[᭕᭔ 54B]
᭕᭔
ᬕᬦ᭄ᬢᬶᬧᬸᬦᬂᬦᬵᬕᬭᬤᬤᬶᬳᬮᬲ᭄ᬳᬯᬳᬶ᭟ᬧᬸᬦᬶᬓᬵᬫᬦ᭄ᬢ᭄ᬭᬶᬫᬮᬓᬵᬲᬳᬩᬮᬵᬭᬯᬸᬄᬗ᭄ᬮᬸᬭᬸᬕ᭄ᬦᬵᬕᬭᬶᬭᬳᬤ᭄ᬬᬦ᭄ᬗᬦ᭄ᬤᬶᬓᬦᬄᬮᬫᬸᬦ᭄ᬲᬚᬳᬶᬬᬳᬶ
ᬫᬾᬖᬦ᭄ᬢᬓᬢ᭄ᬓᬫᬳᬶᬚᬮᬦ᭄ᬳᬾᬗ᭄ᬕᬮᬂᬧ᭄ᬲᬸᬳᬶᬦ᭄ᬢᭂᬤᬚ᭄ᬭᬶᬄ᭞ᬲᬫ᭄ᬩᬶᬮ᭄ᬗᬭᬲ᭄ᬮᬦᬾᬦᬲᬳᬯᬘᬡ᭄ᬦᬵᬤᬸᬄᬤᬾᬯᬲᬂᬮ᭄ᬯᬶᬃᬭᬵᬢᬶᬄᬳᬦ᭄ᬢᭀᬲ᭄ᬳᬸᬕᬶᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄ᬲᬸ
ᬲᬸᬳᬸᬦᬦ᭄ᬫᬃᬕ᭄ᬕᬶᬦ᭄ᬢᬶᬢ᭄ᬬᬗᬾᬫᬗᬶᬭᬶᬂᬘᭀᬓᭀᬃᬳᬶᬤᬾᬯᬳᬧᬂᬫᬰᬶᬄᬓᬧᬗ᭄ᬕᬶᬄ᭟ᬢᬶᬢ᭄ᬬᬗᬶᬭᬶᬂᬫᬓᬭᭀᬦᬦ᭄ᬓᬰ᭄ᬯᬃᬕ᭄ᬕᬦ᭄ᬓᬧᬧᬕ᭄ᬲᬃᬯ᭄ᬯᬍᬯᬶᬄ
ᬭᬭᬶᬰᬶᬤᬫᬫᬃᬕ᭄ᬕᬫᬶᬚᬶᬮᬾᬲᬓᬶᬂᬢᬫᬦ᭄ᬓᬾᬯᬮᬵᬳᬶᬲᭂᬦ᭄ᬢᬸᬮ᭄ᬗᬶᬭᬶᬂᬢᬦ᭄ᬧᬲᬜ᭄ᬚᬢ᭄ᬣᬓᬵᬮᬶᬳᬾᬓᬭᭀᬓ᭄ᬢᬶᬲ᭄᭟ᬲᬵᬫ᭄ᬧᬸᬦ᭄ᬓᬢᬸᬃ
[᭕᭕ 55A]
ᬩᬳᬦ᭄ᬳᬶᬧᬦᬸᬗ᭄ᬕᬸᬦ᭄ᬢᬫᬦ᭄ᬤᬾᬦᬶᬭᬰ᭄ᬭᬶᬪᬹᬧᬢᬶᬬᬾᬦ᭄ᬲᬶᬭᬭᬳᬤ᭄ᬬᬦ᭄ᬫᬶᬚᬶᬳᬾᬓᬧᬶᬬᬸᬤ᭄ᬥᬦ᭄ᬓᬾᬯᬮᬳᬶᬲᭂᬦ᭄ᬢᬸᬮ᭄ᬗᬶᬭᬶᬂᬓᬕ᭄ᬬᬢ᭄ᬲᬂᬦᬵᬣᬋᬓᬾ
ᬳᬶᬤᬫᬶᬭᬵᬕ᭄ᬕᭀ᭟ᬫᬗᬦ᭄ᬤᬶᬓᬲᬂᬦᬵᬣᬭᬶᬂᬧ᭄ᬭᬧᬸᬗ᭄ᬕᬯ᭄ᬯᬦ᭄ᬲᬸᬪᬩᬬᬕᬦ᭄ᬢᬶᬓᬓᬓ᭄ᬫᬵᬳᬾᬗ᭄ᬕᬮ᭄ᬚᬕ᭄ᬚᬕᬶᬦ᭄ᬢ᭄ᬯᬳᬶᬬᬳᬶᬘᬳᬶᬯᬮᬶᬬᬂᬫᬸᬮᬶᬄᬬᬾᬦ᭄ᬢ᭄ᬯᬭᬳ᭄ᬦᬵ
ᬓ᭄ᬓ᭄ᬥᭂᬫᬾᬗ᭄ᬥᬯᬜ᭄ᬚᬸᬭᬶᬢ᭄᭟ᬓᬓᬧᬤᬳ᭄ᬥᬵᬢᬸᬮᬓᬦᬵᬕᬭᬵᬩᬮᬦᬾᬧᬤᬫᬶᬚ᭄ᬚᬶᬮ᭄ᬫᬗ᭄ᬤᬯᬵᬲᬜ᭄ᬚᬢ᭄ᬣᬲᬫᬶᬫᬧᬫᬶᬢ᭄ᬜᬸᬫ᭄ᬩᬄᬫᬳᬢᬸᬃᬭᬭᬶᬲ᭄ᬫᬫᬮᬶᬗ᭄ᬓᬧ᭄ᬭᬵ
ᬲᬜ᭄ᬚᬢ᭄ᬣᬩᬳᬦᬾᬲᬫᬶᬗᬶᬭᬶᬂ᭟ᬓᬸᬮ᭄ᬓᬸᬮ᭄ᬓᬸᬮᬸᬲ᭄ᬓᬲᬯᬸᬭᬦ᭄ᬩᬦ᭄ᬕᬫ᭄ᬮᬦ᭄ᬯᬢᬭᬓᬵᬮᬶᬄᬓ᭄ᬢᬶᬓᬢᬳᬾᬓᬂᬩᬮᬵᬰᬺᬕᭂᬧ᭄ᬲᬗᬲᬜ᭄ᬚᬢ᭄ᬣᬵᬩ᭄ᬥᬶᬮ᭄ᬢᬸᬮᬸᬧ᭄ᬮ
Page:Bali-lontar-gaguritan-ambarapati-300ppi.pdf/55
This page has been proofread.
