[᭑᭑ 11 B]
᭑᭑
ᬮᬄᬧᬢᬶ᭞ᬓᬚᭂᬧᬶᬢ᭄ᬢᬸᬃᬫᬧᬢᭀᬓᬦ᭄᭞ᬫᬢᬶᬕ᭄ᬢᬶᬕ᭄ᬩᬦ᭄ᬘᬭᬂᬘᬗᬶᬂ᭞ᬫ᭄ᬯᬂᬦᬾᬫᬧᬲᬂᬘᭂᬢᬶᬓ᭄᭞ᬫᬧᬸᬮᬂᬭᬶᬂᬓᬯᬄᬳᭂᬦ᭄ᬤᬸᬢ᭄᭞ᬧᬕᭂᬮᬸᬃᬧᬓᬸᬮᬶᬚᬄ᭞ᬫᬗᬯᬸᬓᬶᬦ᭄ᬩᬧᬵᬓᬸᬫ᭄ᬧᬶ᭞ᬦᬕᬶᬄ᭠
ᬢᬸᬮᬸᬂ᭞ᬫᬸᬜᬶᬦᬾᬦᬕᬶᬄᬕᬯᬾᬦᬂ᭟ᬫᬸᬯᬄᬦᬾᬢ᭄ᬯᬭᬵᬦᬶᬢᬶᬓ᭄ᬭᬫ᭞ᬤᬶᬓᬯᬳᬾᬤᬤᬶᬳᭂᬦ᭄ᬢᬶᬧ᭄᭞ᬓᬢᬸᬤᬸᬄᬢᭀᬂᬤᬤᬶᬲᬸᬧᬢ᭄᭞ᬢᭂᬓᬦᬶᬂᬦᬾᬫᭂᬲ᭄ᬧᭂᬲ᭄ᬩᭂᬮᬶᬂ᭞ᬫᬸᬜᬶᬦᬾᬗᬲᬶ᭠
ᬳᬲᬶᬄᬦᬕᬶᬲᬸᬧᬢ᭄ᬩᬳᬦ᭄ᬩᬸᬩᬸᬄ᭞ᬢᭀᬓᬸᬤ᭄ᬬᬂᬫᬗ᭄ᬕᬯᬾᬦᬶ᭞ᬳᬧᬦ᭄ᬲᬸᬩᬫᬯᬵᬓ᭄ᬘᭂᬢᬶᬓ᭄᭞ᬮᬶᬯᬢᬼᬢᬸᬄ᭞ᬓᬤᬤᬾᬦᭂᬭᬗᬶᬦ᭄ᬚᬕᬢ᭄᭟ᬳᬦᬵᬕᬸᬦᬸᬂᬫᬳᬵᬯᬶᬱ᭄ᬬᬵ᭞ᬧᬤᬂ
ᬜᬦᬾᬚᬯᬸᬫ᭄ᬢᬚᬶ᭞ᬫᬓᬬᬸᬤᬯᬸᬦ᭄ᬘᬸᬭᬶᬕᬵ᭞ᬢᭀᬤᬶᬢᬸᬧᬶᬢ᭄ᬭᬦᬾᬜ᭄ᬚᭂᬭᬶᬢ᭄᭞ᬢᭀᬂᬫᬩᬳᬦ᭄ᬫᬓᭂᬮᬶᬤ᭄᭞ᬓᭂᬦᬓᬤᬸᬢᬦ᭄ᬧᬤᬸᬯᬸᬄ᭞ᬲᬦᬾᬫᬮᬓ᭄ᬱᬡᬵᬤᬸᬱ᭄ᬝᬵ᭞ᬫ
[᭑᭒ 12 A]
ᬫᬾᬕᬮ᭄ᬫᬫᬢᬶᬫᬢᬶ᭞ᬳᬦᬓ᭄ᬧᬢᬹᬢ᭄᭞ᬦᬾᬢ᭄ᬯᬭᬵᬫᬗᭂᬮᬄᬤᭀᬱ᭟ᬳᬤᬵᬓᬯᬄᬫᬤᬹᬃᬕ᭄ᬕᬫᬵ᭞ᬫᬳᭀᬫ᭄ᬩᬓᬦ᭄ᬧᬲᬶᬄᬩᬘᬶᬦ᭄᭞ᬓ᭄ᬭᬸᬭᬵᬩᬾᬦ᭄ᬜᬦᬾᬧᬤᭂᬗᭀ
ᬓ᭄᭞ᬓ᭄ᬭᬯᬶᬢ᭄ᬭᬾᬗ᭄ᬕᬄᬬᬫᬓᬧᬶᬢ᭄᭞ᬫᬩᬾᬚᬕᬸᬮ᭄ᬮᬦ᭄ᬩᬾᬘᬘᬶᬂ᭞ᬩᬤᬸᬤᬵᬕᭂᬥᬾᬫᬢᬡ᭄ᬥᬸᬓ᭄᭞ᬓᬸᬮᬶᬭᬦᬾᬫᬚᬗ᭄ᬕᬃ᭞ᬧᬢᬍᬩᬸᬢ᭄ᬫᬜᬦ᭄ᬤᭂᬭᬶᬦ᭄᭞ᬧᬩᬶᬬᬬᬸᬢ᭄᭞
ᬧᬶᬢ᭄ᬭᬦᬾᬬᬧᬕᬹᬮᬬᬄ᭟ᬳᬮᬸᬦᬾᬕᬮᬓ᭄ᬫᬜᬭᬧ᭄᭞ᬫᬦᬫ᭄ᬧᬾᬮ᭄ᬫᬗᬸᬩᬢᬩᬶᬢ᭄᭞ᬗᬚᭂᬗᬶᬢ᭄ᬫᬫᬓ᭄ᬧᬓ᭄ᬧᬶᬢ᭄ᬭᬵ᭞ᬧᬩᬋᬗᬶᬓ᭄ᬕᬸᬢᬶᬮ᭄ᬘᬘᬶᬂ᭞ᬳᬤᬜᬶᬍᬫᬓᭂᬮᬶᬤ᭄᭞ᬩ
ᬤᬸᬤᬵᬕᭂᬥᬾᬫᬗᬶᬧᬸᬄ᭞ᬓᬸᬮᬶᬭᬦᬾᬫᬫᬘᭀᬓ᭄᭞ᬩᬮᬸᬯᬂᬜᭂᬲᭂᬩ᭄ᬗᬺᬕᬚᬶ᭞᭠ᬧᬢᬶᬓᭂᬧᬸᬕ᭄᭞ᬧᬶᬢ᭄ᬭᬦᬾᬗᭂᬮᬶᬤᬂᬳᬯᬓ᭄᭟ᬮᬤᬾᬫᭂᬚᬸᬤᬶᬓᬬᬗᬦ᭄᭞ᬲᬮᬄᬫ᭠
Page:Bali-lontar-gaguritan-atma-prasangsa-300ppi.pdf/12
This page has been proofread.
