[᭔ 4B]
᭔
ᬲᬭᬷᬭ᭞ᬩᬮᬸᬂᬲᬸᬫ᭄ᬲᬸᬫ᭄ᬭᬸᬤᬶᬭᬓᬸᬮᬶᬢ᭄ᬮᬦ᭄ᬤᬕᬶᬂ᭞ᬢᬦ᭄ᬤ᭄ᬬᬘᬄᬬᬦᬸᬃᬩᬸᬯᬢ᭄᭟ᬓᬂᬤᬸᬫᬸᬦᬸᬂᬮᬭᬧ᭄ᬧᬦ᭄ᬪᭂᬂᬡᬪᬶ᭞ᬢᬦ᭄ᬤᬶᬃᬭᭀᬮᬄᬩᬮᬶᬄᬫ᭄ᬭᬶᬂᬓᬂᬧᬸᬢ᭄ᬭ᭞ᬳᬢᬲ᭄ᬕᬳᬶ
ᬩ᭄ᬪᬶᬂᬳ᭄ᬬᬂᬫᬗ᭄ᬓᬾ᭞ᬧᬸᬢ᭄ᬭᬢᬶᬦᭂᬂᬭᬦ᭄ᬲᬵᬫ᭄ᬧᬸᬦ᭄᭞ᬰᬬᬶᬤ᭄ᬤᬶᬦᬵᬳᭂᬰᬶᬲ᭄ᬢᭂᬂᬡᬪᬶ᭞ᬤᬳᬢ᭄ᬫ᭄ᬭᬯᬢᬾᬂᬤ᭄ᬭᬶᬬ᭞ᬲᬳᬲᬸᬓᬲᬸᬓᬃ᭞ᬳᬶᬂᬅᬮᬄᬓᬂᬫᬸᬩᬾᬚᬕᬢ᭄᭞ᬘᬶᬦ
ᬭᬶᬢᬰᬬᬶᬤ᭄ᬱᬫᬦᬮᬕᬶ᭞ᬳᬶᬗᭂᬫ᭄ᬩᬦ᭄ᬓᬂᬤᬃᬫ᭄ᬫ᭟ᬦᬸᬦ᭄ᬢᭂᬦ᭄ᬲᭀᬦ᭄ᬢᭂᬦ᭄ᬧ᭄ᬭᬳᬭᬕᬸᬂᬧ᭄ᬭᬧ᭄ᬢᬶ᭞ᬦᭂᬫ᭄ᬧᬸᬄᬘᬸᬧᬸᬫᬡᬶᬓ᭄ᬕ᭄ᬬᬓᬩᬸᬜ᭄ᬘᬂ᭞ᬳᬶᬂᬩᬄᬭᬸᬮ᭄ᬳᬄᬮᬶᬢᬶᬩᬦᬾ᭞ᬯᭀᬦ᭄ᬢᭂᬦ᭄ᬭᬶᬓᬸ
ᬧᬶᬦᬸᬮᬸ᭞ᬤᬾᬦᬶᬂᬫᬮᬵᬏᬓᬢ᭄ᬳᬶᬚᬚᬶᬮ᭄᭞ᬫᬗ᭄ᬲᬸᬮ᭄ᬳᬶᬓᬂᬯᬶᬦᬃᬦᬵ᭞ᬤᬾᬯᬶᬓᬯᬵᬳᬸ᭞ᬤᬸᬫ᭄ᬮᬸᬦ᭄ᬤᬂᬤᬾᬦ᭄ᬬᬧᬸᬧᬸᬢ᭄ᬭ᭞ᬥᬫ᭄ᬧᬶᬢ᭄ᬓᬤᬶᬓᬂᬯᬸᬲ᭄ᬯᬶᬦᬸᬃᬲᬶᬢᬾᬂᬗᬃᬱᬶ᭞
[᭕ 5A]
ᬫᬸᬂᬯᭀᬦ᭄ᬢᭂᬦ᭄ᬫᬸᬕᬧᬸᬢ᭄ᬭ᭟ᬓᬂᬢᬶᬦᬶᬢᬄᬤᬢᬦ᭄ᬫᬶᬬᭀᬲ᭄ᬥᬫ᭄ᬧᬶᬢ᭄᭞ᬧᬸᬢ᭄ᬭᬶᬲᬶᬢᬶᬳᬸᬦᬸᬦ᭄ᬧᬦ᭄ᬦᭂᬗ᭄ᬭᬦ᭄ᬦ᭄ᬬ᭞ᬳᬕᭂᬂᬳᬳᬶᬗ᭄ᬕᬶᬮ᭄ᬤᭂᬤᭂᬕᬾᬧᬶᬦᬾᬢᬸᬂᬧᬸᬢ᭄ᬭᬦ᭄ᬦᬶᬧᬸᬦ᭄᭞ᬩᬩᬸᬓᬯᬵᬓᬫᬶᬬᭀ
ᬲ᭄ᬥᬫ᭄ᬧᬶᬢ᭄᭞ᬓᬯᬦ᭄ᬤᬲᬓᭂᬫ᭄ᬩᬭᬦ᭄᭞ᬫᬦᬯᬳᬶᬗᬾᬢᬸᬂ᭞ᬤ᭄ᬬᬄᬲᬶᬢᬶᬳᬸᬦᬸᬦ᭄ᬓᬮᬯᬦ᭄᭞ᬰᬬᬶᬥᭂᬲᬶᬲ᭄ᬯᭀᬮᬸᬤᬲᬵᬮᬦ᭄ᬓᬓᬮᬶᬄ᭞ᬧ᭄ᬭᬧᬸᬲᬤᬬᬜ᭟ᬤᬸᬧᬶᬲᬵᬫ᭄ᬧᬸ
ᬦ᭄ᬤᬯᬱᬢᬸᬫᬸᬮᬶ᭞ᬥᬦᬳᬸᬧ᭄ᬓᭂᬦ᭄ᬮᬶᬯᬳᬸᬓᬃᬱᬜ᭞ᬚᭂᬂᬡᬪᬶᬧᬸᬢ᭄ᬭᬓᬂᬲᬳᬾ᭞ᬮᬦ᭄ᬳᬯᭀᬦ᭄ᬥᬳᬸᬧ᭄ᬧᬶᬧᬸᬦ᭄᭞ᬲᬂᬕ᭄ᬬᬭᬶᬭᬳᬫᬾᬲ᭄ᬢᬸᬲᬫᬶ᭞ᬕ᭄ᬬᬤᬶᬦᬯᬸᬳᬦ᭄ᬫᭂᬜ᭄ᬘᬃ᭞ᬤᬾ
ᬦᬶᬂᬭᬤᭂᬤᬸᬦᬸᬂ᭞ᬥᬢᭂᬂᬲᬮᬶᬬᬦ᭄ᬦᬶᬂᬢᬦᬄ᭞ᬓᬂᬳᬶᬂᬗᬕ᭄ᬕ᭄ᬬᬦ᭄ᬳᬸᬫᬾᬦ᭄ᬢᬃᬫᬗ᭄ᬓ᭄ᬬᬓᬯᬵᬃᬡ᭄ᬡ᭄ᬦᬶ᭞ᬯᭀᬦ᭄ᬢᭂᬦ᭄ᬧᬸᬢ᭄ᬭᬓᬂᬫᬸᬃᬢᬢ᭄᭟ᬢᬶᬕᬂᬓᭂᬫ᭄ᬩᬃᬭᬦ᭄ᬱᬫᬶᬢᬦ᭄ᬦᬧ᭄ᬢᬶ᭞ᬥᬳᬸᬧ᭄ᬮᬦ᭄ᬱᬦᬾ
Page:Bali-lontar-gaguritan-adam-hawa-350ppi.pdf/5
This page has been proofread.
