[᭑᭔ 14 B]
᭑᭔
ᬚᬸᬮᬸᬓ᭄᭞ᬓᬂᬭᬵᬫᬓᬾᬦ᭄ᬫᬬᬂᬲᭂᬓᬃ᭞ᬤᬬᬶᬢ᭄ᬢᬦ᭄ᬦᬶᬭᬲᬂᬗᬚᬶ᭛ᬤᬸᬓ᭄ᬯᬳᬸᬲᬫ᭄ᬧᬸᬦ᭄ᬓᬳᬸᬮ᭞ᬓᬾᬦ᭄ᬳᬢᬸᬭᬶᬮᬚᬸᬳᬸᬫᬲᬾᬂᬦᬵᬕ᭄ᬭᬶ᭞ᬪᬝᬶᬓ᭄ᬫᬥ᭄ᬭᬶᬫ᭄ᬲᬸᬓᬫᬸᬯᬸᬲ᭄᭞ᬤᭂᬫᬂᬲᬶᬭᬩᬜ᭄ᬚᬸᬭ᭞ᬫᬭᬂᬧ᭄ᬭᬚᬲᬶᬭᬗᬢᬸᬃᬭᬦᬯᭂᬭᬸᬄ᭞ᬫᬭᬂᬗᬃᬬ᭄ᬬᬯᬶᬚᬦᬃᬓ᭄ᬓ᭞ᬳ
ᬗᬢᬸᬃᬭᬦᬳᬸᬤᬦ᭄ᬦᬶ᭛ᬳᬶᬂᬕᬸᬲ᭄ᬢᬶᬰ᭄ᬭᬷᬫᬳᬵᬥᬶᬧ᭞ᬮᬫᬸᬦ᭄ᬦᬶᬓᬂᬦᬵᬫᬓᬾᬦ᭄ᬫᬬᬂᬳᬭᬷ᭞ᬧ᭄ᬭᬧ᭄ᬢᬵᬃᬱᬧᬗ᭄ᬕᬶᬄᬮᬦ᭄ᬲᬸᬦᬸ᭞ᬲᬸᬦ᭄ᬳᬶᬭᬶᬤ᭄ᬫᬭᬶᬂᬧ᭄ᬭᬚ᭞ᬫᬦᬯᬰ᭄ᬭᬷᬦᬭᬦᬵᬣᬳᬃᬱᬫᭂᬫᬵᬸᬓ᭄᭞ᬯᬶᬲᬢᬤᭂᬫᬂᬧᬩᬾᬬᬦ᭄᭞ᬰ᭄ᬭᬷᬲᭂᬓ᭄ᬢᬶᬰᬹᬭᬲᬶᬦ᭄ᬦᬶᬯᬶ᭛ᬳᬶᬂᬯᬤ᭄ᬬᬵᬦᬾᬂ
ᬧᬲᬗ᭄ᬕ᭄ᬭᬳᬦ᭄᭞ᬧᬫᬾᬬᬢᬸᬫᬸᬦ᭄ᬥᬸᬓ᭄ᬫᬢᬸᬃᬯᭀᬢ᭄ᬲᬭᬶ᭞ᬧᬢᬶᬓ᭄ᬩ᭄ᬭᬗᬢᬸᬃᬭᬶᬯᭂᬭᬸᬄ᭞ᬯᭀᬦ᭄ᬢᭂᬦ᭄ᬫᬦ᭄ᬢ᭄ᬭᬫᬮᬯ᭞ᬳᬫᬭᬶᬓ᭄ᬱᬮᬫ᭄ᬧᬄᬧᬤᬸᬓᬧᬸᬓᬸᬮᬸᬦ᭄᭞ᬲᬶᬂᬯᬃᬢᬶᬲᬾᬲ᭄ᬢᬸᬧᬸᬢ᭄ᬭᬦ᭄ᬢ᭞ᬓᬕᬃᬯ᭄ᬯᬾᬂᬰ᭄ᬭᬷᬦᬭᬧᬢᬶ᭛ᬳᬶᬂᬗᬸᬦ᭄ᬦᬶᬧᬸᬢ᭄ᬭᬦ᭄ᬧᬤᬸᬓ᭞ᬯᬶᬦ᭄ᬦᭂᬗ᭄ᬓᬸᬳᬶᬂᬬ
ᬓ᭄ᬱᬾᬦ᭄ᬤ᭄ᬭᬳᬶᬂᬦᬵᬕᬭᬷ᭞ᬲᬶᬫ᭄ᬩᬃᬫᬜᬸᬭᬚᬸᬚᬸᬮᬸᬓ᭄᭞ᬫᬄᬭᬵᬚᬧᬜ᭄ᬘᬤ᭄ᬬᬡ᭄ᬦ᭞ᬮᬸᬫᬸᬭᬸᬕ᭄ᬕᬶᬂᬫᬮᬯᬵᬃᬱᬫᬗᬸᬦ᭄ᬧᬸᬧᬸᬄ᭞᭠ᬧ᭄ᬭᬕᬃᬯ᭄ᬯᬦ᭄ᬦᬶᬭᬯᬶᬦ᭄ᬦᬢ᭞ᬓᬲᭀᬃᬲᬂᬋᬓ᭄ᬱᬲᬳᬚᬶ᭞᭛ᬢᬸᬫ᭄ᬧᭂᬲ᭄ᬯᬤ᭄ᬬᬦ᭄ᬦᬶᬭᬤᬶᬢ᭄ᬬ᭞ᬲᬂᬬᬓ᭄ᬱᬾᬦ᭄ᬤ᭄ᬭᬓᬢᬯᬦ᭄ᬳᬶᬂᬗᬚᬸᬭᬶᬢ᭄᭞
[᭑᭕ 15 A]
ᬫᬗ᭄ᬓᬾᬓᬂᬤᬶᬦᬸᬢ᭄ᬢᬫᭂᬝᬸᬓ᭄᭞ᬳᬶᬂᬧᬤᬸᬓᬦᬭᬾᬦ᭄ᬤ᭄ᬭ᭞ᬓ᭄ᬬᬦᬧᬢᬶᬄᬪᬝᬶᬓ᭄ᬫᬥ᭄ᬭᬶᬫ᭄ᬯᬲ᭄ᬢᬦ᭄ᬦᬶᬧᬸᬦ᭄᭞ᬲᬸᬓᬲᬂᬦᬵᬢ᭄ᬣᬗᬦ᭄ᬥᬶᬓ᭞ᬫᬗᬋᬧ᭄ᬩᬸᬤᬮ᭄ᬦᬳᬕ᭄ᬮᬶᬲ᭄᭛ᬳᬶᬗ᭄ᬲᬸᬦ᭄ᬳᬕᬾᬳᬃᬱᬫᬗ᭄ᬕ᭄ᬬ᭞ᬮᬦ᭄ᬲᬂᬦᬵᬣᬕᬸᬫᬸᬭᬸᬄᬲ᭄ᬯᬭᬾᬂᬩᬭᬶᬲ᭄᭞ᬦᬶᬢᬶᬄᬤᬶᬧᭀᬗ᭄ᬕᬲᬂ᭠
ᬧ᭄ᬭᬪᬸ᭞ᬧᬶᬧᬶᬓᬸᬮ᭄ᬮᬾᬢᬶᬦ᭄ᬦᬶᬮᬃ᭞ᬳᬫᬸᬂᬯᬤ᭄ᬬᬳᬸᬧᬘᬭᬳᬦᬾᬂᬗᬬᬸᬦ᭄᭞ᬲᬂᬫᬕᭂᬃᬲᬭᬶᬢᬦ᭄ᬧᬶᬲᬄ᭞ᬯᬸᬲ᭄ᬢᬸᬦ᭄ᬥᬸᬓ᭄ᬮᬦ᭄ᬪᬝᬶᬓ᭄ᬫᬥ᭄ᬭᬶᬫ᭄᭛ᬭᬶᬲᬓ᭄ᬱᬡᬳᬶᬂᬗᬢᬸᬃᬭᬦ᭄᭞ᬫᬜ᭄ᬚᬶᬂᬧ᭄ᬭᬚᬧᬶᬦ᭄ᬦᭂᬮᬔᬶᬓᬂᬩᬭᬶᬲ᭄᭞ᬢᬦ᭄ᬫᬯᬶᬭᬃᬬ᭄ᬬᬦ᭄ᬮᬸᬫᬓᬸ᭞ᬢᬸᬫᬫᬾᬂᬚ᭄ᬭᭀ
ᬦ᭄ᬦᬶᬂᬓᬶᬢ᭞ᬓᬸᬦ᭄ᬦᭂᬂᬯᬶᬚᬦᬃᬓ᭄ᬓᬯᬸᬲ᭄ᬳᬭᬶᬯᭂᬭᬸᬄ᭞ᬬᬾᬦ᭄ᬓᬂᬭᬵᬫᬫᬬᬂᬲᭂᬓᬃ᭞ᬧ᭄ᬭᬧ᭄ᬢᬵᬃᬱᬧᬗ᭄ᬕᬶᬄᬮᬦ᭄ᬲᬶᬯᬶ᭛ᬫᬶᬬᭀᬲ᭄ᬧ᭄ᬭᬪᬸᬗ᭄ᬮᬶᬂᬥᬃᬫ᭄ᬫ᭞ᬫᬳᭂᬮᬭᬦ᭄ᬯᬤ᭄ᬬᬧᭂᬦᬸᬄᬲᬸᬫᬶᬯᬶ᭞ᬧᬗᬮᬲᬲ᭄ᬯᬸᬲ᭄ᬢᬶᬦᬸᬤᬸᬄ᭞ᬳᬾᬦᬵᬕ᭄ᬕᬮ᭄ᬓᬶᬦ᭄ᬳᬶᬓᬂᬧ᭄ᬭᬧ᭄ᬢ᭞ᬦᬵᬣᬾᬂᬩᭀᬚᬦᬵᬕᬭ
ᬮᬯᬦ᭄ᬲᬂᬧ᭄ᬭᬪᬸ᭞ᬳᬶᬂᬓᬃᬝᬦᬵᬕ᭄ᬭᬷᬗᬢᬸᬭᬦ᭄᭞ᬫᬦᬸᬗ᭄ᬲᬸᬂᬲᬂᬦᬵᬣᬧ᭄ᬭᬧ᭄ᬢᬶ᭛ᬰ᭄ᬭᬷᬦᬵᬣᬓᬮᬶᬄᬤ᭄ᬬᬦ᭄ᬩᬸᬤᬮ᭄᭞ᬘᬭᬓᬾᬦ᭄ᬤᬺᬯᬳᬸᬳᬶᬓᬂᬢᬶᬦᬸᬤᬶᬂ᭞ᬮᬾᬦᬵᬕ᭄ᬕᬮ᭄ᬓᭂᬦ᭄ᬮᬫ᭄ᬧᬄᬯᬸᬲ᭄ᬮᬸᬗ᭄ᬕᬸᬄ᭞ᬮᬦ᭄ᬫᬥ᭄ᬭᬶᬫ᭄ᬯᬸᬲ᭄ᬯᬶᬦ᭄ᬦᬃᬣᬦ᭄᭞ᬯᬯᬂᬢᬃᬥᬓ᭄ᬱᭂᬓ᭄ᬢᬶᬲᬸᬭᬲᬗᬧ᭄ᬭᬪᬸ᭞᭠
Page:Bali-lontar-gaguritan-anging-kusuma-250ppi.pdf/15
This page has been proofread.
