This page has been proofread.
[᭓᭕ 35B]
᭓᭔
᭓᭔
ᬜᬶᬦᬶᬭᬦᬾᬧᬢᬸᬢ᭄᭞ᬬᬫᬵᬤᬦ᭄ᬕᭂᬮᬄᬳᬦᬓ᭄᭞ᬢᭂᬓᬧᬶ᭠ᬲᬺᬗᬂᬢᬕᬶᬄ᭞ᬲᭀᬓ᭄ᬧᬶᬢᬸᬢᬸᬃᬢ᭄ᬯᬭᬗᭂᬮᬄᬅᬭᬶᬫ᭄ᬩᬯ᭟ᬢᭀᬦᬾᬫᬵ᭠
ᬤᬦ᭄ᬫᭂᬮᬄ᭞ᬓᬓᭂᬜ᭄ᬘᬦᬾᬩᬸᬘᬩᬸᬘᬶ᭞ᬳᬗ᭄ᬥᬾᬬᬤᬦᬸᬦᬶᬃᬫᬮ᭞ᬫᬮᬷᬮᬂᬰᬸᬘᬶᬫᬓᬼᬦᬶᬂ᭞ᬳᭂᬦ᭄ᬢᭀᬓᭀᬦᬾᬧᬦ᭄ᬥᬸᬲᬶᬦ᭄᭞ᬫᬗ᭄ᬥᬾᬦᬾᬢᭂᬮᬄ
ᬭᬳᬬᬸ᭞ᬳᬶᬭᬢᭀᬂᬜᬦ᭄ᬥᬂᬧᬶᬲᬦ᭄᭞ᬲᬓᬮᬬᬾᬄᬫᬶᬲᬶᬩ᭠ᬘᬶᬦ᭄᭞ᬜᬾᬦ᭄ᬓᭀᬤᬕ᭄ᬫᬦ᭄ᬤᬸᬲᬶᬦ᭄ᬬᬾᬄᬧᬘᬶᬭᬗᬦ᭄᭟᭐᭟
ᬧᬸᬧᬸᬄᬥᬂᬥᬂ᭟᭐᭟ᬓᬩ᭄ᬭᬵᬳ᭄ᬫᬦ᭄ᬢ᭄ᬬᬦ᭄ᬯᬸᬯᬸᬲᬾᬦᬺᬧᬢᬶ᭞ᬮᬶᬦ᭄ᬢᬂᬧᬦᬲ᭄ᬲᬲᬢ᭄ᬩᬚ᭄ᬭᬫᬓ᭞ᬲᬫᬦᬜ᭄ᬘᭂᬩ᭄ᬳᬸᬮᬸᬦ᭄ᬳᬢᬶᬦᬾ᭞ᬳᬢ᭄ᬫᬄ᭠
[᭓᭖ 36A]
ᬤᬤᬶᬫᬸᬭᬸᬩ᭄᭞ᬮ᭄ᬯᬶᬃᬩᬶᬲᬓᬃᬕᬂᬤᬸᬢᬓᬮᬶᬄ᭞ᬓ᭄ᬭᭀᬥᬳ᭠ᬗ᭄ᬓᬲᬗ᭄ᬓᬲ᭄᭞ᬕᬸᬫ᭄ᬢᭂᬃᬲᬸᬫᬯᬸᬃ᭞ᬳᬾᬄᬲᬂᬧ᭄ᬭᬪᬸᬓᬶᬦ᭄ᬢᬯᬦ᭞ᬳᬤᬢ᭄ᬫᬺᬓ᭠
ᬦ᭄᭞ᬪᬸᬢᬢᬸᬮᬶᬲᭀᬓ᭄ᬧᬗ᭄ᬮᬶᬗ᭄ᬲᬶᬃ᭞ᬢᬦ᭄ᬢᬸᬫᬗ᭄ᬓᬄᬉᬫᭀᬚᬃ᭟ᬭᬢᬸᬦᬶᬱ᭄ᬝᬫᬸᬃᬓ᭄ᬓᬓᬂᬩᬸᬤ᭄ᬥᬶ᭞ᬮ᭄ᬯᬶᬃᬯᭀᬂᬧᬸᬜᬄᬩᬗ᭄ᬕ᭄ᬭᬲ᭄ᬓᬂᬉᬚᬃ᭞ᬓᬾᬯ
ᬮᬯᬸᬂᬫᬸᬂᬓᬂᬩᬸᬤ᭄ᬥᬶᬦᬾ᭞ᬳᬾᬄᬧᬺᬬᬢ᭄ᬦᬾᬂᬓᬬᬸᬦ᭄᭞᭠ᬦᭀᬭᬳᬸᬭᬸᬂᬤᬤᬶᬧᬲᬶᬄ᭞ᬦᬕᬭᬦᬶᬦ᭄ᬢᬯᬦ᭞ᬩᬲ᭄ᬫᬶᬤᬦᬶᬳᬯᬸ᭞ᬤᬸᬢᬓ
ᬭᭀᬰᬶᬖ᭄ᬭ᭞ᬗᬯᬗᬯᬂ᭞ᬧ᭄ᬭᬪᬸᬓᬶᬦ᭄ᬢᬯᬦ᭄ᬳᬚᬷ᭞ᬳᬕᬸᬕᬸᬲᭂᬫ᭄ᬭᬶᬂ᭠ᬩᬜ᭄ᬘᬶᬗᬄ᭟ᬰ᭄ᬭᬶᬦᬭᬾᬦ᭄ᬤ᭄ᬭᬳᬰᬩ᭄ᬥᬳᬭᬶᬲ᭄᭞ᬳᬾᬄᬧᬸᬗ᭄ᬕᬯᬫ᭄ᬯᬂᬫᬦ᭄ᬢ᭄ᬭᬶᬲᬤᬬ
