This page has been proofread.
[᭒᭒ 22B]
᭒᭑
᭒᭑
ᬧᬥᬫᬗᬚᬓ᭄ᬘᬓᭂᬧᬦ᭄᭟ᬧᬮᬬᬭᬾᬗᬢᭂᬗᬳᬂ᭞ᬭᬭᬶᬲ᭄ᬫᬗᬶᬍᬳᬶᬗᬶᬮᬶ᭞ᬭᬤᬾᬦ᭄ᬫᬦ᭄ᬢ᭄ᬭᬷᬳᬶᬤᬧ᭄ᬭᬕᬢ᭄᭞ᬫᬤᬬᬸᬂᬩᬦ᭄ᬢᬗᬦ᭄ᬓᬮᬶᬄ᭞᭠
ᬢᬦ᭄ᬲᬄᬭᬶᬂᬢ᭄ᬯᬦ᭄ᬥᬾᬯᬷ᭞ᬧᬮᬬᬃᬲᬫ᭄ᬧᬦᬾᬦᬯᬸᬲ᭄᭞ᬗᬲᭂᬃᬲᭂᬃᬗᬢ᭄ᬩᬳᬂ᭞ᬲᬸᬓᬦᬾᬢᬦ᭄ᬲᬶᬧᬶᬲᬶᬧᬶ᭞ᬲᬫ᭄ᬩᬶᬮ᭄ᬫᬃᬡ᭄ᬦᬩ᭄ᬯᬶᬤᬬᬫᬗᭂᬗ᭄ᬓᬮ᭄᭟
ᬧᬥᬫᬗᬚᬓ᭄ᬘᬓᭂᬧᬦ᭄᭞ᬫᬘᬦ᭄ᬥᬲᬮᬶᬂᬕ᭄ᬭᬸᬕᬸᬓᬶᬦ᭄᭞ᬭᬫᬾᬬᬫᬕᬕᭀᬜ᭄ᬚᬓᬦ᭄᭞ᬗᬚᬓᬓᬲ᭄ᬬᬦ᭄ᬲᬫᬶ᭞ᬲᬮᬶᬂᬚᬗ᭄ᬓ᭠
ᬲᬮᬶᬂᬢᬶᬕ᭄ᬢᬶᬕ᭄᭞ᬓᬕ᭄ᬬᬢᬶᬤᬲᬂᬩᬕᬸᬲ᭄᭞ᬗᬸᬚᬂᬫᬘᬦ᭄ᬥᬢ᭠ᬯᬄ᭞ᬤᬶᬢ᭄ᬗᬄᬧᬲᬶᬳᬾᬫᬗ᭄ᬓᬶᬦ᭄᭞ᬲᬫ᭄ᬧᬦ᭄ᬘᭂᬭᬶᬓ᭄ᬢᬶᬗ᭄ᬓᭂᬩ᭄ᬫᬯᬶᬦᬦ᭄ᬲᭂᬗ᭄ᬓᬮ᭟ᬧᬲᬳᬶᬄ
[᭒᭓ 23A]
ᬳᬶᬧᬸᬦ᭄ᬭᬸᬲᬓ᭄ᬧᬶᬲᬦ᭄᭞ᬜᬾᬦ᭄ᬚᬫᬦᬯᬂᬤᬶᬦᬶ᭞ᬳᭀᬫ᭄ᬩᬓᬾᬗᭂ᭠ᬜ᭄ᬚᬄᬓᬢ᭄ᬗᬄ᭞ᬩᬜ᭄ᬘᬸᬢ᭄ᬓᭂᬍᬫ᭄ᬦᬾᬧ᭄ᬭᬧ᭄ᬢᬶ᭞ᬫᬮᬶᬄᬯᭀᬂᬳᬶᬧᬸᬦᬶᬫ᭄ᬩᬶᬄ᭞ᬍᬕ
ᬗᬚᬓ᭄ᬢᬶᬫ᭄ᬧᬮᬶᬧᬸᬦ᭄᭞ᬲᬫᬶᬦᬕᬶᬄᬜᬸᬭᬕᬂ᭞ᬢ᭄ᬯᬭᬢᬓᬸ᭠ᬢ᭄ᬧᬘᬂᬫᬵᬢᬷ᭞ᬲᬸᬩᬗᬶᬭᬶᬂᬲᬂᬳ᭄ᬬᬂᬭᬢᬄᬲᬂᬳ᭄ᬬᬂᬲ᭄ᬫᬭ᭟ᬬᬤᬶᬦ᭄ᬫᬵᬢᬶᬤ᭠
ᬗᬾᬯᭂᬳᬂ᭞ᬢ᭄ᬯᬦ᭄ᬥᬾᬯᬶᬗᬦ᭄ᬥᬶᬓᬳᬭᬶᬲ᭄᭞ᬬᬤᬶᬦ᭄ᬓᬾᬢᭀᬤᭀᬂᬤᬲᬗᭂᬢ᭄᭞ᬦᬸᬗ᭄ᬓᬲᬶᬦ᭄ᬭᬤᬾᬦ᭄ᬫᬦ᭄ᬢ᭄ᬭᬶ᭞ᬲᬸᬩᬳᬶᬤᬫᬶᬢᬸᬢᬸᬭᬶᬦ᭄᭞ᬧᬲᬶᬳ᭄
ᬭᬸᬲᬓ᭄ᬲᬶᬂᬤᬭᬸᬗᬸ᭞ᬲᬶᬂᬦᬾᬓᬾᬢᭀᬫᬵᬤᬦ᭄ᬢᬺᬱ᭄ᬡ᭞ᬧᬋᬓᬦᬾᬲᬶᬬᭂᬧ᭄ᬲᬫᬶ᭞ᬗᬢ᭄ᬗᬳᬂᬲᬫ᭄ᬧᬦᬾᬗᭂᬲᭂᬂᬫᬮᬬᬃ᭟ᬧᬗᬶᬭᬶᬗᬾᬧ᭠
