[᭑᭖ 16 B]
᭑᭖
ᬭᬸ᭛ᬧᭀᬫᬳᬚᬦ᭄ᬦᬲᬮᬄᬳᬶᬂᬓᬧ᭄ᬢᬶ᭞ᬓᬢ᭄ᬭᬶᬓᬯᭀᬢ᭄ᬲᬶᬦᭀᬫ᭄᭞ᬧᬸᬢ᭄ᬭᬶᬓᬢ᭄ᬭᬶᬲᬦ᭄ᬥᬶᬓᬳᬢᬸᬃᬭᬾ᭞ᬭᬶᬲᬓ᭄ᬱᬡ᭄ᬦᬫᬶᬚᬶᬮ᭄ᬲ᭠ᬓᬶᬂᬧᬸᬭᬶ᭞ᬯᬤ᭄ᬬᬯᬸᬲ᭄ᬲᬸᬫᬚᬶ᭞ᬧᬋᬂᬩᬸᬤᬮ᭄ᬮᬶᬧᬸᬦ᭄᭛ᬭᬤᬾᬦ᭄ᬓᬮᬶᬄᬮᬯᬦ᭄ᬧᬭᬫᬦ᭄ᬢ᭄ᬭᬶ᭞ᬲᬦ᭄ᬢᬦᬦᭀᬫ᭄ᬳᬦᭀᬫ᭄᭞ᬳᬸᬫᬶᬭᬶᬩᬶᬢᬶ
ᬦ᭄ᬥᬓ᭄ᬫᬬᬂᬭᬵᬚᬾ᭞ᬧ᭄ᬭᬧ᭄ᬢᬾᬂᬚᬯᬶᬓᬶᬢᬲᬫ᭄ᬧᬸᬦ᭄ᬲᬫᬶ᭞ᬤᬶᬦ᭄ᬦᬯᬸᬄᬳᬦ᭄ᬪᬮᬶ᭞ᬫ᭄ᬭᬶᬂᬳᬾᬬᬂᬲᬂᬧ᭄ᬭᬪᬸ᭛ᬩᬸᬤᬮ᭄ᬫᬭᬶᬂᬧ᭄ᬭᬚᬭᬤᬾᬦ᭄ᬓᬮᬶᬄ᭞ᬳᬾᬬᬂᬗᬶᬭᬓᬭᭀ᭞ᬦᭀᬮᬶᬄᬦᭀᬮᬶᬄᬢᭀᬦ᭄ᬢᭀᬦ᭄ᬦᭂᬦ᭄ᬯᬬᬄᬳᬾ᭞ᬯᬸᬲ᭄ᬯᬮᬸᬬᬳᬶᬂᬲᬮᬯᬧᬢᬶ᭞ᬕᭂᬫᬄᬳᬶᬂᬦᬵᬕᬭᬷ᭞᭠
ᬓᬤᬶᬤᬸᬓ᭄ᬭᬸᬫᬸᬳᬸᬦ᭄᭛ᬦᬸᬲ᭄ᬯᬚᬯᬢᬦ᭄ᬳᬦᬜᬶᬭᬶᬂᬗᬶ᭞ᬧᬜ᭄ᬚᭂᬦ᭄ᬦᭂᬂᬗᬦ᭄ᬓᬢᭀᬂ᭞ᬤᬶᬩ᭄ᬬᬲᭂᬓ᭄ᬢᬶᬳᬫ᭄ᬧᬸᬄᬳᬶᬂᬬᬸᬤ᭄ᬥᬦ᭄ᬦᬾ᭞ᬳᬗ᭄ᬮᬶᬂᬥᬃᬫ᭄ᬫᬳᬶᬂᬫᬮᬯᬧᬢᬶ᭞ᬓᬶᬦ᭄ᬦᬾᬭᬶᬂᬗᬦ᭄ᬤᬾᬦ᭄ᬦᬶᬂ᭞ᬧᬭᬭᬢᬸᬭᬢᬸ᭛ᬳᬶᬂᬩᭀᬚᬦᬵᬕᬭᬓᬃᬣᬦᬵᬕ᭄ᬭᬷ᭞ᬓᬢᬶᬕᬲᬂᬓᬢᭀᬂ
᭞ᬲᭂᬓ᭄ᬢᬶᬰᬹᬭᬳᬶᬂᬲᭀᬓᬭᬸᬫᬃᬫ᭄ᬩᬾ᭞ᬦᬤ᭄ᬬᬦ᭄ᬢᬸᬯᬫᬭᬘᬶᬧ᭄ᬢᬾᬂᬕᬮᬶᬄ᭞ᬓᬤᬶᬲᬂᬳ᭄ᬬᬂᬗᬩ᭄ᬤᬶ᭞ᬤᬸᬫᬢᭂᬂᬓᬂᬫᬦ᭄ᬢᬸ᭛ᬭᬵᬚ᭠ᬳᬗ᭄ᬮᬶᬂᬥᬃᬫ᭄ᬫᬯᬸᬲ᭄ᬳᬮᬫᬶ᭞ᬚᭂᬦ᭄ᬦᭂᬂᬗᬶᬭᬓᬢᭀᬂ᭞ᬯᬸᬲ᭄ᬳᬲᭂᬧᬸᬄᬭᬾᬫᬓ᭄ᬯᬾᬄᬓᬂᬧᬶᬗᬾ᭞ᬕᬸᬫᬧᬸᬮᬲᬫᬦᬲᬂᬗᬚᬶ᭞ᬳᬸᬫᬶᬬᭀ
[᭑᭗ 17 A]
ᬲ᭄ᬢᬶᬦᬗ᭄ᬓᬶᬮ᭄᭞ᬫᬸᬗ᭄ᬕ᭄ᬯᬶᬂᬲᬶᬯᬶᬮᬸᬳᬸᬃ᭛ᬧᬶᬦᬭᬓ᭄ᬓᬶᬂᬤᬤᬫ᭄ᬧᬃᬭᬶᬦᬸᬓ᭄ᬫᬶ᭞ᬳᬶᬂᬗᬬᬧ᭄ᬧ᭄ᬭᬲᬶᬦ᭄ᬦᭀᬫ᭄᭞ᬫᬕᭂᬮᬭᬦ᭄ᬧᬭᬧᬸᬗ᭄ᬕᬯᬦ᭄ᬦ᭞ᬧᬭᬭᬵᬚᬫ᭄ᬬᬂᬧᬭᬪᬸᬧᬢᬶ᭞ᬭᬤ᭄ᬬᬦ᭄ᬧᬸᬢ᭄ᬭᬓᬮᬶᬄ᭞ᬦᬸᬫᬶᬯᬶᬳᬶᬂᬗᬬᬸᬦ᭄᭛ᬤ᭄ᬬᬦ᭄ᬳᬗ᭄ᬮᬶᬂᬓᬸᬲᬸᬫᬮᬦ᭄ᬲᬂᬗᬭᬶ᭞ᬤ᭄ᬬᬦ᭄ᬥᬦᬹᬃ
ᬯᬾᬦ᭄ᬥᬵᬦ᭄ᬦᭀᬫ᭄᭞ᬓᬤ᭄ᬬᬓᭂᬫ᭄ᬩᬃᬲᬶᬦᬯᬂᬯᬃᬡ᭄ᬦᬦ᭄ᬦᬾ᭞ᬗᬦ᭄ᬥᬶᬓᬵᬭᬶᬲ᭄ᬲᬂᬰ᭄ᬭᬶᬦᬭᬧᬢᬶ᭞ᬳᬓ᭄ᬭᬫᬳᬓᬓᬶ᭞ᬓᬭᭀᬧᬸᬢ᭄ᬭᬦ᭄ᬦᬶᬗ᭄ᬲᬸᬦ᭄᭛ᬧᬶᬮᬶᬄᬳᬦᬳᬕᬸᬂᬧᬭᬧᬸᬢ᭄ᬭᬶ᭞ᬓᬂᬲᬫ᭄ᬬᬵᬬᬸᬳᬦ᭄ᬦᭀᬫ᭄᭞ᬢᬸᬃᬧᬸᬢ᭄ᬭᬶᬦ᭄ᬦᬾᬧᬭᬭᬵᬚᬕᭂᬤᬾ᭞ᬮᬫᬸᬦ᭄ᬲᬶᬭᬳᬗ᭄ᬕᬾᬃᬯᬸ
ᬲ᭄ᬳᬓ᭄ᬭᬫᬶ᭞ᬳᬸᬫᬤᭂᬕ᭄ᬕᬳᬚᬶ᭞ᬲᬶᬭᬤᬾᬦ᭄ᬓᬂᬲᭂᬧᬸᬄ᭛ᬓᬓᬶᬳᬗ᭄ᬮᬶᬂᬓᬸᬲᬸᬯᬧ᭄ᬭᬬᭀᬕᬶ᭞ᬲᬸᬫᬶᬮᬶᬄᬓᬧ᭄ᬭᬩᭀᬦ᭄᭞ᬯᬸᬲ᭄ᬫᬢᬸ᭠ᬯᬲᬸᬦ᭄ᬫᬖᬯᬵᬦ᭄ᬩᬳᬾ᭞ᬳᬭᬶᬦ᭄ᬦᬶᬭᬤᬤᬶᬬᬧᬧᬢᬶᬄ᭞ᬓᬾᬭᬂᬗᬦ᭄ᬲᬬᭂᬓ᭄ᬢᬶ᭞ᬚᭂᬦ᭄ᬦᭂᬂᬗᬶᬭᬓᬸᬓᬸᬄ᭛ᬦᭀᬭᬭᬳᬦᬧᬭᬂᬫᬸᬓ
ᬯᬦ᭄ᬦᬶ᭞ᬳᬾᬬᬂᬗᬶᬭᬓᬭᭀ᭞ᬧᬥᬧᬋᬂᬳᬲ᭄ᬭᬄᬓᬭᬢᭀᬦ᭄ᬦᬾ᭞ᬯᬸᬲ᭄ᬲᬸᬫᬸᬬᬸᬤ᭄ᬫᬭᬂᬲᬶᬭᬓᬓᬶ᭞ᬳᬗ᭄ᬕᭂᬧ᭄ᬧᬾᬳᬂᬕᬸᬲ᭄ᬢᬶ᭞ᬳᬢ᭄ᬫᬚᬲᬸᬫᬳᬸᬃ᭛ᬲᬫ᭄ᬬᬵᬦᭂᬫ᭄ᬩᬄᬓᭀᬜ᭄ᬘᭂᬫ᭄ᬫ᭄ᬭᬶᬂᬧ᭄ᬭᬢᬶᬯᬶ᭞ᬦᬸᬳᬸᬦ᭄ᬫᬸᬓᬓᬢᭀᬂ᭞ᬳᬓ᭄ᬭᬫᬳᬲᬯᬶᬬᬄᬯᬶᬬᬄᬳᬾ᭞
Page:Bali-lontar-gaguritan-anging-kusuma-250ppi.pdf/17
This page has been proofread.
