[᭒᭘ 28 B]
᭒᭘
ᬓᬧ᭄ᬮᬚᬃ᭞ᬘᬦ᭄ᬢ᭄ᬭᬶᬓ᭄ᬱᬫ᭄ᬬᬵᬦ᭄ᬥᬶᬮᬶᬓ᭄ᬫᬗᬸᬬᬸᬓᬧ᭄ᬮᬬᬸ᭞ᬳᬾᬦ᭄ᬥᬂᬳᬾᬦ᭄ᬥᬂᬢᬶᬂᬓᬦᬸᬲᬂ᭞ᬯᬯᬲᬫᬶᬳᬗᬸᬗ᭄ᬲᬶ᭛ᬫᬋᬓ᭄ᬳᬶᬂᬲᬂᬫᬳᬵᬤ᭄ᬯᬶᬚ᭞ᬮᬕ᭄ᬬᬍᬗ᭄ᬕᬄᬲᬶᬦ᭄ᬦᬶᬯ᭄ᬯᭀᬂᬧᬭᬯᬲᬶ᭞ᬖᭀᬭᬘᬭᬚᬕᬦ᭄ᬧᬸᬢᬸᬢ᭄᭞ᬳᬩᭂᬢ᭄ᬳᬩᭂᬢ᭄ᬧ᭄ᬭᬩᬫ᭄ᬪᬂ᭞ᬘᬦ᭄ᬢ᭄ᬭᬶᬓ᭄ᬘᬦ᭄ᬢ᭄ᬭᬶᬓ᭄ᬫ᭠
ᬗᬸᬬᬸᬫ᭄ᬬᬂᬳᬸᬬᬸᬕᬸᬦ᭄ᬢᬸᬃ᭞ᬳᬢᬦ᭄ᬦᬧᬶᬳᬚᬃᬳᬚᬃ᭞ᬚᬶᬩᭂᬕ᭄ᬦᬾᬂᬗᬃᬱᬲᬂᬬᭀᬕᬶ᭛ᬳᬦ᭄ᬦᬧᬸᬢᬸᬢ᭄ᬓᬶᬦ᭄ᬦᬲᬶᬄᬳᬦ᭄᭞ᬧᬮᬶᬯᬭᬦ᭄ᬦᬶᬭᬭᬶᬲᬂᬬᬢᬶ᭞ᬫᭀᬗ᭄ᬓᬮᬭᬧᬦ᭄ᬦᬶᬂᬗᬢᬸᬃ᭞ᬭᬦ᭄ᬧᬸᬢᬸᬢ᭄ᬓᬷᬣᬶᬭᬕ᭞ᬮᬯᬦ᭄ᬓᬃᬣᬶᬲᭀᬫᬧ᭄ᬭᬲᬫ᭄ᬬᬫᬢᬸᬃ᭞ᬧᬸᬓᬸᬮᬸᬦ᭄ᬲᬂ᭠
ᬫᬳᬵᬤ᭄ᬯᬶᬚ᭞ᬓᬳᬸᬮᬳᬢᬸᬃᬤᬦ᭄ᬦᬶ᭛ᬯᭀᬦ᭄ᬢᭂᬦ᭄ᬧᬭᬂᬫᬸᬓᬧ᭄ᬭᬧ᭄ᬢ᭞ᬳᬗ᭄ᬭᬩᬲᬯᬤ᭄ᬬᬮᬶᬃᬚᬮᬦᬶᬥᬶ᭞ᬳᬶᬂᬧᬭᬂᬕᬸᬩᬃᬚᬧ᭄ᬭᬪᬸ᭞ᬳᬦ᭄ᬤᬢᭂᬂᬗᬓᭂᬦ᭄ᬳᬃᬤ᭄ᬥ᭞ᬫᬭᬦ᭄ᬓᬃᬱᬫᬾᬲᭂᬫ᭄ᬫᬸᬯᬸᬲ᭄ᬲᬲᬦ᭄ᬢᬡ᭄ᬦᬸ᭞ᬫᬹᬃᬢ᭄ᬢᬶᬲᬶᬭᬲᬫ᭄ᬩᬶᬮ᭄ᬮᬦ᭄ᬦ᭞ᬳᬶᬓᬸᬯ᭄ᬯᭀᬂᬲᬶᬓ
ᬭᬾᬂᬩᬸᬤᬶ᭛ᬧᭂᬧᭂᬓᭂᬓ᭄ᬱᬓᬾᬄᬯ᭄ᬯᭀᬂᬗᬃᬕ᭄ᬕ᭞ᬲᬳᬦ᭄ᬦᬦᬾᬓᬂᬕᬸᬮᬂᬗᬳᬶᬂᬚᬸᬭᬶᬢ᭄᭞ᬤᬾᬦ᭄ᬧᬥᬫᬗ᭄ᬕᬸᬄᬳᬶᬂᬓᬯᬸᬄ᭞ᬲᬯᬸᬲ᭄ᬳᬶᬭᬗᬦ᭄ᬥᬶᬓ᭞ᬓᭀᬦ᭄ᬤᬸᬃᬫᬭᬂᬧᬫᭂᬍᬗᬦ᭄ᬲᬗᬯᬶᬓᬸ᭞ᬓᬃᬣᬶᬭᬕᬓᬃᬣᬶᬲᭀᬫ᭞ᬳᬦ᭄ᬦᬩᬸᬄᬕᭂᬦ᭄ᬥᬶᬳᬦ᭄ᬦᬶᬢᬶᬃ
[᭒᭙ 29 A]
ᬢ᭄ᬬᬲ᭄ᬲᬶᬭᬲᬂᬤ᭄ᬯᬶᬚ᭞ᬓᬃᬱᬦ᭄ᬦᬶᬭᬚᬶᬦᬸᬭᬸᬂᬳᬶᬂᬤᬾᬯᬵᬲᬶᬄ᭞ᬳᬢ᭄ᬫᬚᬲᬶᬦᬸᬂᬚᬸᬚᬸᬮᬸᬓ᭄᭞ᬢᬶᬦᬸᬭᬸᬢ᭄ᬳᬚᬮ᭄ᬮᬶᬭ᭞ᬳᬶᬓᬂᬲᬓᬶᬂᬳᬶᬦ᭄ᬢᭂᬦ᭄ᬩᬸᬫᬶᬳᬱ᭄ᬝᬦ᭄ᬦᬶᬧᬸᬦ᭄᭞ᬓᬸᬲᬸᬫᬰᬺᬗ᭄ᬕᬡ᭄ᬦᬋᬢ᭄ᬦ᭞ᬓᬂᬳᬦᬾᬂᬰᬺᬗ᭄ᬕᬡ᭄ᬦᬲᬭᬷ᭛ᬓᬮᬶᬄᬳᬶᬭᬵᬬᬸᬳᬸᬢ᭄ᬢᬫ᭞ᬘᬶᬢ᭄ᬭᬓᬤᬶᬲᬸ
ᬧ᭄ᬭᬪᬵᬮᬯᬦ᭄ᬭᬢᬶᬄ᭞ᬢᬦ᭄ᬦᬦᬲᬲᬫᬦ᭄ᬦᬶᬧᬸᬦ᭄᭞ᬓᬮᭀᬓᬾᬂᬫᭀᬜ᭄ᬘᬧ᭄ᬭᬚ᭞ᬬᬦ᭄ᬳᬶᬂᬗᬃᬘ᭄ᬘᬫᬦ᭄ᬦᬶᬓ᭄ᬯᭀᬦ᭄ᬢᭂᬦ᭄ᬳᬦ᭄ᬥᬂᬳᬬᬸ᭞ᬲᭀᬃᬳᬧ᭄ᬱᬭᬷᬳᬾᬦ᭄ᬤ᭄ᬭᬮᭀᬓ᭞ᬳᬓᬢᬄᬲᬢᬶᬬᬩ᭄ᬭᬂᬗ᭄ᬢᬶ᭛ᬳᬗ᭄ᬮᬫᬃᬫ᭄ᬭᬶᬂᬳᬃᬘ᭄ᬘᬫᭀᬮᬄ᭞ᬧᬶᬭᬧᬶᬭᬧ᭄ᬭᬧ᭄ᬢᬲᬫ᭄ᬬᬢᬶᬦ᭄ᬧᬶᬓ
᭞ᬢᬦ᭄ᬦᬦᬧᬦᬸᬚ᭄ᬯᬾᬂᬓᬮ᭄ᬪᬸ᭞ᬲᬂᬤ᭄ᬬᬄᬢᬦ᭄ᬳᬃᬱᬓ᭄ᬭᬫ᭞ᬤᬤ᭄ᬬᬵᬓᬃᬬ᭄ᬬᬳᭀᬋᬫ᭄ᬳᬶᬂᬢ᭄ᬬᬲ᭄ᬲᬶᬲᬶᬮᬸᬗ᭄ᬕᬸᬄ᭞ᬤᬾᬧᬶᬦ᭄ᬋᬧ᭄ᬳᬶᬂᬧᬭᬂᬫᬸᬓ᭞ᬓᬶᬦᭂᬧᬸᬂᬳᬶᬂᬗᬃᬘ᭄ᬘᬫᬦ᭄ᬦᬶᬓ᭄᭛ᬳᬶᬂᬯᬤ᭄ᬬᬧᬥᬕᬸᬩᬃᬚ᭞ᬭᬢᬸᬳᬕᬸᬂᬧ᭄ᬭᬓᭀᬲᬳᬶᬂᬗᬚᬸᬭᬶᬢ᭄᭞ᬚᬸᬚᬸᬮᬸᬓ᭄ᬓᬂ᭠
ᬭᬲᬂᬧ᭄ᬭᬪᬸ᭞ᬭᬵᬚᬖᬸᬭᬯᬶᬰᬾᬱ᭞ᬲᬓ᭄ᬳᬶᬂᬤ᭄ᬭᬶᬬᬢᬶᬦᬫ᭄ᬧᬶᬓ᭄ᬧᬗ᭄ᬮᬫᬃᬭᬶᬧᬸᬦ᭄᭞ᬫᬶᬮᬳᬃᬱᬵᬗ᭄ᬭᬩᬱᬾᬂᬧ᭄ᬭᬂ᭞ᬫ᭄ᬭᬶᬂᬯᬶᬓᬸᬳᬶᬂᬗᬃᬘ᭄ᬘᬫᬦ᭄ᬦᬶᬓ᭄᭛ᬕᬾᬕᬾᬃᬢᭂᬧᬶᬲᬶᬭᬶᬂᬗᬃᬕ᭄ᬕ᭞ᬓᬳᬾᬩᭂᬓᬦ᭄ᬳᬶᬂᬯᬤ᭄ᬬᬮᬶᬃᬚᬮᬤ᭄ᬭᬶ᭞ᬳᬮᬸᬕᬸᬦ᭄ᬢᬸᬃᬳᬶᬂᬩᬶᬮᬮᬸᬂ᭞ᬳᬚᬃᬳᬚᬃ
Page:Bali-lontar-gaguritan-anging-kusuma-250ppi.pdf/29
This page has been proofread.
