[᭘᭓ 83 B]
᭘᭓
ᬓᬫᬦ᭄ᬢᬸᬤᬾᬦ᭄ᬦᬶᬂ᭞ᬲᬂᬩᬶᬦ᭄ᬥᬶᬭᬵᬚ᭞ᬤᬾᬧᭀᬓ᭄ᬳᬶᬂᬯᬸᬓᬶᬃᬩᬱ᭄ᬫᬶ᭛ᬭᬶᬧᬤᬸᬓᬯᬲ᭄ᬢᬦᬾᬹᬶᬤᬯᬶᬫᬦ᭄ᬦᬶᬓ᭄ᬳᬭ᭞ᬳᬬᬸᬮᬶᬃᬯᬶᬤᬤ᭠ᬭᬷ᭞ᬩᭂᬓ᭄ᬢᬶᬳᬯᬯᬃᬣ᭞ᬤᬾᬦ᭄ᬦᬶᬭᬗᬸᬘᬧᬦ᭞ᬓᬮᬶᬄᬳᬾᬲᭂᬫ᭄ᬕ᭄ᬬᬮᬸᬯᬫ᭄ᬭᬶᬲ᭄᭞ᬫᬜ᭄ᬚᬶᬂᬚ᭄ᬭᭀᬧᬸᬭ᭞ᬫᬗ᭄ᬓᬦᬰ᭄ᬭᬷᬪᬹᬧᬢᬶ᭛᭠
ᬳᬶᬂᬢᬩᭂᬮᬋᬢ᭄ᬦᬯᬲ᭄ᬧᬝᬰᭀᬦ᭄ᬝ᭞ᬫᬸᬗ᭄ᬕ᭄ᬯᬶᬂᬧᬗ᭄ᬕᬸᬗᬦ᭄ᬮᬶᬗ᭄ᬕᬶᬄ᭞ᬮᬯᬦ᭄ᬧᬸᬢ᭄ᬭᬦ᭄ᬦᬶᬭ᭞ᬓᬘᬃᬬᬦ᭄ᬫᬸᬮᬢ᭄ᬢᬶᬂᬧ᭄ᬭᬶᬂ᭞ᬯᬸᬲ᭄ᬓᬢᬄᬳᬶᬓᬂᬗᭂᬫᬲ᭄ᬲᬶ᭞ᬧᬢᬶᬂᬲᬸᬮᬬᬄ᭞ᬳᬗ᭄ᬓᬸᬂᬭᬫᬾᬦ᭄ᬦᬶᬂᬚᬸᬭᬶᬢ᭄᭛ᬦᬗ᭄ᬳᬶᬂᬤᬳᬢ᭄ᬧᬫᭂᬓᬲ᭄ᬓᬂᬬᬸᬤ᭄ᬥᬩ᭄ᬭᬢ᭞ᬯᬸᬯᬸᬲᭂᬦ᭄ᬭᬤᬾᬦ᭄ᬓᬮᬶᬄ᭞ᬲᬧ᭄ᬭ
ᬧ᭄ᬢᬦ᭄ᬦᬶᬂᬭᬡ᭞ᬓᬂᬭᬓᬳᬗᭂᬦ᭄ᬥᬶᬓ᭞ᬧᬭᬦ᭄ᬓᬃᬱᬦ᭄ᬦᬶᬭᬬᬬᬶ᭞ᬳᬧᬧ᭄ᬭᬬᭀᬕ᭞ᬓᬢᬸᬃᬳᬶᬂᬦᬵᬣᬤᬶᬳᬶᬦ᭄᭛ᬫᬢᬸᬃᬭᬤᬾᬦ᭄ᬥᬦᬹᬃᬯᬦ᭄ᬥᬤᬸᬄᬓᬓᬂᬫᬲ᭄᭞ᬫᬶᬦ᭄ᬥᬓ᭄ᬳᬗ᭄ᬭᭀᬜ᭄ᬘᭀᬓᬃᬤ᭄ᬥᬶ᭞ᬲᭀᬃᬓ᭄ᬳᬸᬕᬶᬗᬲᭀᬃᬦ᭄ᬦ᭞ᬭᬢᬸᬲᬾᬯᬸᬦᬵᬕᬭ᭞ᬧᬲ᭄ᬢᬶᬬᬾᬦ᭄ᬳᬭᬩᬶᬧᬸᬢ᭄ᬭᬷ᭞ᬦᬸ᭠
ᬮ᭄ᬬᬳᬸᬫᬗ᭄ᬲᬄ᭞ᬤᬦᬹᬃᬯᬾᬦ᭄ᬥᬳᬶᬂᬚᬸᬭᬶᬢ᭄᭛ᬳᬲᬸᬲᬸᬫ᭄ᬩᬃᬳᬾᬄᬭᬢᬸᬲᬾᬬᬸᬦᬵᬕᬭ᭞ᬋᬩᬸᬢᭂᬦ᭄ᬲᬸᬦ᭄ᬳᬚᬸᬭᬶᬢ᭄᭞ᬧᬸᬢ᭄ᬭᬳᬶᬂᬫᬮᬯ᭞ᬚᬸᬚᬸᬮᬸᬓ᭄ᬥᬦᬹᬃᬯᬾᬦ᭄ᬥ᭞ᬧ᭄ᬭᬚᬸᬭᬶᬢ᭄ᬢᬦ᭄ᬳᭀᬮᬾᬄᬢᬦ᭄ᬥᬶᬂ᭞ᬳᬗ᭄ᬮᬶᬂᬓᬸᬲᬸᬫ᭞ᬫᬗ᭄ᬲᬄᬳᬜᬸᬜᬸᬫ᭄ᬩᬭ᭛ᬲᬸᬦ᭄ᬧᬸᬢ᭄ᬭᬾᬂᬫᬮᬯ
[᭘᭔ 84 A]
ᬭᬦ᭄ᬳᬗ᭄ᬮᬶᬂᬓᬸᬲᬸᬫ᭞ᬳᬦᬗ᭄ᬕᬸᬮᬂᬳᬶᬂᬚᬸᬭᬶᬢ᭄᭞ᬭᬢᬸᬲᬵᬰ᭄ᬭᬯᬚ᭞ᬓᬩᬾᬄᬩᬋᬂᬗᬫᬭ᭞ᬰᬷᬖ᭄ᬭᬲᬫ᭄ᬬᬳᬗᭂᬩ᭄ᬬᬸᬓ᭄ᬓᬶ᭞ᬧᬭᬲᬢ᭄ᬭᬶᬬ᭞ᬫᬶᬯᬄᬧᬭᬦᬃᬧᬢᬶ᭛ᬓᬶᬦᭂᬫ᭄ᬩᬸᬮᬦ᭄ᬳᬧ᭄ᬭᬂᬲᬂᬦᬃᬧᬢᬦᬬ᭞ᬧ᭄ᬭᬬᬶᬢ᭄ᬦᬭᬤᬾᬦ᭄ᬓᬮᬶᬄ᭞ᬭᬶᬦᭀᬩᬦ᭄ᬳᬶᬂᬗᬲ᭄ᬢ᭄ᬭ᭞ᬩᬸ᭠
ᬲᬸᬃᬯᬢᬂᬲᬭᬫ᭄ᬧᬂ᭞ᬢᭀᬯᭀᬓ᭄ᬕᬜ᭄ᬚᬃᬮᬯᬦᬼᬫ᭄ᬪᬶᬂ᭞ᬳᬤᬺᬱ᭄ᬮᬶᬃᬚᬯᬄ᭞ᬮᬶᬫ᭄ᬧᬸᬂᬮᬯᬦ᭄ᬚᭂᬫ᭄ᬧᬭᬶᬂ᭛ᬰᬷᬖ᭄ᬭᬫᭂᬦ᭄ᬝᬂᬕᬦ᭄ᬥᬾᬯᬳᬗ᭄ᬮᬶᬂᬓᬸᬲᬸᬫ᭞ᬮᬸᬫᭂᬧᬲ᭄ᬓᬂᬚᭂᬫ᭄ᬧᬭᬶᬂ᭞ᬯᬲ᭄ᬢᬰᬭᭀᬢ᭄ᬢᬫ᭞ᬧᬯᬾᬄᬦᬶᬭᬲᬂᬤ᭄ᬯᬶᬚ᭞ᬤᬶᬢ᭄ᬬᬭᬶᬡ᭄ᬦᬶᬤᬸᬓ᭄ᬓᬶᬂᬗᬸᬦ᭄ᬦᬶ᭞ᬗᬫᬹᬓ᭄ᬧ᭄ᬭ
ᬬᭀᬗ᭄ᬕ᭞ᬓᭂᬲᬶᬢ᭄ᬲᬳᬾᬗ᭄ᬕᬢᬝᬶᬢ᭄᭛ᬓᬂᬲᬯᭂᬦᬾᬄᬭᬵᬚᬳᬦᬶᬢᬶᬄᬤᬶᬧᭀᬗ᭄ᬕ᭞ᬧ᭄ᬭᬚᬸᬭᬶᬢ᭄ᬢᬾᬗᬸᬩᭂᬂᬗᬶ᭞ᬓᬧ᭄ᬭᬓᬲᬾᬂᬕᬤ᭞ᬮᬸᬮᬸᬄᬮᬸᬫ᭄ᬭᬾᬂᬩᬦ᭄ᬢᬮ᭞ᬧᬋᬂᬮᬦ᭄ᬯᬳᬦᬭᬸᬚᬶᬢ᭄᭞ᬧᬫᬹᬓ᭄ᬓᬶᬂᬕᬤ᭞ᬤᬃᬧ᭄ᬧᬢᬗ᭄ᬕᬶᬕᬶᬭᬶᬲ᭄ᬲᬶ᭛ᬓᬂᬲᬯᭂ
ᬦᬾᬄᬳᬦᬭᬵᬚᬳᬦᬭᬣ᭞ᬋᬜ᭄ᬘᭂᬫ᭄ᬳᬯᭀᬃᬮᬦ᭄ᬲᬶᬢᬶ᭞ᬲᬯᭂᬦᬾᬄᬓᬧ᭄ᬮᬚᬃ᭞ᬳᬲ᭄ᬭᬸᬄᬮᬶᬦᬸᬦ᭄ᬤᬶᬂᬕᬤ᭞ᬳᬓᬢᬄᬭᬵᬚᬗᭂᬫᬲ᭄ᬲᬶ᭞ᬲ᭄ᬬᬸᬄᬮᬦ᭄ᬯᬳᬦ᭞ᬓᬕᬸᬮᬸᬂᬓᬧᬮᬶᬧᬶᬲ᭄᭛ᬳᬶᬓᬂᬲᬸᬕᬶᬄᬚᬧᬋᬫ᭄ᬧᬸᬄᬳᬗ᭄ᬕᬦ᭄ᬦᬶᬭ᭞ᬯᭂᬦᬾᬄᬧᬸᬓᬂᬜᬲᭂᬩᬶᬢ᭄᭞
Page:Bali-lontar-gaguritan-anging-kusuma-250ppi.pdf/84
This page has been proofread.
