[᭓᭑ 31 B]
᭓᭑
ᬫᬵᬚᬃ᭞ᬩᭂᬕ᭄ᬚᬬᬾᬦ᭄ᬲᬸᬦ᭄ᬧᬢᬾᬦ᭄ᬦᬶ᭛ᬮᬫᬸᬦ᭄ᬤᬸᬭᬸᬂᬍᬕᬭᬲᬦᬾᬓᬂᬤ᭄ᬭᬶᬬ᭞ᬳᬶᬗ᭄ᬲᬸᬦ᭄ᬧᬶᬭᭀᬕᬤᬶᬳᬶᬦ᭄᭞ᬳᬓᬢᬄᬓᬂ᭠ᬫᬮ᭞ᬓᭀᬗ᭄ᬲᬶᬫᬸᬢᬄᬭᬸᬥᬶᬭ᭞ᬫᬗ᭄ᬓᬦᬯ᭄ᬯᭀᬂᬗᬃᬘ᭄ᬘᬫᬦ᭄ᬦᬶᬓ᭄᭞ᬳᬶᬗ᭄ᬓᬂᬮᬸᬫᬚᬃ᭞ᬲᬫᬶᬳᬦᬦ᭄ᬥᬂᬓᬦ᭄ᬦᬶᬦ᭄᭛ᬳᬓᬾᬄᬗᬸᬗ᭄ᬲᬶᬳᬶᬂ
ᬕᭀᬯᬮᬜ᭄ᬚᬸᬭᬂᬧᬭᬂ᭞ᬳᬦ᭄ᬦᬦ᭄ᬯᬶᬦᬃᬡ᭄ᬦᬫᬮᬶᬄ᭞ᬲᬶᬭᬂᬭᬵᬚᬧᬸᬢ᭄ᬭ᭞ᬓᬓᬮᬶᬄᬢᬗ᭄ᬮᬮᬦ᭄ᬦ᭞ᬳᬗ᭄ᬮᬶᬂᬓᬸᬲᬸᬫᬮᬦ᭄ᬳᬭᬶ᭞ᬲᬫᬶᬫᬶᬬᬃᬱ᭞ᬲᬸᬭᬓ᭄ᬓᬶᬂᬗᬦ᭄ᬥᭀᬦ᭄ᬚᬸᬭᬶᬢ᭄᭛ᬳᬗᬦ᭄ᬥᬶᬭᬳᬤᬾᬦ᭄ᬳᬗ᭄ᬮᬶᬂᬓᬸᬲᬸᬲ᭄ᬫ᭞ᬲ᭄ᬯᬭᬦ᭄ᬦᬶᬂᬗᬬᬬᬶ᭞ᬮᬄᬧᬬᭀᬧᬶᬦᬭᬓ᭄᭞ᬳᬶᬓᬶᬮᬶᬃ
ᬲ᭄ᬯᬭᬾᬂᬧ᭄ᬭᬂ᭞ᬰᬷᬖ᭄ᬭᬮᬸᬫᬫ᭄ᬧᬄ᭞ᬲᬂᬓᬮᬶᬄ᭞ᬧ᭄ᬭᬧ᭄ᬢᬾᬂᬢᬸᬗ᭄ᬕᬂᬗᬦ᭄᭞ᬫᬗᬸᬫᬸᬮᬢ᭄ᬯᭀᬂᬓᬦ᭄ᬦᬶᬦ᭄᭛ᬕᭂᬮᬲᬄᬳᬦ᭄ᬳᬦᬾᬂᬲᬢᭂᬧᬶᬦ᭄ᬦᬶᬂᬫᬃᬕ᭄ᬕ᭞ᬭᬤ᭄ᬬᬄᬦ᭄ᬳᬢᬦ᭄ᬦ᭄ᬬᬳᬭᬶᬲ᭄᭞ᬲᬶᬭᬓᭂᬦᬾᬂᬗᬧ᭞ᬓᬂᬢᬶᬦ᭄ᬦᬦ᭄ᬦ᭄ᬬᬲᬳᬸᬃᬜ᭞ᬩᬜ᭄ᬚᬸᬢ᭄ᬢᭂᬦ᭄ᬯᬲ᭄ᬧᬶᬲᬦ᭄ᬫᬫᬶ᭞ᬦᭀᬭᬓᬯᬯ
᭞ᬦᬦ᭄ᬥᬂᬮᬭᬦ᭄ᬦᬶᬂᬓᬦ᭄ᬦᬶᬦ᭄᭛ᬭᬤ᭄ᬬᬦ᭄ᬳᬗ᭄ᬮᬶᬂᬳᬶᬗ᭄ᬲᬸᬦ᭄ᬤᬸᬤᬸᬫᬸᬂᬲᬸᬄᬳᬶᬭ᭞ᬳᬬ᭄ᬯᬳᬲᬮᬄᬢᬫ᭄ᬧᬶ᭞ᬳᬧᬓᬭᬦ᭄ᬦᬶᬭ᭞ᬲᬶᬭᬳᬦᬦ᭄ᬥᬶᬂᬩ᭄ᬭᬡ᭄ᬦ᭞ᬮᬦ᭄ᬳᬶᬓᬶᬕᬸᬦᬸᬂᬳᬶᬂᬗᭂᬦ᭄ᬥᬶ᭞ᬫᬢᬸᬃᬗᬺᬋᬧ᭞ᬲᬸᬦ᭄ᬧᬸᬢᬸᬢ᭄ᬲᬂᬗᬸᬯᬢᬶ᭛ᬓᬢᭀᬦ᭄ᬳᬧ᭄ᬭᬂᬫᭂᬗ᭄ᬲᬄᬯ᭄ᬯᭀᬂᬧᬭᬂᬕᬸᬩᬃᬚ᭞᭠
[᭓᭒ 32 A]
ᬧᬸᬦᬶᬓᬶᬳᬶᬓᬂᬯᬸᬓᬶᬃ᭞ᬯᬲ᭄ᬢᬳᬃᬘ᭄ᬘᬫᭀᬮᬄ᭞ᬧᬦᭂᬗ᭄ᬭᬦ᭄ᬦᬾᬲᬂᬢᬧ᭞ᬪᬕᬯᬵᬦ᭄ᬲᬦ᭄ᬢᬦᬸᬫᬹᬃᬢ᭄ᬢᬶ᭞ᬤᬂᬩ᭄ᬩᬾᬳᬢ᭄ᬫᬚ᭞ᬓᬓᬮᬶᬄᬲᬫᬶᬳᬾᬲ᭄ᬢ᭄ᬭᬷ᭛ᬲᬓᬫᬦ᭄ᬢ᭄ᬬᬦ᭄ᬳᬾᬦ᭄ᬤᬄᬤᬢᬦ᭄ᬧᬲᬲᬫ᭞ᬗᬲᭀᬃᬳᬓᭂᬦ᭄ᬳᬧ᭄ᬱᬭᬷ᭞ᬮᬶᬦᬫᬃᬭᬶᬂᬭᬵᬚ᭞ᬦᬵᬕ᭄ᬭᬷᬧᬭᬂ᭠
ᬕᬸᬩᬃᬚ᭞ᬗ᭄ᬳᬶᬂᬓᬸᬲᬸᬫᬾᬂᬗᬃᬕ᭄ᬕᬫᬦ᭄ᬦᬶᬓ᭄᭞ᬫᬃᬫ᭄ᬫᬲᬂᬦᬵᬣ᭞ᬳᬶᬂᬕᬸᬩᬃᬚᬵᬲᭂᬫᬸᬭᬸᬦ᭄ᬢᬶᬓ᭄᭛ᬩᬲᬾᬂᬧ᭄ᬭᬂᬯ᭄ᬯᭀᬂᬗᬃᬕ᭄ᬕ᭠ᬲᬫᬶᬦᬗ᭄ᬕᬸᬮᬂ᭞ᬢᬸᬫ᭄ᬧᭂᬲ᭄ᬢᬦ᭄ᬫᭀᬕᬓᬮᬶᬄ᭞ᬢᭂᬮᬲ᭄ᬳᬢᬸᬃᬭᬶᬭ᭞ᬓᬂᬧᬸᬢᬸᬳ᭄ᬦᬸᬮ᭄ᬬᬧᭂᬚᬄ᭞ᬭᬳᬤ᭄ᬬᬦ᭄ᬳᬯ᭄ᬮᬲ᭄ᬦᬶᬂᬳᬮ᭄ᬮᬶ᭞ᬲᬂᬦᬺᬧ᭠
ᬲᬸᬢ᭞ᬤᬤ᭄ᬬᬫᬶᬬᬃᬱᬱᬯᬶᬣᬶ᭛ᬤᬾᬭᬾᬂᬯ᭄ᬭᬸᬄᬳᬶᬳᬶᬂᬯᬃᬡ᭄ᬦᬳᬦᬓᬂᬲᬭ᭞ᬫ᭄ᬭᬶᬂᬤ᭄ᬬᬄᬦᬾᬦᬵᬕ᭄ᬳᬃᬘ᭄ᬘᬫᬦ᭄ᬦᬶᬓ᭄᭞ᬤᬤ᭄ᬬᬳᬗᬦ᭄ᬥᬶᬓ᭞ᬭᬳᬤ᭄ᬬᬦ᭄ᬳᬗ᭄ᬮᬶᬂᬓᬸᬲᬸᬫ᭞ᬧᬭᬦ᭄ᬓᬃᬱᬦ᭄ᬦᬶᬭᬬᬬᬶ᭞ᬤ᭄ᬬᬦ᭄ᬥᬦᬹᬃᬯᬾᬦ᭄ᬥ᭞ᬫᬢᬸᬃᬮᬫᬸᬦ᭄ᬲᬸᬯᬯᬶ᭛ᬳᬢᬸᬢᬸᬮᬸᬂᬫ
ᬭᬂᬯ᭄ᬯᭀᬂᬓᬶᬦᬦ᭄ᬦᬶᬳᬬ᭞ᬲᬶᬦ᭄ᬦᬳᬸᬤᬳᬸᬤᬕᬂᬧᬢᬶ᭞ᬳᬫᬯᬶᬢᬦ᭄ᬦ᭄ᬬᬯ᭞ᬢᬶᬦ᭄ᬦᬭᬶᬫᬭᬶᬂᬤᬾᬯ᭞ᬳᬸᬢ᭄ᬢᬫᬦ᭄ᬦᬶᬂᬢᬧᬫᬸᬗ᭄ᬕ᭄ᬯᬳᬶᬂ᭞᭠ᬧᬸᬘᬸᬓ᭄ᬓᬶᬂᬭᬵᬚ᭞ᬬᬾᬓᬸᬲᬶᬦᬗ᭄ᬕᬸᬄᬚᬸᬭᬶᬢ᭄᭛ᬳᬦᬾᬂᬯᬦᬗᬸᬮᬃᬭᬶᬫᬃᬕ᭄ᬕᬦ᭄ᬦᬶᬂᬳᬦ᭞ᬓᬂᬭᬓᬗᬦ᭄ᬥᬶᬓᬵᬭᬶᬲ᭄᭞ᬩᭂᬦ᭄ᬦᭂᬂᬬ
Page:Bali-lontar-gaguritan-anging-kusuma-250ppi.pdf/32
This page has been proofread.
