[᭒᭘ 28B]
᭒᭘
ᬯᬤᬓᬦᬶᬭᬾᬂᬲᬲ᭄ᬫᬶᬢ᭞ᬩᬩᬃᬭᬾᬓᬂᬕᬳᬶᬩ᭄ᬕᬳᬶᬩ᭄᭟ᬲᬫᭂᬗ᭄ᬓᭀᬲᬸᬦ᭄ᬦᬵᬃᬱᬯᬶᬓᬦ᭄᭞ᬓᬜᬢᬦᬾᬗ᭄ᬕᭀᬦᬶᬭᬓᬸᬫᬮᬸᬯᬶᬄ᭞ᬫᬶᬫᬶᬡ᭄ᬥᬲᬂᬫᬸᬃᬯᬾᬂᬢᬸᬯᬸᬄ᭞ᬫᬸᬱ᭄ᬝᬶᬳᬸ
ᬲᬶᬓ᭄ᬓᬶᬂᬚᬕᬢ᭄᭞ᬮᬫᬸᬦ᭄ᬘᬩᬃᬢᭂᬢᭂᬧ᭄ᬱᬶᬭᬗᬓᬸᬳᬓᬸ᭞ᬧᭀᬫᬳᬚᬓᬾᬯ᭄ᬭᬦ᭄ᬱᬶᬭ᭞ᬲᬸᬦ᭄ᬥᬃᬧᬢᬓᭀᬦ᭄ᬦᬸᬮᬶ᭟ᬯ᭄ᬘᬦᭂᬦ᭄ᬳᬶᬓᬕ᭄ᬧ᭄ᬭᬫᬦ᭞ᬢᬸᬯᬳᭂᬦ᭄ᬤᬶᬲᬶᬭᬮ᭠
ᬦ᭄ᬢᭂᬦᭂᬂᬫᬫᬶ᭞ᬲᬂᬳ᭄ᬬᬂᬯᭂᬦᬂᬲᬸᬓᬾᬂᬓᬮ᭄ᬩᬸ᭞ᬕ᭄ᬬᬦᬩ᭄ᬤᬢᬸᬯᬳᬶᬗ᭄ᬯᬂ᭞ᬧ᭄ᬭᬪᬹᬲ᭄ᬭᬸᬄᬓᬕ᭄ᬬᬢ᭄ᬱᬸᬫᬫ᭄ᬩᬸᬂᬯᬸᬯᬸᬲ᭄᭞ᬫᬦᬯᬲᬜᬢᬸᬯ᭞ᬧᭂᬱ᭄ᬝᬶᬲᬶᬭᬜᬸᬫᬸᬭᬸᬧ᭄ᬧᬶ᭟ᬫᬸᬗ᭄ᬕᬸᬄᬓᬳᬦ
ᬦ᭄ᬦᬶᬂᬗᬲᬮ᭄᭞ᬳᬲᬮ᭄ᬮᬶᬂᬚᬶᬦ᭄ᬮᬦ᭄ᬳᬲᬮ᭄ᬫᬸᬧ᭄ᬭᬶᬩᬤᬶ᭞ᬧ᭄ᬭᬢᬾᬮᬓ᭄ᬦᬲᬸᬦ᭄ᬬᬸᬦ᭄ᬩ᭄ᬭᬸᬗᬸ᭞ᬬᬾᬦ᭄ᬱᬶᬭᬗᬓᬸᬢᬸᬯᬫ᭄ᬲᬂᬳ᭄ᬬᬂᬯᭂᬦᬂᬦᬩ᭄ᬤᬳᬾᬄᬭᬸᬗᬸᬦᭂᬦ᭄ᬧ᭄ᬭᬪᬹ᭞ᬲᬶᬭᬢ᭄ᬭᬄᬳᬶᬂᬚᬶ
[᭒᭙ 29A]
ᬦ᭄ᬩᬸᬓᬸᬚᬦ᭄᭞ᬳᬲᬮ᭄ᬮᬾᬚᬦ᭄ᬱᬓᬕᭂᬦᬶ᭟ᬩᬾᬤᬮᬯᬦ᭄ᬳᬲᬮ᭄ᬳᬶᬗ᭄ᬯᬂ᭞ᬲᬤᬸᬭᬸᬗᬾᬚᬕᬢ᭄ᬳᬶᬓᬶᬤᬸᬫᬤᬶ᭞ᬳᬲᬮ᭄ᬮᬾᬧᬭᬚᬶᬦ᭄ᬤᬸᬭᬸᬂ᭞ᬓᬩᬾᬄᬧᬦ᭄ᬤᬭᬸᬂᬗᬦ᭞ᬫᬓ᭄ᬱᬶᬄ
ᬲᬸᬯᬸᬂᬯᬸᬯᬸᬂᬓᬂᬤᬶᬳᬶᬦ᭄ᬢᬸᬫᬸᬯᬸᬄ᭞ᬬᬕᬶᬓᬸᬫᬸᬂᬘᬄᬬᬦᬶᬗ᭄ᬯᬂ᭞ᬳᬭᬦ᭄ᬘᬄᬬᬓᬂᬧᬶᬦᬸᬚᬶ᭟ᬫᬸᬃᬯᬦ᭄ᬦᬶᬂᬕᬸᬫ᭄ᬮᬭᬶᬂᬚᬕᬢ᭄᭞ᬳᬶᬂᬗᬭᬦᬶᬓᬩᬾᬄᬳᬶᬲᬶᬦᬶᬂᬩᬸᬫᬶ᭞ᬢᬦ᭄ᬮ᭄ᬬᬦ᭄ᬯᬶᬢ᭄ᬘᬄ
ᬬᬦᬶᬗ᭄ᬲᬸᬦ᭄᭞ᬫᬃᬫᬦᬾᬳᬬ᭄ᬯᬫᬾᬭᬂ᭞ᬧᬦᭂᬫ᭄ᬩᬄᬫᬸᬲᬶᬭᬫᬭᬂᬚᭂᬦᭂᬂᬗᬶᬗ᭄ᬲᬸᬦ᭄᭞ᬭᬾᬄᬲᬶᬭᬯᬸᬲ᭄ᬓᬮᬄᬢᬸᬯ᭞ᬳᬬ᭄ᬯᬓᬮᬦ᭄ᬢᬸᬃᬲᬂᬗᬚᬶ᭟ᬫᬦᭂᬫ᭄ᬩᬄᬮᬢᬯᬮ᭄ᬳᬸ
ᬚ᭄ᬯ᭞ᬓᬾᬄᬲᬶᬭᬂᬗ᭄ᬕᭂᬩ᭄ᬓᬂᬕᬯᬾᬩᬸᬫᬶᬮᬗᬶᬢ᭄᭞ᬍᬗᬶᬂᬢ᭄ᬬᬲ᭄ᬫᬸᬢ᭄ᬭᬂᬓᬮᬶᬭ᭞ᬩᬾᬤᬮᬦ᭄ᬢᭂᬦᭂᬂᬗᬶᬗ᭄ᬯᬂ᭞ᬯ᭄ᬭᬸᬳᬶᬂᬯᬤᬶᬳᬲᬮ᭄ᬫᬸᬮᬦᬶᬂᬢᬸᬫᬸᬯᬸᬄ᭞ᬫᬦ᭄ᬤᭀᬫ᭄ᬫᬶᬂᬲᬸᬓ᭄ᬱ᭄ᬫᬓᬯᭂᬓ
Page:Bali-lontar-gaguritan-adam-hawa-350ppi.pdf/29
This page has been proofread.
