬦ᭄ᬢᭂᬧ᭄ᬧᬶᬢᬧᬦᬶᬭ᭞ᬭᬾᬄ
[᭒᭖ 26A]
ᬳ᭄ᬬᬂᬲᬸᬓ᭄ᬱ᭄ᬫᬲᬶᬧᬢ᭄ᬭᬄᬫᬦ᭄ᬱᬬᬓ᭄ᬢᬶ᭞ᬓᬲᬓ᭄ᬢᬾᬦ᭄ᬦᬶᬭᬚᬶᬦᬸᬭᬸᬂ᭞ᬫᬮᬄᬲᭂᬲᬶᬮᬶᬄᬳᬭᬦ᭄᭞ᬦᭂᬗ᭄ᬕᬶᬄᬲᬂᬳ᭄ᬬᬂᬳᬸᬣᬶᬧᬢᭀᬓᬂᬚᬸᬚᬸᬮᬸᬓ᭄᭞ᬳᬶᬬᬳ᭄ᬬᬂᬲᬸᬓ᭄ᬱ᭄ᬫᬓᬯᭂᬓᬲ᭄᭞ᬫᬶᬡ᭄ᬥᬳᬶᬕᬂ
ᬫᬸᬩᬾᬂᬩᬸᬫᬶ᭟ᬲᬂᬳ᭄ᬬᬂᬯᭂᬦᬂᬧᬗᬜ᭄ᬘᬲ᭄ᬦ᭄ᬬ᭞ᬲᬶᬦᭂᬩᬸᬢ᭄ᬢᬧᬗ᭄ᬭᬦ᭄ᬦᬶᬂᬩᬸᬫᬶᬮᬗᬶᬢ᭄᭞ᬲᬲᬃᬲᬲᬃᬭᬾᬮᬶᬦᬦ᭄ᬢᬸᬃ᭞ᬲᬫᬦᬲᬂᬳ᭄ᬬᬂᬯᭂᬦᬂ᭞ᬳᬗᬮᬂᬳᬶᬂᬯᬦᬫ᭄ᬬᬂᬕᬸᬦᬸᬂᬕᬸᬦᬸᬂ᭞ᬦᬾᬂᬯᬸᬓᬶᬃᬓᭂ
ᬮᬶᬂᬓᬾᬦ᭄ᬤᬮ᭄ᬦ᭄ᬬ᭞ᬧᬦ᭄ᬳᬃᬱᬕᭂᬮᬃᬲᬬᬓ᭄ᬢᬶ᭟ᬲᭂᬤ᭄ᬬᬾᬂᬢ᭄ᬬᬲ᭄ᬧᬶᬦᬗᬾᬭᬦ᭄ᬦ᭞ᬫ᭄ᬭᬶᬂᬧ᭄ᬭᬚᬦ᭄ᬫ᭠ᬫᬶᬯᬄᬓᬂᬧᬸᬚᬸᬤᬃᬩᬾᬦᬕ᭄ᬭᬶ᭞ᬜᬶᬧ᭄ᬢᬓᬲ᭄ᬯᬃᬕᬦ᭄ᬤᬶᬮᬸᬳᬸᬂ᭞ᬚᬸᬫᬸᬭᬸᬦᬾᬂᬗᬦ᭄ᬢᬭ᭞ᬦᬶᬭᬾᬂ᭠
ᬫᬾᬖᬮᬦ᭄ᬮᬗᬶᬢ᭄ᬓᬢᭀᬦ᭄ᬕᬸᬫᬦ᭄ᬢᬸᬂ᭞ᬯᬶᬲ᭄ᬫᬫᬲ᭄ᬧᬭᬩᭀᬢ᭄ᬭᬢ᭄ᬦ᭞ᬭᬢ᭄ᬦᬫᬦᬾᬓᬫᭂᬧᬓ᭄ᬓᬶ᭟ᬲᬓᬶᬂᬫᬦ᭄ᬤ᭄ᬭᬯᬓᬢᬶᬗᬮ᭄᭞ᬩᬍᬋᬗᬶᬢᬶᬦᭀᬦ᭄ᬧᬢᬶᬂᬓᬋᬮᬶᬧ᭄᭞
Page:Bali-lontar-gaguritan-adam-hawa-350ppi.pdf/26
This page has been proofread.
