[᭖᭖ 66 B]
᭖᭖
ᬲ᭄ᬮᬫᬶᬩ᭄ᬭᬂᬢᬶ᭞ᬫ᭄ᬭᬶᬂᬲᬂᬭᬵᬳᬚᬧᬸᬢ᭄ᬭ᭞ᬫᬃᬫ᭄ᬫᬘᬶᬧ᭄ᬢᬦ᭄ᬦᬶᬂᬤ᭄ᬭᬶᬬ᭞ᬮᬶᬃᬫᬗ᭄ᬕᬶᬄᬋᬢ᭄ᬦᬲᬯᬸᬓᬶᬂ᭞ᬳᬶᬂᬓᬮᬳᬶᬃᬭᬦ᭄᭞ᬦᬶᬭᬫᬓ᭄ᬱᬶᬄᬳᬭᬸᬦ᭄ᬢᬶᬓ᭄᭛ᬳᬢᬸᬃᬭᬶᬭᬯᭂᬗᬶᬲ᭄ᬯᬶᬦᭀᬃᬭᬶᬂᬯᬶᬭᬕ᭞ᬤᬸᬄᬩ᭄ᬩᭀᬯ᭄ᬯᭀᬂᬗᬧᭂᬓᬶᬓ᭄᭞ᬓᬂᬫᭀᬗ᭄ᬓᬳᬸᬱᬥ᭞ᬧᬸᬧᬸᬚᭂᬂᬓᭂᬦ᭄ᬦ᭄ᬬᬩᭀᬂᬢ᭞ᬲᬫ᭄ᬧᬸ᭠
ᬦ᭄ᬲᭂᬭᬓ᭄ᬮᬯᬦ᭄ᬫᬫᬶ᭞ᬳᬾᬫᬦ᭄ᬫᬦᬯ᭞ᬓᬳᬸᬮᬘᬯᬾᬮ᭄ᬫᬗ᭄ᬓᬶᬦ᭄᭛ᬧᬸᬦᬧᬢᬧᬤᬸᬓᬢᬦ᭄ᬚ᭄ᬭᬶᬄᬳᬸᬫᬶᬬᬢ᭄᭞ᬲᬶᬬᬸᬂᬫ᭄ᬪᬓᬓᬮᬶᬄ᭞ᬳᬕᭂᬂᬢᬸᬃᬳᬧᬜ᭄ᬚᬂ᭞ᬳᬸᬮᬸᬳᬜ᭄ᬚᭂᬫ᭄ᬪ᭄ᬭᬂ(*)ᬤᬕ᭄᭞ᬓᬃᬬ᭄ᬬᬳᭂᬦ᭄ᬦᭂᬓ᭄ᬓᬂᬳᬸᬫᬓ᭄ᬱᬶ᭞ᬲᬂᬭᬵᬚᬧᬸᬢ᭄ᬭ᭞ᬫᬶᬬᬃᬱᬓᬭᬲᬾᬂᬕᬮᬶᬄ᭛
ᬤᬳᬢ᭄ᬤᬾᬦ᭄ᬦ᭄ᬬᬫᬗᬺᬧᬵᬫᬶᬦ᭄ᬢᬳᬓ᭄ᬱ᭄ᬫ᭞ᬭᬦ᭄ᬥᬭᬡᬳᬶᬂᬕᬮᬶᬄ᭞ᬲᬂᬋᬢ᭄ᬦᬘᬶᬦᬦ᭄ᬥᬓ᭄᭞ᬓᬶᬦᬸᬲ᭄ᬯᬤᬾᬦ᭄ᬳᬶᬦᭂᬫ᭄ᬩᬦ᭄᭞ᬧᬶᬦᬺ᭠ᬬᭂᬫ᭄ᬪᬤᬳᬶᬦᬭᬶᬄ᭞ᬲᬫ᭄ᬧᬸᬦ᭄ᬩᬶᬦᭂᬓ᭄ᬢ᭞ᬢᬸᬫᬫᬾᬂᬢᬶᬮᬫ᭄ᬲᬭᬷ᭛ᬢᬦ᭄ᬘᬶᬦᬢᬸᬃᬮᬗᭂᬦ᭄ᬦᬶᬭᬾᬂᬚ᭄ᬭᭀᬧᬫᬺᬫᬦ᭄᭞ᬚᬮᬸᬓᬮᬯ
ᬦ᭄ᬳᬾᬲ᭄ᬢ᭄ᬭᬷ᭞ᬮᬗ᭄ᬓᬸᬂᬲᬶᬄᬲᬶᬦᬶᬄᬳᬦ᭄᭞ᬤᬾᬦ᭄ᬦᬶᬭᬨᬮᬓ᭄ᬭᬫ᭞ᬢᬦ᭄ᬦᬦᬩᭂᬗ᭄ᬕᬂᬲᬜᬭᬶ᭞ᬓᭂᬢᬃᬤᬲᬸᬓ᭞ᬫᬶᬬᬢ᭄ᬲᬂᬤᬶᬢ᭄ᬬᬭᬶᬡ᭄ᬦᬶ᭛ᬦᭂᬂᬦᬳᬶᬓᬂᬮᬕ᭄ᬬᬫᬗ᭄ᬕᬸᬂᬫᭀᬂᬗᬲ᭄ᬫᬭ᭞ᬕᬦ᭄ᬢ᭄ᬬᬦ᭄ᬦᬶᬓᬂᬯᬶᬦᬃᬡ᭄ᬦᬶ᭞ᬭᬶᬲᬂᬩᬶᬦ᭄ᬥᬶᬭᬵᬚ᭞ᬬᭂᬓ᭄ᬢᬶᬧᬋᬂᬗᬶᬂᬮᬫ᭄ᬧᬄ᭞ᬘᬭᬶᬢᬓᬶᬦᬃᬬ᭄ᬬᬕᭂ
[᭖᭗ 67 A]
ᬦ᭄ᬢᬶ᭞ᬤ᭄ᬬᬦ᭄ᬥᬦᬹᬃᬯᬾᬦ᭄ᬥ᭞ᬬᬢ᭄ᬦᬢᬦ᭄ᬦ᭄ᬬᬵᬯᭀᬃᬭᬸᬦ᭄ᬢᬶᬓ᭄᭛ᬳᬧᬓᬋᬧ᭄ᬧᬶᬭᬦᬵᬕᬫᬯᬳᬶᬦ᭄ᬳ᭄ᬗ᭄ᬯᬂ᭞ᬲᬂᬩᬶᬦ᭄ᬥᬶᬭᬵᬚᬳᬗ᭄ᬮᬶᬂ᭞ᬳᬦᬓ᭄ᬓᬸᬯᬦᭀᬤ᭄ᬬ᭞ᬳᬬᬸᬢᬦ᭄ᬧᬲᬲᬫ᭞ᬳᬭᬦ᭄ᬫᬦᬶᬓ᭄ᬳᬭᬤᬾᬯᬷ᭞ᬩ᭄ᬭᭀᬂᬢᬫ᭄ᬭᬶᬂᬲᬶᬭ᭞ᬤᬦᬹᬃᬯᬾᬦ᭄ᬥᬲ᭄ᬭᬸᬳᬗ᭄ᬮᬶᬂ᭛ᬢᬦ᭄ᬧᬗ᭄ᬭᬲ
ᬳᬸᬚᬃᬫᬸᬤᭀᬗᬼᬗ᭄ᬓᬵᬭ᭞ᬳᬸᬮᬫᬦᬓ᭄ᬚᬦ᭄ᬫᬶ᭞ᬬᭂᬓ᭄ᬢᬶᬫᬦᬲᬯ᭞ᬮᬸᬯᬸᬓ᭄ᬮᬯᬦ᭄ᬓᬦ᭄ᬥᭀᬢ᭄ᬢ᭞ᬩᬶᬦ᭄ᬥᬶᬭᬵᬚᬬᬹᬶᬕᬸᬫᬸᬬ᭄ᬯᬗ᭄ᬮᬶᬂ᭞ᬮᬄᬢᬶᬗ᭄ᬳᬮ᭄ᬮᬦ᭞ᬬᬾᬦᬵᬢᬦ᭄ᬲᬃᬖᬸᬳᬕᬫ᭄ᬧᬶᬮ᭄᭛ᬳᬶᬬᬧᬥᬩᬲᬸᬓᬶᬢᬦ᭄ᬦᬦᬧᬭᬦ᭄᭞ᬭᬤ᭄ᬬᬦ᭄ᬥᬦᬹᬃᬯᬾᬦ᭄ᬥᬵᬗ᭄ᬮᬶᬂ᭞ᬧᬤᬸᬧᬳ
ᬳᬶᬓ᭞ᬲᬫᭀᬗ᭄ᬲᬦ᭄ᬢᬫ᭄ᬧᬶᬓ᭞ᬧᬲ᭄ᬢᬶᬲᬶᬭᬳᬗᬮᬦ᭄ᬦᬶ᭞ᬢᬓ᭄ᬱᬓᬫᭀᬗ᭄ᬲ᭞ᬯ᭄ᬭᬸᬄᬳᬳᬶᬂᬳᬮᬩᭂᬘᬶᬓ᭄᭛ᬲᬸᬦ᭄ᬧᬸᬢ᭄ᬭᬦ᭄ᬦᬶᬂᬭᬢᬸᬳᬤᬶᬪᬶᬦ᭄ᬦᬝᬵᬭ᭞ᬩᬕᬸᬲ᭄ᬧ᭄ᬭᬯᬷᬭᬾᬂᬚᬸᬭᬶᬢ᭄᭞ᬳᬭᬩᬶᬬᬳᬸᬮ᭞ᬫᬾᬦ᭄ᬥᬄᬳᬸᬘᬧ᭄ᬧᬶᬂᬧ᭄ᬭᬚ᭞ᬲᬂᬩᬶᬦ᭄ᬥᬶᬭᬵ᭠
ᬚᬲ᭄ᬭᬸᬳᬗ᭄ᬮᬶᬂ᭞ᬫᭀᬗ᭄ᬲᬳᬭᬂᬗ᭞ᬲᬶᬭᬲᬸᬦ᭄ᬕᬯᬳᬸᬕᬶ᭛ᬰᬷᬖ᭄ᬭᬭᬤᬾᬦ᭄ᬥᬦᬹᬃᬯᬾᬦ᭄ᬥᬦᬭᬶᬓ᭄ᬓᬤ᭄ᬕ᭞ᬧᬦᬸᬤᬸᬓ᭄ᬓᬾᬳᬦ᭄ᬦᬶᬢᬶᬃ᭞ᬗᬦ᭄ᬢᭂᬧ᭄ᬭᭀᬲᬦ᭄ᬦᬶᬭ᭞ᬫᬸᬭᬸᬩ᭄ᬓᬦᬂᬘᬸᬭᬶᬕ᭞ᬓᬢᬗ᭄ᬓᬶᬲ᭄ᬤᬾᬦ᭄ᬦᬶᬂᬓᬂᬲᬓ᭄ᬱᬶᬓ᭄᭞ᬤ᭄ᬬᬦ᭄ᬦᬃᬧᬧᬸᬢ᭄ᬭ᭞ᬲᬶᬦᬫ᭄ᬩᬸᬢ᭄ᬤᬾᬲᬂᬬᭀᬕᬶ᭞
Page:Bali-lontar-gaguritan-anging-kusuma-250ppi.pdf/67
This page has been proofread.
