[᭑᭑᭑ 111B]
᭑᭑᭑
ᬦᬦᬶᬭᬾᬓᬶ᭞ᬯᬲ᭄ᬢ᭄ᬭᬕᬺᬩᭀᬳ᭄ᬫᬵᬲ᭄᭞ᬳᬲᬶᬜ᭄ᬘᬂᬧᬾᬃᬳ᭄ᬫᬵᬲ᭄ᬯᬶᬮᬶᬲ᭄᭞ᬧᬶᬦᬭᬵᬥᬧᬧᬢ᭄ᬭᬬᬦ᭄᭚ᬢᬧᭂᬧᭂᬓᭂᬓ᭄ᬳᬾᬮᭀᬯᬦ᭄ᬢᬸᬗᬸᬮᬶᬦᬸᬮᬶᬄ᭞ᬲᬶᬦᬸᬮᬫ᭄ᬳᬶᬂᬳ᭄ᬫᬵᬲ᭄
ᬳᬮᬶᬫᬸᬢ᭄ᬕᬕᬸᬢᬸᬂᬕᬸᬦᬶᬂ᭞ᬮ᭄ᬯᬶᬄᬯᬶᬚᬶᬮᬶᬩ᭄ᬭᬸᬡᬮᬬ᭚ᬳᬲᬲᬸᬫ᭄ᬧᬂᬤᬸᬓᬸᬢ᭄ᬓᬵᬱ᭄ᬝᬵᬫᬸᬯᬸᬄᬭᬯᬶᬢ᭄᭞ᬘᬶᬜ᭄ᬘᬶᬦ᭄ᬫᬵᬲ᭄ᬲᬶᬦᭀᬢ᭄ᬬ᭞ᬳᬶᬂᬳᬶᬦᭂᬢᬦᬵᬥᬶᬮᬶᬦᬸᬯᬶᬄ᭞ᬕᭂᬩ᭄ᬬᬃᬕᭂᬩ᭄ᬬᬃ
ᬢᬾᬚᬦᬶᬭ᭚ᬓᬬᬤᬫᬸᬳᬶᬂᬭᭀᬦᬶᬂᬢᬭᬸᬤᬸᬓᬾᬜ᭄ᬚᬶᬂ᭞ᬓᬧ᭄ᬭᬪᬦᬶᬂᬤᬹᬃᬬ᭄ᬬ᭞ᬫ᭄ᬯᬄᬳᬬᬸᬦᬾᬲᬂᬲᬸᬤᬾᬯᬶ᭞ᬳᬸᬯᬸᬲ᭄ᬢᬦ᭄ᬓᭂᬦᬳᬶᬦᬸᬘᬧ᭄᭚ᬳ᭄ᬬᬂᬦᬶᬂᬲᬵᬕᬭᬫᬵ
ᬥᬸᬳ᭄ᬬᬂᬧᬲᬶᬃᬉᬓᬶᬃ᭞ᬮᬮᬗᭂᬦᬾᬂᬩ᭄ᬯᬦ᭞ᬳ᭄ᬬᬂᬳᬦᬶᬦ᭄ᬤ᭄ᬬᬲᬭᬶᬂᬲᬫᬶ᭞ᬗᬸᬫ᭄ᬧᬮ᭄ᬫᬭᬂᬦᬶᬕᬃᬓ᭄ᬓᬭ᭚ᬜ᭄ᬘᬶᬦᬶᬢ᭄ᬭᬓᬸᬭᬂᬧᬧᬦ᭄ᬢᬦᬄᬲᬶᬗᬶ᭞ᬧᬭᬓᬯ᭄ᬬᬾᬂᬤᬸᬦ᭄ᬬ᭞ᬍᬂᬍᬂ
[᭑᭑᭒ 112A]
᭑᭑᭒
ᬩᬸᬗᭂᬃᬚ᭄ᬭᭀᬦᬶᬂᬳᬢᬶ᭞ᬳᬗ᭄ᬮᬶᬄᬓᬬᬢᬦ᭄ᬧᬚᬶᬯ᭚ᬳᬦᭀᬦ᭄ᬫᬭᬂᬧᬃᬡ᭄ᬦᬦᬶᬭᬲᬦ᭄ᬖ᭄ᬲᬸᬤᬾᬯᬶ᭞ᬓᬧᬦ᭄ᬜᬶᬤᬓᭂᬦ᭞ᬧᬧᬦ᭄ᬮᬯᬦ᭄ᬢᬦᬄᬲᬶᬗᬶ᭞ᬍᬧᬲ᭄ᬤᬾᬦᬶᬭᬳᬗ᭄ᬕᬯ᭚
ᬕᬶᬮᬂᬕᬶᬮᬂᬲᬄᬬᬦᬶᬭᬲᬂᬤᬾᬯᬶᬮ᭄ᬯᬶᬄ᭞ᬢᬢ᭄ᬓᬵᬮᬢ᭄ᬭᬂᬯᬸᬮᬦ᭄᭞ᬲᭀᬃᬯᬮᬶᬢᬾᬚᬦᬶᬂᬰᬰᬶ᭞ᬳᬶᬂᬧ᭄ᬭᬪᬦᬾᬦᬶᬕᬃᬓ᭄ᬓᬭᬵ᭚ᬤᬦ᭄ᬮᬸᬫᬫ᭄ᬧᬄᬮᬮᬫ᭄ᬧᬦ᭄ᬧᬬᬸᬂᬓᬕᬶᬗ᭄ᬲᬶᬃ
᭞ᬳᬱ᭄ᬝᬫᭂᬫ᭄ᬩᬢ᭄ᬫᭂᬫ᭄ᬩᬢ᭄᭞ᬲᬶᬂᬧᭀᬮᬄᬳᬦ᭄ᬤᬸᬤᬸᬢ᭄ᬳᬢᬶ᭞ᬳᬫ᭄ᬭᬶᬓᬵᬭᬸᬫ᭄ᬕᬦ᭄ᬥᬦᬶᬭ᭚ᬯᬸᬲ᭄ᬢᬮᬢᬄᬓᬢᭀᬦ᭄ᬤᬾᬭᬲᬂᬫᬭᬸᬢᬶ᭞ᬫᭂᬦ᭄ᬤᭂᬓ᭄ᬳᬗᬸᬚᬶᬯ᭞ᬳᬢᬗ᭄ᬓᬶᬲ᭄ᬫᬶᬭᬶᬂᬓ
ᬳᬾᬓ᭄ᬱᬶ᭞ᬭᭀᬫᬗᬯᬶᬧ᭄ᬝᬓ᭄ᬜᬮᬂ᭚ᬳᬸᬦ᭄ᬢᬸᬭᬗᬧ᭄ᬲᬶᬬᬸᬧ᭄ᬝᬓ᭄ᬗᬸᬭᬾᬮᬧ᭄᭞ᬮ᭄ᬯᬶᬃᬧᬦ᭄ᬤᬄᬲᬝᬵᬢᬶᬓᬵ᭞ᬤᬸᬫᬶᬮᬄᬲᬄᬬᬫᬳ᭄ᬦᬶᬂ᭞ᬳᬸᬫᬜ᭄ᬚᬸᬃᬗᬭᬜᬄᬜᬮᬂ᭚ᬦᬶᬕᬃ
Page:Bali-lontar-gaguritan-anuman-wetugangga-350ppi.pdf/112
This page has been proofread.
