[᭖ 6B]
᭖
ᬢᬶᬫᬾᬭᬶᬳ᭄ᬬᬂᬳᬫ᭄ᬧᬦ᭄ᬧᬢ᭄ᬬ᭞ᬯᬸᬲ᭄ᬮᬫᬶᬳᬸᬫᬸᬗ᭄ᬕᬸᬄ᭞ᬓᬋᬡᬦ᭄ᬳ᭄ᬬᬸᬦ᭄ᬳ᭄ᬬᬂᬩᬭᬹᬡ᭞ᬤᬾᬦᬵᬧ᭄ᬲᬃᬬ᭄ᬬ᭞ᬲᬶᬦ᭄ᬭᬳᬶᬂᬳ᭄ᬬᬂᬳᬫ᭄ᬧᬓ᭄ᬧ᭄ᬢᬶ᭞ᬲᬮ᭄ᬯᬶᬃᬫᭀᬢ᭄ᬢᬫᬾᬂᬲᬫᭀᬤ᭄ᬭ᭚ᬢᬦᬓᬸ
ᬭᬂᬧᬭᬦ᭄ᬬᬦ᭄ᬳᬶᬦᬧ᭄ᬢᬶ᭞ᬳᬦᬳᬸᬕ᭞ᬭᬶᬂᬚ᭄ᬭᭀᬦᬶᬂᬲᬫᭀᬤ᭄ᬭ᭞ᬫᬶᬡᬮᬗ᭄ᬓᬸᬂᬓᬲᬸᬓᬦᬾ᭞ᬲᬤᬶᬦᬵᬗᬸᬫ᭄ᬩᬂᬮᬓᬸ᭞ᬘᬓ᭄ᬭᬾᬄᬫᬶᬩᬕᬃᬚ᭄ᬚᬶᬢᬾᬂᬳᬢᬶ᭞ᬗᬶᬭᬶᬗᬭᬶᬲᬫᭀ
ᬤ᭄ᬭ᭞ᬳᬩ᭄ᬓᬂᬩ᭄ᬮᬂᬓᬮᬗᬹᬦ᭄᭞ᬳᬗᬾᬮᭀᬭᬶᬂᬳᬮᬸᬦ᭄ᬭᬶᬬᬓ᭄᭞ᬮᭀᬫ᭄ᬗᬮᭀᬫ᭄ᬩ᭞ᬫᬶᬡᬩᬗ᭄ᬮᬸᬲ᭄ᬓᬓᬧ᭄ᬲᬫᬶ᭞ᬫᬭᬓᬧ᭄ᬢ᭄ᬗᬄᬚᬮᬤ᭄ᬭ᭄ᬬ᭚ᬳᬲᭂᬮᬸᬭᬦ᭄ᬫᬶᬡᬳᬕᬸᬂ
ᬳᬮᬶᬢ᭄᭞ᬳᬸᬫᬄᬳᬸᬫᬄ᭞ᬫᬶᬤᭂᬭᬶᬲᬵᬕᬭ᭞ᬗᬼᬫ᭄ᬗᬬᬂᬓᬢᭀᬓᭀᬮᬳᬾ᭞ᬜᬶᬗ᭄ᬓᬓ᭄ᬜᬸᬗ᭄ᬓᬶᬳᬜᬸᬗ᭄ᬲᬸᬂ᭞ᬳᬜᬮᬾᬧᬾᬃᬳᬢᬗ᭄ᬓᬶᬲ᭄ᬫᬶᬭᬶ᭞ᬳᬦᬭᬶᬳᬮᬸᬦ᭄ᬗᭂᬜ᭄ᬘᬄ
[᭗ 7A]
᭗
᭞ᬯᬸᬳᬬᬓᬤᬸᬮᬸ᭞ᬳᬤᬸᬮᬸᬭᬦ᭄ᬓ᭄ᬯᬾᬄᬳᬗᬸᬫ᭄ᬩᬂ᭞ᬮᭀᬜ᭄ᬘᬮᭀᬜ᭄ᬘ᭞ᬓᬓ᭄ᬬᬳᬸᬫᬶᬤᭂᬭᬶᬂᬯᬭᬶᬄ᭞ᬚᬭᬂᬕᬶᬕᬶᬦᬹᬢᬶᬗᬸᬦ᭄ᬢᬦ᭄᭚ᬫᬶᬡᬧᭂᬲᬸᬢ᭄ᬧᭂᬲᬢ᭄ᬫᬭᬶᬂᬢᭂᬧᬶ᭞ᬫ᭄ᬩᬸᬃᬯ
ᬜᬮᭀᬭᬶᬂᬯᬺᬳᬶᬂᬲᬫᭀᬤ᭄ᬭ᭞ᬳᬸᬗ᭄ᬯᬦ᭄ᬬᬫᬭᬶᬪᬯᬦᬾ᭞ᬫᬗ᭄ᬤᬦᬾᬢᬦ᭄ᬓᬤᬸᬮᬸ᭞ᬫᬯᭀᬃᬢᬶᬬᬓ᭄ᬫ᭄ᬗᬦ᭄ᬢᬶᬭᬶᬂᬢ᭄ᬧᬶ᭞ᬰ᭄ᬭᬕᬳᬸᬫᬸᬂᬳᬕᬸᬩᬃ᭞ᬮ᭄ᬯᬶᬃᬫᬺᬤᬗ᭄ᬕᬵᬳᬸᬫᬸᬂ᭞ᬳᬤᬸᬭᬵ
ᬭᭀᬓ᭄ᬭᬶᬂᬢᭂᬗᭂᬭᬦ᭄᭞ᬩᬦ᭄ᬤᬮᬾᬤᬂ᭞ᬓᬭᬸᬗᬸᬧᬶᬗ᭄ᬕᬶᬃᬚᬮᬤ᭄ᬯᬶ᭞ᬧᭂᬜᬸᬢᭂᬜᬄᬢ᭄ᬯᬲ᭄ᬬᬵᬗ᭄ᬭᬸᬗ᭄ᬯ᭚ᬳᬤᬸᬮᬸᬭᬦ᭄ᬳᬗᬸᬫ᭄ᬩᬗᬶᬂᬢᬲᬶᬓ᭄᭞ᬦᬾᬂᬯᬭᬗᬦ᭄᭞ᬳᬗᬸᬮᬢᬶᬧᬗᬦ᭄
᭞ᬭᬓᬝᬵᬳᬓᬾᬄᬤᬸᬮᬸᬭᬾ᭞ᬳᬸᬭᬗᬭᬬᬂᬫᬲᬸᬓ᭄᭞ᬭᬶᬂᬧᬭᬗᬦ᭄ᬳᬵᬜᬶᬗᬶᬤ᭄ᬜᬶᬗᬶᬤ᭄᭞ᬳᭀᬘᬧᬶᬫᬶᬡᬖᭀᬭ᭞ᬫᬮᬶᬧᬶᬭᬶᬂᬮᬯᬸᬢ᭄᭞ᬳᬗᬾᬮᭀᬲᬶᬮᬸᬓᬶ
Page:Bali-lontar-gaguritan-anuman-wetugangga-350ppi.pdf/7
This page has been proofread.
