[᭓᭙ 39 B]
᭓᭙
ᬦ᭄ᬤᬸᬃᬭᬲᬶᬭᬲᬬᭀᬕᬶ᭞ᬢᭀᬮᬾᬄᬳᬧ᭄ᬭᬚ᭞ᬗᬫ᭄ᬪᬶᬮ᭄ᬮᬰ᭄ᬭᬬᬤᬶᬳᬶᬦ᭄᭛ᬳᬶᬓᬶᬳᬓᬾᬄᬧᬥᬧ᭄ᬭᬯᬷᬭᬳᬶᬂᬬᬸᬤ᭄ᬥ᭞ᬲᬶᬭᬯ᭄ᬯᭀᬂᬢᬦ᭄ᬧᬩᬸᬤ᭄ᬥᬶ᭞ᬚᭂᬦ᭄ᬦᭂᬂᬗᬶᬂᬦᬭᬾᬦ᭄ᬤ᭄ᬭ᭞ᬳᬗᭂᬧᬓ᭄ᬓᭂᬦ᭄ᬧᬸᬭᬸᬱ᭞ᬩ᭄ᬭᬫᬢ᭄ᬬᬰ᭄ᬭᬷᬦᬭᬧᬢᬶ᭞ᬳᬗᬸᬦ᭄ᬥᬕᬤ᭞ᬭᬳ
ᬤ᭄ᬬᬦ᭄ᬳᬲ᭄ᬭᬸᬕᬶᬦ᭄ᬦᬶᬯᬶᬓ᭄᭛ᬦᬃᬧᬲᬸᬢᬳᬗ᭄ᬮᬶᬂᬓᬸᬲᬸᬲ᭄ᬫᬫᬍᬲᬢ᭄᭞ᬲᬸᬫ᭄ᬬᬸᬢ᭄ᬓᬤ᭄ᬬᬫᬶᬫᬶᬲ᭄᭞ᬫᬾᬄᬢᬸᬫᬶᬩᬾᬂᬰᬾᬮ᭞ᬢᬂᬕᬶᬦ᭄ᬦᬲ᭄ᬥᬦᬹᬃᬯᬾᬦ᭄ᬥ᭞ᬳᬦᭀᬗ᭄ᬕᬲᬓᬭᬶᬂᬯᬸᬭᬶ᭞ᬤᬸᬄᬓᬤᬂᬳᬶᬂᬗ᭄ᬯᬂ᭞ᬫᬾᬄᬢᬸᬫᬶᬩᬾᬂᬰᬾᬮᬵᬤ᭄ᬭᬶ᭛ᬧᬤᬸᬓᬲᭀᬃ
ᬓᬳᬸᬮᬓᬂᬫᬲ᭄ᬓᬂᬫᬗ᭄ᬲᬄ᭞ᬗᭂᬫ᭄ᬪᬭᬶᬰ᭄ᬭᬷᬪᬹᬧᬢᬶ᭞ᬓᬂᬭᬓᬗᬦ᭄ᬥᬶᬓ᭞ᬭᬲᬦ᭄ᬦᬶᬂᬤ᭄ᬭᬬᬓᬤ᭄ᬬ᭞ᬕᬶᬦ᭄ᬦᬩ᭄ᬮᭀᬕ᭄ᬳᬶᬂᬭᬭᬲᬸᬦ᭄ᬝᬶ᭞ᬳᬭᬶᬤ᭄ᬬᬄᬫᬗ᭄ᬲᬄ᭞ᬗᭂᬫ᭄ᬪᬭᬶᬰ᭄ᬭᬷᬪᬹᬧᬢᬶ᭛ᬲᬧᬭᬦ᭄ᬫᬸᬯ᭄ᬯᭀᬂᬗᬦᭀᬫ᭄ᬫᬗ᭄ᬲᬄᬳᬶᬂᬬᬸᬤ᭄ᬥ᭞ᬩᬬᬩᭀᬲᭂ
ᬓ᭄ᬦᬳᬭᬶᬧ᭄᭞ᬳᬶᬗ᭄ᬲᬸᬦ᭄ᬥᬦᬹᬃᬯᬾᬦ᭄ᬥ᭞ᬮᬄᬧᬬᭀᬕᬤᬦ᭄ᬦᬶᬭ᭞ᬢᬶᬩᬓ᭄ᬦᬳᬶᬗ᭄ᬲᬸᬦ᭄ᬦᬥᬄᬳᬶ᭞ᬰᬷᬖ᭄ᬭᬕᬶᬦ᭄ᬦᬤ᭞᭠ᬭᬤ᭄ᬬᬦ᭄ᬫᬍᬲᬢ᭄ᬢᭂᬩᬶᬄ᭞᭛ᬭᬤᬾᬦ᭄ᬳᬗ᭄ᬮᬶᬂᬓᬸᬲᬸᬫᬰᬷᬖ᭄ᬭᬳᬦ᭄ᬦᭀᬗ᭄ᬕ᭞ᬤᬸᬄᬓᬤᬂᬗᬶᬗ᭄ᬲᬸᬦ᭄ᬬᬬᬶ᭞ᬓᬸᬫᭂᬲᬃᬢ᭄ᬬᬲ᭄ᬳᬶ
[᭔᭐ 40 A]
ᬗ᭄ᬯᬂ᭞ᬲᬶᬭᬬᬬᬶᬗᬲᭀᬳ᭞ᬳᬬ᭄ᬯᬓᭀᬗ᭄ᬲᬶᬫᬗ᭄ᬲᬄᬫᬮᬶᬄ᭞ᬳᬶᬗ᭄ᬲᬸᬦ᭄ᬓᬾᬯᬮ᭞ᬓᬂᬗᭂᬫ᭄ᬪᬭᬶᬳᬶᬂᬚᬸᬭᬶᬢ᭄᭛ᬓᬃᬱᬦ᭄ᬦᬶᬗ᭄ᬲᬸᬦ᭄ᬭᬵᬚᬳᬶᬂᬧᬭᬂᬕᬸᬩᬃᬚ᭞ᬳᬬ᭄ᬯᬓᭀᬗ᭄ᬲᬶᬗᭂᬫᬲ᭄ᬲᬶ᭞ᬢᬸᬮᬸᬓ᭄ᬢᬓᬾᬯᬮ᭞ᬫᬢᬸᬃᬤ᭄ᬬᬦ᭄ᬥᬦᬹᬃᬯᬾᬦ᭄ᬥ᭞᭠
ᬓᬳᬸᬮᬲᬓᭂᬧ᭄ᬧᬾᬯᬦ᭄ᬦᬶ᭞ᬰᬷᬖ᭄ᬭᬳᬸᬫᬗ᭄ᬲᬄ᭞ᬮᬸᬫᭂᬧᬲ᭄ᬓᬤᬶᬢᬯᬶᬢ᭄᭛ᬤᬳᬢ᭄ᬓᭀᬗ᭄ᬲᬶᬗᬗ᭄ᬓᬢ᭄ᬕᬤᬰ᭄ᬭᬷᬦᬭᬾᬦ᭄ᬤ᭄ᬭ᭞ᬯᬂᬯᬂᬲᬶᬦ᭄ᬦᬶᬓᭂᬲ᭄ᬯᬦ᭄ᬦᬶ᭞ᬗᭂᬳᭀᬕ᭄ᬭᬵᬱᬦ᭄ᬦᬶᬭ᭞ᬳᬗ᭄ᬳᬶᬂᬢᬦ᭄ᬩᬶᬲᬯᬸᬯᬮ᭄᭞ᬲ᭄ᬯᬦᬶᬢᬦ᭄ᬦᬶᬭᬯᭀᬃᬕᭂᬢᬶᬄ
ᬰᬷᬃᬡ᭄ᬦᬓᬂᬓᬃᬓᬢ᭄᭞ᬲᬂᬰᬸᬭᬯᬶᬰᬾᬱᬵᬚᬶ᭛ᬭᬤ᭄ᬬᬦ᭄ᬥᬦᬹᬃᬯᬾᬦ᭄ᬥᬫᬢᬸᬃᬫ᭄ᬭᬶᬂᬓᬂᬭᬓ᭞ᬓᬂᬲᬫ᭄ᬧᬸᬦ᭄ᬦᬧᬓᬧ᭄ᬢᬶ᭞ᬓᬂᬭᬓᬩᬦ᭄ᬥᬶᬓ᭞ᬬᬬᬶᬲᬶᬭᬢᬭᬶᬬ᭞ᬳᬧᬢᬳᬜ᭄ᬚᬮᬸᬓ᭄ᬳᬸᬭᬶᬧ᭄᭞ᬳᬧᬧᬮᬲ᭄ᬢ᭄ᬭ᭞ᬲᬩ᭄ᬭᬬᬢ᭄ᬢᬾᬢᬶᬦ᭄ᬦᬧᬶᬲ᭄
᭛ᬓᬃᬱᬦ᭄ᬦᬶᬗ᭄ᬲᬸᬦ᭄ᬳᬾᬫᬦ᭄ᬬᬾᬦ᭄ᬢᬸᬫᭂᬓᬾᬂᬮᬬ᭞ᬢᬸᬮᬸᬲ᭄ᬲᬫᬤᭂᬕ᭄ᬳᬚᬶ᭞ᬳᬶᬗ᭄ᬲᬸᬦ᭄ᬓᬸᬩᬧ᭞ᬭᬵᬚᬰᬸᬭᬯᬶᬰᬾᬱ᭞ᬍᬕᬢ᭄ᬬᬲ᭄ᬦᬶᬭᬢᬸᬃᬜᬵᬭᬶᬲ᭄᭞ᬳᬶᬗ᭄ᬕᬶᬄᬳᬸᬘᬸᬮ᭄ᬦ᭞ᬓᬳᬸᬮᬦᭂᬤ᭄ᬬᬵᬗᬩ᭄ᬤᬶ᭛ᬤᬾᬤᬾᬭᬵᬚᬤᬃᬩᬾ᭠
Page:Bali-lontar-gaguritan-anging-kusuma-250ppi.pdf/40
This page has been proofread.
