[᭖ 6B]
᭖
ᬢᭀᬦᬸᬭᬸᬢ᭄ᬢᬦ᭄ᬳᬾᬱ᭄ᬝᬶᬦᬶᬂᬗᬢᬶ᭞ᬇᬚᬚᬶᬮ᭄ᬤᬃᬩᬾᬲᬸᬢ᭞ᬳᬾᬲ᭄ᬢ᭄ᬭᬶᬬᬸᬮᬶᬦᬸᬳᬸᬂ᭞ᬤᬾᬯᬶᬤ᭄ᬮᬚᬄᬯᬲ᭄ᬢᬦᬶᬭ᭞ᬳᬶᬯᬶᬢ᭄ᬱᬓᬶᬂᬓᬲᬓ᭄ᬢᬾᬦ᭄ᬦᬶᬭᬇᬚᬚᬶᬮ᭄᭞ᬯᬃᬡᬦᬾᬤᬾᬯᬶᬦ᭄ᬮᬚᬄ᭟ᬫᬶ
ᬦᬶᬡ᭄ᬥᬮᬶᬃᬕᬃᬯᬜᬰᬬᬶᬤ᭄ᬱᬶᬤ᭄᭞ᬩᬶᬦᬓ᭄ᬢᬫ᭄ᬭᬶᬂᬓᬸᬲ᭄ᬦᬶᬬᬫᬮᬾᬩᬃ᭞ᬤ᭄ᬬᬄᬫᬸᬮᬢ᭄ᬓᬂᬲᬮᬸᬕᬸᬦᬾ᭞ᬲᬫᬦᬢᬦ᭄ᬓᬤᬸᬮᬸ᭞ᬲᬶᬦᬶᬗᬶᬃᬓᭂᬦ᭄ᬤᬾᬦᬶᬂᬇᬚᬚᬶᬮ᭄᭞ᬤᬸᬫᬥᬓ᭄ᬓᬃ
ᬱᬦᬶᬂᬳ᭄ᬬᬂ᭞ᬰᬬᬶᬤ᭄ᬱᬶᬲ᭄ᬤᬸᬓ᭄ᬤᬸᬮᬸ᭞ᬫ᭄ᬭᬶᬂᬯᬳᬸᬲᬂᬫᬡ᭄ᬥᬶᬯᬃᬡ᭞ᬤᬢᬦ᭄ᬓᭂᬦᬶᬲᬶᬦᬬᬸᬢ᭄ᬩ᭄ᬭᬗ᭄ᬢᬦᬶᬂᬕᬮᬶᬄ᭞ᬲᬓ᭄ᬱᬡᬲᬶᬦᬂᬕᬫᬦ᭄᭟ᬲᬂᬇᬚᬚᬶᬮ᭄ᬤᬢᬦ᭄ᬱᬫᬃᬩᬶ
ᬮᬶᬄ᭞ᬦᬸᬢ᭄ᬧᬄᬯᬸᬲ᭄ᬫᬜ᭄ᬚᬶᬂᬫᬭᬶᬂᬢᬦᬓ᭄ᬓᬦ᭄᭞ᬫᬶᬮᬲ᭄ᬭᬸᬲᬸᬓᬾᬂᬤ᭄ᬭᬶᬬᬦᬾ᭞ᬲᬂᬤ᭄ᬬᬄᬩᬶᬦᬓ᭄ᬢᬯᬗ᭄ᬲᬸᬮ᭄᭞ᬫ᭄ᬭᬶᬂᬓᬬᬗᬦ᭄ᬯᬸᬲ᭄ᬢᬦ᭄ᬓᬳᬾᬓ᭄ᬱᬶ᭞ᬤ᭄ᬬᬄᬫᬸᬮᬢ᭄ᬓᬂᬲᬜ᭠
[᭗ 7A]
ᬢ᭞ᬳᬦᬸᬮ᭄ᬬᬓᬤᬸᬮᬸ᭞ᬓᬘᬢᬸᬃᬯᬳᬸᬲᬂᬭᬢ᭄ᬦ᭞ᬯᬸᬲ᭄ᬕᬃᬩᬶᬦᬶ᭞ᬤᬸᬧᬶᬧ᭄ᬭᬧ᭄ᬢᬦᬶᬭᬾᬂᬯᬜ᭄ᬘᬶ᭞ᬩᬩᬃᬓᭂᬫ᭄ᬩᬃᬧᬸᬢ᭄ᬭᬜ᭟ᬳᬫᬋᬂᬗᬶᬯᬜ᭄ᬘᬶᬚᬸᬮᬸᬂᬯᬗᬶ᭞ᬫᬍᬝᬾᬓ᭄ᬦᬶᬂᬲᬹᬃᬬ᭄ᬬ
ᬲᬓᬶᬂᬧᬹᬃᬯ᭄ᬯ᭞ᬯᬸᬚᬸᬤ᭄ᬩᬬᬶᬲᬯᬶᬚᬶᬦᬾ᭞ᬯᬃᬦᬶᬘᬄᬬᬲᬸᬫᬸᬦᬸ᭞ᬢᬸᬗ᭄ᬕᬶᬮ᭄ᬮᬶᬭᬲᬸᬢᬾᬂᬇᬚᬚᬸᬮ᭄᭞ᬤ᭄ᬬᬄᬤ᭄ᬮᬚᬄᬳᬸᬕᬶᬩᬩᬃ᭞ᬯᬃᬦᬶᬭᬄᬲᬦᬸᬚᬸ᭞ᬚᬸᬮᬸᬂᬯᬸᬚᬸᬤ᭄ᬯᬜ᭄ᬘᬶᬦᬶᬭ᭞ᬬᬾ
ᬓᬸᬯᬜ᭄ᬘᬶᬲᬸᬭᬸᬧ᭄ᬧᬧ᭄ᬭᬤᭀᬗ᭄ᬕᬧᬢᬶ᭞ᬫᬭᬶᬂᬧ᭄ᬭᬘᬶᬫᬦ᭄ᬢᬭᬵ᭟ᬧᬸᬦᬂᬭᬄᬱᬕ᭄ᬬᬩᬶᬦᬓ᭄ᬢᬤᬾᬦᬶᬂ᭞ᬲᬂᬇᬚᬚᬶᬮ᭄ᬫ᭄ᬭᬶᬂᬦᬕ᭄ᬭᬶᬓᬸᬲ᭄ᬦᬶᬬ᭞ᬕ᭄ᬬᬯᬶᬦᭀᬃᬭᬓᭂᬦ᭄ᬧᬸᬢ᭄ᬭᬦᬾᬲᬂᬤᬾ
ᬯᬶᬫᬸᬮᬢ᭄ᬯᬳᬸ᭞ᬳᬶᬓᬂᬯᬸᬚᬸᬤ᭄ᬘᬄᬬᬦᭂᬮᬳᬶ᭞ᬘᬄᬬᬲᬓ᭄ᬱᬡᬕᬢ᭄ᬭ᭞ᬩᭂᬩᬬᬶᬳᬶᬂᬗ᭄ᬭᬶᬓᬸ᭞ᬚᭂᬂᬡᬪᬶᬤᬢ᭄ᬱᬶᬄᬳᬶᬭ᭞ᬫ᭄ᬭᬶᬂᬧ᭄ᬭᬯᬮᬄ᭞ᬓᬂᬢᬸᬳᬸᬧ᭄ᬓᬶᬓ᭄ᬓᬶᬂᬯᬃᬡ᭄ᬦᬶ᭞
Page:Bali-lontar-gaguritan-adam-hawa-350ppi.pdf/7
This page has been proofread.
