[᭓᭕ 35B]
᭓᭕
ᬓᬶᬧᬸᬓᬶᬦ᭄᭞ᬓᬸᬲ᭄ᬭᬸᬫᬯᬾᬄᬢᬺᬜᬸᬄᬳᬶᬂᬗᬢᬶ᭞ᬲᬂᬤ᭄ᬬᬄᬫᬭᬓ᭄ᬳᬶᬂᬭᬫ᭞ᬲ᭄ᬭᬸᬧᬫᭀᬝᬵᬄᬳᬶᬧᬸᬦ᭄᭞ᬲᬯᬂᬯᬶᬢ᭄ᬢ᭄ᬭᬵᬓᬓᬶᬢᬸᬯ᭞ᬲᬤᬬᬳᬶᬂᬗᬢᬹᬃᬭᬓᭂᬦ᭄ᬫ᭄ᬭᬶᬲᬸᬥᬃᬫᬶ᭞ᬳᬢᬸᬃ
ᬭᬾᬮᬦ᭄ᬓᬭᬸᬦᬵ᭟ᬳᬶᬓᬂᬭᬫᬲ᭄ᬭᬸᬗᬸᬗᬸᬦ᭄ᬤᬓ᭄ᬫ᭄ᬬᬃᬱᬶ᭞ᬦᬩ᭄ᬤᬩᬩᭀᬳᬢ᭄ᬫᬚᬶᬯᬦᬶᬗ᭄ᬯᬂ᭞ᬬ᭄ᬯᬲᬸᬲᬄᬫᬸᬗ᭄ᬕᬸᬄᬧ᭄ᬭᬧ᭄ᬢᬦᬾ᭞ᬓᬸᬲᬸᬫᬩᬓᬮ᭄ᬫᬦ᭄ᬢᬸ᭞ᬬᬓ᭄ᬢᬶᬕᬫ᭄ᬧᬂᬓᬾᬯᬮᬦᬶᬦᬶ᭞ᬲᬸ
ᬦ᭄ᬢᭂᬥᬦᬾᬮᬦ᭄ᬧᬸᬚ᭞ᬢᬦ᭄ᬱᬸᬲᬄᬭᬶᬦᬸᬭᬸᬄ᭞ᬫᭂᬱ᭄ᬝᬶᬬᬾᬦ᭄ᬧ᭄ᬭᬢᬧ᭄ᬭᬶᬬᭀᬗ᭄ᬕ᭞ᬯᬶᬲ᭄ᬫᭂᬦᭂᬂᬗᬲᬶᬭᬫᬸᬮᬶᬬᬤᬾᬦ᭄ᬳᬕ᭄ᬮᬶᬲ᭄᭞ᬫ᭄ᬭᬶᬂᬧᬫᭀᬡ᭄ᬥᭀᬓᬦ᭄ᬦᬶᬭ᭟ᬬᬸᬬᬸᬭᬚᬵᬲᬓ᭄ᬱ
ᬦᬳᬸᬫᬜ᭄ᬚᬶᬂ᭞ᬫᬭᬶᬂᬳᬶᬂᬲᬂᬗ᭄ᬕᬃᬧᬫᬸᬚᬦᬶᬭ᭞ᬤᬳᬢ᭄ᬧᬶᬦᭂᬲᬸᬘᬶᬧ᭄ᬢᬦᬾ᭞ᬧ᭄ᬭᬧ᭄ᬢᬦᬾᬩᬓᬮ᭄ᬫᬦ᭄ᬢᬸ᭞ᬢᬶᬦᭂᬥᬫ᭄ᬭᬶᬳ᭄ᬬᬂᬳᬸᬚ᭄ᬯᬮᬵᬤᬶ᭞ᬓᬂᬦᬫᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬫᬦᬯ
[᭓᭖ 36A]
ᬲᬢᬸᬳᬸ᭞ᬚᬢᬸᬓ᭄ᬭᬫᬦ᭄ᬦᬶᬂᬭᬾᬂᬧᬸᬢ᭄ᬭ᭞ᬯᬶᬦᬹᬃᬲᬶᬢ᭞ᬯᬳᬸᬓᬂᬚᬚᬄᬮᬤ᭄ᬭᬶ᭞ᬲᬬᬄᬓᬧᬢᬶᬦᬾᬡ᭄ᬤ᭄ᬭ᭟ᬳᬦᬾᬂᬰᬾᬮᬵᬮᬶᬃᬧᬶᬦᬸᬮᬸᬂᬤᬾᬦᬶᬂᬳᬸᬚ᭄ᬯᬮᬵᬤᬶ᭞ᬥᬶᬦᬯᬄᬓᭂ᭠
ᬦ᭄ᬭᬭᬂ᭞ᬳᬶᬂᬲᬗ᭄ᬕᬃᬧᬫᬶᬤᬶᬓᬦᬾ᭞ᬋᬓᬝᬵᬢᬫ᭄ᬧ᭄ᬭᬪᬹ᭞ᬳ᭄ᬬᬂᬢᬸᬗ᭄ᬕᬮ᭄ᬮᬶᬃᬤᬭᬸ᭠ᬢᬸᬫᬶᬢᬶᬲ᭄᭞ᬬᬸᬬᬸᬭᬚᬵᬲᬓ᭄ᬱᬡ᭞ᬦᬬᬸᬢ᭄ᬧᬸᬚᬦ᭄ᬦᬶᬧᬸᬦ᭄᭞ᬦᬸᬮᬶᬯᬶᬦᬸᬗᬸᬓᬂᬦᬾ
ᬡ᭄ᬤ᭄ᬭ᭞ᬲᬯᬸᬗᬸᬜᬤᬳᬢ᭄ᬧᬗᬸᬗᬸᬦᬶᬂᬕᬮᬶᬄ᭞ᬢᬦ᭄ᬯ᭄ᬭᬶᬦ᭄ᬤᬭᬸᬦᬦ᭄ᬦᬶᬭ᭟ᬤᬾᬦᬾᬢᬶᬩᬾᬂᬧᬫᬸᬚᬦ᭄ᬮᬦ᭄ᬫᬾᬓ᭄ᬱᬶ᭞ᬬᬸᬬᬸᬳᬕᭂᬂᬗᬾᬓᬶᬳᬶᬮᬕᬶᬮ᭞ᬰ᭄ᬭᬷᬋᬓᬝᬵᬢ
ᬫᬮᬶᬗᬾ᭞ᬥᬸᬄᬳᬕᬾᬃᬲᬂᬩᬶᬦᬕᬸᬲ᭄᭞ᬲᬶᬦ᭄ᬢᭂᬦ᭄ᬢᬸᬯᬦ᭄ᬤᬾᬦᬾᬳᬧ᭄ᬭᬧ᭄ᬢᬶ᭞ᬳᬶᬂᬧᬫᬶᬤᬶᬓ᭄ᬓᬦ᭄ᬓᬸᬮ᭞ᬲᬳᬚᬶᬦᬶᬲ᭄ᬱᬶᬧᬸᬦ᭄᭞ᬳᭂᬚᬶᬦ᭄ᬧᬸᬦᬧᬫᬦᬹᬱᬵ᭞ᬧᬶᬦᬗ᭄ᬓᬦ᭄ᬢ᭞ᬳᬶᬂ
Page:Bali-lontar-gaguritan-adam-hawa-350ppi.pdf/36
This page has been proofread.
