[᭕᭓ 53 B]
᭕᭓
ᬭᬶᬲ᭄ᬗᬦ᭄ᬥᬶᬓ᭞ᬯᭂᬯᭂᬮᬶᬂᬗᬶᬭᬲᬂᬬᭀᬕᬶ᭞ᬬᬾᬦ᭄ᬤᬾᬭᬾᬂᬘᬫ᭄ᬧᬸᬄᬳᬶᬂᬬᬸᬤ᭄ᬥ᭞ᬢᬦ᭄ᬓᭂᬦ᭄ᬦᬶᬓᬳᬸᬮᬫᬫ᭄ᬧᬶᬃ᭞ᬤ᭄ᬬᬦ᭄ᬥᬦᬹᬃᬯᬾᬦ᭄ᬥᬳᬗ᭄ᬮᬶᬂ᭞ᬳᬾᬓᬃᬣᬶᬭᬕᬤᬾᬦ᭄ᬕᬸᬧᬸᬄ᭞ᬳᬦᭂᬫ᭄ᬩᬂᬗᬢᬶᬗᬭ᭞ᬓᭂᬦ᭄ᬥᬂᬕᭀᬂᬳᬸᬫ᭄ᬬᬂᬮᬦ᭄ᬪᬾᬭᬶ᭞ᬳᬯᬸᬭᬄᬳᬦ᭄ᬧ᭄ᬭᬯᬷᬭᬦᬵ
ᬣᬩᬮ᭛ᬫᬸᬦ᭄ᬢᬩ᭄ᬯᬤ᭄ᬬᬧ᭄ᬭᬂᬕᬸᬩᬃᬚ᭞ᬕᬸᬫᬺᬤᭂᬕ᭄ᬗᬗ᭄ᬲᭂᬕ᭄ᬫ᭄ᬭᬶᬂᬦᬵᬕ᭄ᬭᬷ᭞ᬧᬭᬧ᭄ᬭᬯᬷᬭᬦᬾᬂᬗᬃᬱ᭞ᬲᬫᬶᬯᬸᬲ᭄ᬲᬶᬂᬯᬦᬶᬫᬵᬢᬶ᭞ᬤᬸᬃᬪᬮᬮᬦ᭄ᬤᬸᬃᬪᬮᬷ᭞ᬧᬗᬯᬢ᭄ᬲᬶᬲᬶᬄᬳᬦ᭄ᬦᬶᬧᬸᬦ᭄᭞ᬲᬸᬫᬮᬶᬮᬦ᭄ᬲᬸᬨᬮ᭞ᬳᬶᬂᬥᬥᬰ᭄ᬭᬷᬦᬭᬧᬢᬶ᭞ᬳᬶᬂᬕᬸᬩᬃᬚ᭠
ᬫᬾᬄᬭᬵᬚᬰᬸᬭᬯᬶᬰᬾᬱ᭛ᬭᬤᬾᬦ᭄ᬓᬮᬶᬄᬳᬦᬾᬂᬯᬸᬦ᭄ᬢᬢ᭄᭞ᬕᬶᬦᬋᬩᭂᬕ᭄ᬧᬭᬯᬲᬶ᭞ᬖᭀᬘᬭᬮᬦ᭄ᬧᬭᬩᬫ᭄ᬩᬂ᭞᭠ᬰ᭄ᬭᬷᬚᬮᬲᬂᬳᬭᬳᬗ᭄ᬮᬶᬂ᭞ᬫᬭᬶᬂᬧᬸᬗ᭄ᬕᬯᬫᬦ᭄ᬢ᭄ᬭᬶ᭞ᬓᬬᬧᬭᬦ᭄ᬧᬗ᭄ᬭᬲᬫᬸ᭞ᬬᬾᬦ᭄ᬢᬦ᭄ᬫᬶᬮᬸᬯᬳᬧ᭄ᬭᬂ᭞ᬫᬾᬦ᭄ᬥᬄᬧᬗᬸᬘᬧ᭄ᬧᬶᬂᬩᬸᬫᬶ
ᬢᬗᬭᬦᬳᬶᬗ᭄ᬲᬸᬦ᭄ᬳᬗᬯᬓ᭄ᬓᬶᬂᬬᬸᬤ᭄ᬥ᭛ᬓᬶᬧᬢᬶᬄᬚᬬᬍᬓ᭄ᬱᬡ᭄ᬦ᭞ᬳᬗᬭᬩᭂᬦ᭄ᬥᬾᬮᬦ᭄ᬩᬾᬦ᭄ᬥᬶ᭞ᬓᬸᬫ᭄ᬭᬩ᭄ᬯᬤ᭄ᬬᬩᬭᬢ᭄ᬫᬤ᭄ᬬ᭞ᬕᬸᬫᬺᬕᬸᬢ᭄ᬓᬂᬧᬭᬫᬦ᭄ᬢ᭄ᬭᬶ᭞ᬮᬦ᭄ᬢᬸᬫᭂᬗ᭄ᬕᬸᬂᬘᬡ᭄ᬦᬾᬧᬢᬶ᭞ᬓᬸᬦ᭄ᬦᬶᬂᬩᬩᬺᬗᭀᬲ᭄ᬳᬧᬢᬹᬢ᭄᭞ᬮᬜ᭄ᬘᬶᬗᬦ᭄ᬘᬶᬦ᭄ᬥᬾᬲᭂᬓᬃ᭞ᬦᬶᬢᬶᬄ
[᭕᭔ 54 A]
ᬓᬸᬤᬚᬜ᭄ᬚᬦ᭄ᬓᬸᬦ᭄ᬦᬶᬂ᭞ᬯᬯᬂᬓᭀᬦ᭄ᬯᬾᬲᬶᬓᭂᬧ᭄ᬧᬶᬂᬧ᭄ᬭᬂᬓᬮᬶᬦᬫ᭄ᬪᬂ᭛ᬮᬦ᭄ᬫᬮᬶᬄᬯᬦ᭄ᬢᭂᬦ᭄ᬲᬢ᭄ᬭᬶᬬ᭞ᬳᬭᬦ᭄ᬳᬃᬬ᭄ᬬᬚᬬᬾᬂᬧᬢᬶ᭞ᬋᬲ᭄ᬧᬢᬶᬧᬫᬸᬮᬸᬦ᭄ᬦᬶᬭ᭞ᬩᬺᬗᭀᬲ᭄ᬮᬾᬫᬢ᭄ᬫᬦ᭄ᬢᭂᬲ᭄ᬲᬶ᭞ᬮᬜ᭄ᬘᬶᬗᬦ᭄ᬘᬶᬦ᭄ᬥᬾᬯᬶᬮᬶᬲ᭄᭞ᬦᬶᬢᬶᬄᬓᬸᬤᬳᬍᬲ᭄ᬥᬯᬸᬓ᭄
᭞ᬧᬋᬂᬓᭀᬦ᭄ᬦᬾᬬᬦᬫ᭄ᬪᬂᬢᬶᬕᬂᬗᬢᬸᬲ᭄ᬓᬂᬲᬶᬦᬶᬮᬶᬃ᭞ᬯᭀᬦ᭄ᬢᭂᬦ᭄ᬫᬮᬶᬄᬫᬦ᭄ᬢ᭄ᬭᬶᬧ᭄ᬭᬯᬷᬭᬦᬾᬂᬬᬸᬤ᭄ᬥ᭛ᬕᭂᬂᬭᬸᬳᬸᬃᬕᬕᬄᬧ᭄ᬭᬓᭀᬲ᭞ᬧᬫᬸᬮᬸᬳᬶᬧᬹᬂᬳᬫᬦ᭄ᬦᬶᬲ᭄᭞ᬩᭀᬥᬾᬕ᭄ᬯᭀᬓ᭄ᬳᬲᬶᬫ᭄ᬪᬃᬚᬚ᭞ᬳᬭᬦ᭄ᬤᭂᬫᬂᬬᭂᬓ᭄ᬱᬧᬢᬶ᭞ᬦᬶᬢᬶᬄᬢᬸᬭᭀᬗ᭄ᬕ
ᬳᬩ᭄ᬭᬶᬢ᭄᭞ᬧᬧᬗ᭄ᬓᭀᬦ᭄ᬦᬾᬧᬶᬢᬸᬂᬗᬢᬸᬲ᭄᭞ᬳᬦᬫᬮᬶᬄᬧ᭄ᬭᬯᬷᬭ᭞ᬳᬭᬦ᭄ᬤᭂᬫᬂᬲᬸᬭᬾᬂᬯᬶᬱ᭄ᬝᬶ᭞ᬦᬶᬢᬶᬄᬓᬸᬤᬧᬮᭀᬗ᭄ᬓᬳᭀᬜ᭄ᬘᭀᬤᬶᬧᭀᬗ᭄ᬕ᭛ᬭᬵᬚᬧᬸᬢ᭄ᬭᬾᬂᬩᬭᬢ᭄ᬫᬤ᭄ᬬ᭞ᬧᬋᬂᬓᭀᬦ᭄ᬦᬾᬗᬾᬯᬸᬲᬶᬲᬶᬄ᭞ᬲᬶᬭᬭᬤᬾᬦ᭄ᬫᬬᬂᬓᬭ
᭞ᬮᬦ᭄ᬯᬶᬚᬗ᭄ᬓᬭᬧ᭄ᬭᬚᬸᬭᬶᬢ᭄᭞ᬗᬶᬭᬶᬤ᭄ᬯᬤ᭄ᬬᬲᬶᬦ᭄ᬦᭂᬮᬶᬃ᭞ᬧ᭄ᬭᬯᬷᬭᬲᬫ᭄ᬬᬦᬸᬂᬗᬦᬸᬂ᭞ᬤᬃᬬ᭄ᬬᬓᬰᬹᬭᬦ᭄ᬦᬶᬭ᭞ᬧ᭄ᬭᬧᬸᬗ᭄ᬕᬯᬮᬾᬦ᭄ᬧ᭄ᬭᬚᬸᬭᬶᬢ᭄᭞ᬦᬵᬣᬾᬂᬩᬭᬢ᭄ᬫᬤ᭄ᬬᬫᬶᬭᬦ᭄ᬢᬶᬦᬾᬂᬯᬸᬦ᭄ᬢᬢ᭄᭛᭜᭛ᬦᬳᬦ᭄ᬕᬦ᭄ᬢᬶᬬᬦ᭄ᬯᬶᬦᬃᬡ᭄ᬦ᭞ᬭᬶᬲᬂᬬᭂ᭠
Page:Bali-lontar-gaguritan-anging-kusuma-250ppi.pdf/54
This page has been proofread.
