[᭒᭔ 24 B]
᭒᭔
ᬧ᭄ᬢᬳᬶᬂᬗᬃᬱᬲᬶᬦ᭄ᬦᬩ᭄ᬥᬦ᭄᭞ᬧᬶᬮᬶᬄᬳᭂᬦ᭄ᬧᬭᬾᬦ᭄ᬢᬄᬫᬫᬶ᭞ᬓ᭄ᬭᬫᬮᬯᬦ᭄ᬢᬶᬮᬃᬧ᭄ᬭᬚ᭞ᬢᬸᬃᬲᭂᬫ᭄ᬩᬄᬭᬳᬤᬾᬦ᭄ᬓᬮᬶᬄ᭛ᬍᬳᭂᬂᬫᬾᬦ᭄ᬢᬃᬭᬳᬗ᭄ᬮᬗᬸᬦ᭄᭞ᬢᬦ᭄ᬦᬃᬱᬓᬳᬸᬮᬓ᭄ᬭᬫᬶ᭞ᬲᬬᬵᬃᬤ᭄ᬥᬋᬗᬢ᭄ᬦᬭᬾᬦ᭄ᬤ᭄ᬭ᭞ᬲᬓᬵᬮᬤᬶᬃᬲᬶᬄᬫ᭄ᬭᬶᬂᬲᬶᬯᬶ᭞ᬤᬸᬤᬸᬓᬫᬯᬶᬲᬗ᭄ᬳ
ᬭ᭞ᬮᬄᬲᬶᬭᬮᬸᬗ᭄ᬳᬳᬳᬕ᭄ᬮᬶᬲ᭄᭛ᬳᬶᬗ᭄ᬲᬸᬦ᭄ᬢᬦ᭄ᬲᬸᬤᬶᬳᬗᬓᬸ᭞ᬳᬦᬓ᭄ᬫ᭄ᬭᬶᬂᬲᬶᬭᬯᬶᬢ᭄ᬤᬾᬂᬦ᭄ᬦᬶᬂ᭞ᬘᭂᬓᬓ᭄ᬩᬸᬤ᭄ᬥᬶᬯᬗ᭄ᬓᬮ᭄ᬲᬸᬕᬮ᭄᭞ᬳᬶᬜᬯᭂᬢᭀᬓ᭄ᬦᬤᬾᬦ᭄ᬳᬕ᭄ᬮᬶᬲ᭄᭞ᬬᬾᬦ᭄ᬳᬯᬾᬢ᭄ᬳᬶᬓᬲᬢ᭄ᬫᬢ᭞ᬲᬸᬦ᭄ᬲᬸᬤᬸᬓ᭄ᬳᬶᬂᬯᬸᬮᬸᬕᬥᬶᬂ᭛᭜᭛ᬤ᭄ᬬᬦ᭄ᬭᬶᬦᭀ
ᬫ᭄ᬧᬭᬳᬤᬾᬦ᭄ᬕᬶᬦᬯᬫᭂᬢᬸ᭞ᬤᬾᬦ᭄ᬦᬶᬂᬲᬕᬸᬂᬧᬭᬭᬩᬶ᭞ᬓᬦ᭄ᬥᬶᬕ᭄ᬳᬦᬾᬂᬲᬶᬢᬶᬮᬸᬳᬸᬃ᭞ᬓᭀᬭᬶᬲᬤᬬᬓᬶᬦᬸᬜ᭄ᬘᬶ᭞ᬢᬶᬫ᭄ᬩᬮ᭄ᬮᬦ᭄ᬦᬶᬭᬲᬂᬓᬢᭀᬂ᭛ᬲᬃᬯ᭄ᬯᬳᬶᬓᬂᬢᭂᬮᬲ᭄ᬢᬶᬦ᭄ᬦᭂᬩᬢ᭄ᬓᬂᬮᬸᬗ᭄ᬕᬸᬄ᭟ᬤᬶᬦ᭄ᬦᬍᬫ᭄ᬳᬓᭂᬦ᭄ᬓᬂᬳᬾᬲ᭄ᬢᬶ᭞ᬧᬸᬗ᭄ᬕᬯᬲᬫ᭄ᬬᬓᬧᬶᬂᬮᬸᬄ᭞
ᬳᬚ᭄ᬭᬶᬄᬧᬘᭂᬄᬳᬶᬂᬦᬃᬧᬢᬶ᭞ᬳᬃᬤ᭄ᬥᬫᬾᬭᬂᬭᬤᬾᬦ᭄ᬓᬭᭀ᭛ᬳᬶᬂᬢᬤ᭄ᬬᬓᬾᬄᬰᬷᬖ᭄ᬭᬮᬸᬫᬾᬗ᭄ᬲᬾᬃᬓᬂᬩᬕᬸᬲ᭄᭞ᬓᬤ᭄ᬬᬢᬦ᭄ᬩᬶᬲᬮᬸᬫᬭᬶᬲ᭄᭞ᬘᬄᬳ᭄ᬬᬳᬗᬼᬍᬦ᭄ᬢ᭄ᬭᬶᬄᬦᬸᬲᬸᬢ᭄᭞ᬤᬢᬦ᭄ᬳᬾᬢᬂᬮᬭᬧᬢᬶ᭞ᬲᬫᬃᬕ᭄ᬕᬳᬫᬶᬭᭀᬂᬤᭀᬤᭀ
[᭒᭕ 25 A]
ᬢ᭄᭛ᬧᬲᬃᬕᬾᬕᬾᬃᬧᬲᬃᬯᬤ᭄ᬬᬯᬸᬲ᭄ᬲᬫᬶᬳᬗ᭄ᬭᬸᬗᬸ᭞ᬬᬾᬦ᭄ᬓᬤᬸᬓᬦ᭄ᬭᬤᬾᬦ᭄ᬓᬮᬶᬄ᭞ᬲᬤᬬᬲᬫᬶᬳᬗᬸᬗᬸᬦ᭄᭞ᬓᬦ᭄ᬦᬶᬬᬳᬬᬰ᭄ᬭᬷᬪᬸᬧᬢᬶ᭞ᬲᬢ᭄ᬭᬶᬬᬓᬮᬶᬄᬯᬸᬲ᭄ᬭᬯᭀᬄ᭛ᬭᬶᬂᬤᬍᬫ᭄ᬫᬾᬲᬫᬶᬳᬫᬶᬘᬭᬾᬂᬓᬮ᭄ᬪᬸ᭞ᬬᬾᬦ᭄ᬦᬶᬗ᭄ᬲᬸᬦ᭄ᬮᬸᬗ᭄ᬳ
ᬳᬳᬦ᭄ᬦᬶᬲ᭄᭞ᬳᬶᬂᬲᬶᬬᬂᬳᬓᬾᬄᬓᬂᬫᬶᬮᬸ᭞ᬤᬤᬶᬳᭀᬩᬄᬳᬶᬂᬦᬵᬕᬭᬷ᭞ᬯᬯᬂᬳᬗᭂᬦ᭄ᬥᬶᬓᬳᬮᭀᬦ᭄᭛ᬫᬭᬶᬂ᭠ᬧᬭᬘᭂᬝᬶᬳᬶᬂᬲᬧᬸᬗ᭄ᬓᬸᬃᬭᬶᬧᬸᬦ᭄᭞ᬧᬥᬤᬾᬦ᭄ᬳᬩᭂᬘᬶᬓ᭄ᬓᬵᬭᬶ᭞ᬲᬓᬾᬄᬭᭀᬚᬩ᭄ᬭᬦ᭄ᬢᬦ᭄ᬦᬶᬗ᭄ᬲᬸᬦ᭄᭞ᬧᬝᬵᬤᬸᬫᬦ᭄ᬦᬾᬯ
ᬭᬤᬶᬦ᭄᭞ᬮᬫᬸᬦ᭄ᬳᬦᬲᬶᬲᬶᬧ᭄ᬳᬶᬗᭀᬂ᭛ᬳᬗᬧᬸᬭᬳᬶᬂᬗᬧᬸᬭᬯ᭄ᬯᭀᬂᬢᬸᬫᬸᬯᬸᬄ᭞ᬳᬶᬓᬸᬯᬚᬶᬩ᭄ᬩᬶᬂᬗᬳᬸᬭᬶᬧ᭄᭞ᬧᬯ᭄ᬯᭀᬗᬦ᭄ᬳᬶᬓᬂᬳᬗ᭄ᬭᬸᬗᬸ᭞ᬲᬤᬬᬲᬫᬶᬳᬦᬗᬶᬲ᭄᭞ᬭᬤ᭄ᬬᬦ᭄ᬳᬗ᭄ᬮᬶᬂᬓᬸᬲᬸᬫᬵᬮᭀᬦ᭄᭛ᬳᬗ᭄ᬮᬶᬂᬓᬫ᭄ᬭᬶᬂᬗᬦ᭄ᬢᭂᬦ᭄ᬤᬸᬄ
ᬳᬭᬶᬦ᭄ᬦᬶᬗ᭄ᬲᬸᬦ᭄᭞ᬓᬭᬶᬬᬳᬦ᭄ᬦᬾᬂᬦᬵᬕᬭᬷ᭞ᬮᬫᬸᬦ᭄ᬓᬂᬚᭂᬂᬭᬵᬫᬲᬸᬭᬸᬤ᭄᭞ᬲᬶᬭᬚᬸᬫᭂᬦ᭄ᬦᭂᬗᬳᬚᬶ᭞ᬳᬚᬓ᭠ᬧᬢᬶᬫᬭᬶᬂᬗᭀᬂ᭛ᬳᬶᬗ᭄ᬲᬸᬤ᭄ᬳᬃᬱᬤᬕᬂᬜᬯᬗᬜᬸᬢ᭄ᬳᬸᬫᬸᬃ᭞ᬳᬧᬳᬶᬢ᭄ᬢᬦ᭄ᬮᬭᬧᬢᬶ᭞ᬧᬸᬦ᭄ᬳᬜ᭄ᬚᬭᬄᬯᬦᬳᬕᬸᬂ᭞
Page:Bali-lontar-gaguritan-anging-kusuma-250ppi.pdf/25
This page has been proofread.
