[ ᭑᭗ 17B]
᭑᭗᭞
ᬲᬋᬂᬦ᭄ᬫᬸᬳᬮᬩ᭄ᬘᬶᬓ᭄᭟ᬭᬵᬳᬤᬾᬦ᭄ᬤᬾᬯᬶᬗᬦ᭄ᬤᬶᬓᬳᬶᬗ᭄ᬕᬶᬄᬜᬳᬶᬬᬦ᭄ᬜᬳᬶᬯᬦ᭄ᬢᬄᬲᬸᬤᬶᬲᬋᬂᬫᬦ᭄ᬢᬸᬓ᭄ᬢᬦᬲᬦ᭄ᬢᬸᬦ᭄ᬲᬭᬯᬸᬳᬾᬤᬶᬚᬸᬫᬄᬭᬡ᭄ᬥᬵᬓᬲᬦ᭄
ᬳᬾᬧᭀᬢ᭄ᬓᬧᬯᭀᬦ᭄ᬫᬗ᭄ᬮᬧᬸᬢ᭄ᬫᬦᬸᬦ᭄ᬤᬾᬦᬂᬫᬭᬢᭂᬗᬦ᭄ᬕᬶᬧᬶᬄᬭᬾᬜ᭄ᬘᬗᬾᬓᬓᬮᬶᬄ᭟ᬳᬸᬲᬦ᭄ᬫᬲᬕᬶᬓᬩᬓ᭄ᬢᬓᬲᬡ᭄ᬦᬶᬫᬾᬭᬭᬶᬲ᭄ᬲᬋᬂᬢᬶ
ᬢᬶᬕᬳᬜ᭄ᬓᬸᬮ᭄ᬳᬶᬲᭂᬦ᭄ᬢᬸᬮ᭄ᬫᬲᬾᬯᭀᬲᬦ᭄ᬳᬶᬂᬤᬳᬭᬗᬾᬩᬾᬢᬸᬢᬸᬮᬯᬃᬩᬾᬧ᭄ᬜᬸᬳᬮᬸᬄᬥᬥᬃᬮᬯ᭄ᬯᬃᬜᬯᬦ᭄ᬧᬓᬸᬦᬾᬫᬩᬱᬵᬫ
ᬦᬶᬲ᭄᭟ᬤᬶᬳᬸᬲᬦ᭄ᬤᬦᬾ ᬫᬤᬳᬃᬓᬵᬮᬶᬄᬲᬵᬫ᭄ᬧᬸᬦ᭄ᬧᬤᬫᬗᬶᬦᬂᬲᬶᬭᬶᬄ᭞ᬲᬫ᭄ᬩᬸᬮ᭄ᬫᬗ᭄ᬭᬯᭀᬲ᭄ᬫᬢᬶᬫ᭄ᬧᬸᬄᬗ᭄ᬭᬯᭀᬲᬂᬮᬮᬧᬲᬦ᭄ᬲᬵᬫ᭄ᬧᬸᬦ᭄ᬯᭂᬗᬶ
[ ᭑᭘ 18A]
ᬗᬾᬧᬚᭂᬫ᭄ᬧᬂᬮ᭄ᬯᬶᬃᬧᬧ᭄ᬥᭂᬓ᭄ᬓᬮᬯᬦ᭄ᬕᬍᬂᬕᬸᬮᬶᬂᬮᬸᬫᬸᬢᬾᬓᬲᬫ᭄ᬧᭂᬄᬮᬶᬬᬸᬫᬲᬯᬂᬢᬶᬓᭂᬄᬫᬓ᭄ᬗᬢ᭄ᬢᬸᬃᬫᬓᬲᬸᬃᬕᬸᬮᬸᬂᬕᬸᬮᬸᬗᬾᬳᬜᬸᬤ᭄ᬓᬳᬗᬾᬧᬘᬸ
ᬗᬄᬫᬲᬯᬂᬢᭀᬕᭀᬕ᭄ᬤᬶᬲᬫ᭄ᬧᬶᬂ᭟ᬫᬩᬳᬩᬄᬲᬃᬯ᭄ᬯᬳᬾᬦ᭄ᬤᬄᬢᬹᬃᬫᬮᬗ᭄ᬲᬾᬳᭀᬫ᭄ᬩᬓᬾᬧᬦᬾᬧᬓᬢᬶᬲ᭄ᬢᬶᬲ᭄ᬩᬸᬗᬦ᭄ᬲᬦᬾᬦᬾᬮᬸᬫ᭄ᬮᬸᬫ᭄ᬩᬭᬓ᭄ᬳᭀ
ᬩᬜᬦᬾᬜᬭᬩ᭄ᬮ᭄ᬯᬶᬃᬮᬸᬮᬸᬳᬸᬃᬫᬯᬃᬡ᭄ᬦᬯᬃᬡ᭄ᬦᬵᬓᬤᬸᬮᬸᬧᬦ᭄ᬥᬵᬦ᭄ᬯᭀᬗᬾᬫᬓᭂᬫ᭄ᬩᬭᬵᬦ᭄ᬩᬸᬗᬵᬦᬾᬲᬮᬾᬂᬲᬸᬲᬸᬦᬶᬦ᭄᭟ᬓᬢᬾᬦ᭄ᬓᬤᬶᬧᬗᬵ
ᬦ᭄ᬢᬾᬦᬦ᭄ᬚ᭄ᬭᭀᬦᬶᬂᬮᬗ᭄ᬲᬾᬳᬓ᭄ᬜᬦᬾᬧᬵᬓ᭄ᬱᬶᬢᬶᬲ᭄ᬮ᭄ᬯᬶᬃᬧ᭄ᬮᬸᬄᬦᬾᬳᬶᬲ᭄ᬢ᭄ᬭᬶᬓᬓᬸᬂᬤᬾᬦᬶᬂᬳᬸᬲᬦ᭄ᬲᬳᬭᬲ᭄ᬲᬗ᭄ᬕᬄᬮᬗᬶᬢ᭄ᬫᬗᬺᬫ᭄ᬩᬸᬦ᭄ᬤᬶᬩᬢᬦ᭄ᬓᬬᬸ᭠
Page:Bali-lontar-gaguritan-ambarapati-300ppi.pdf/18
This page has been proofread.
