[᭑᭕ 15 B]
᭑᭕
ᬦ᭄ᬧᬜᬭᬶᬓᬦ᭄᭞ᬳᭂᬦ᭄ᬢ᭄ᬬᬃᬱᬵᬳᬶᬗ᭄ᬲᬸᬦ᭄ᬢᬦ᭄ᬲᬶᬧᬶ᭞ᬫ᭄ᬬᬃᬱᬵᬲᬲᬫ᭄ᬩᬢᬶᬂᬳᬢ᭄ᬫᬵ᭞ᬫᬗᭂᬫᬲᬶᬦ᭄ᬧᬜ᭄ᬘᬕᬢᬶ᭞ᬲᬗ᭄ᬲᬭᬦᬾᬓᬍᬩᬶᬄ᭞ᬩᬳᬦ᭄ᬬᬫᬵᬩᬮᬵᬳᬶᬓᬸ᭞ᬧᬸᬦᬧᬶᬓᬾ
ᬤᭀᬱᬦ᭄ᬜ᭞ᬲᬸᬓᬶᬂᬫᬥ᭄ᬬᬵᬧᬤᬗᬸᬦᬶ᭞ᬢ᭄ᬯᬄᬓᬤᬸᬭᬸᬲ᭄᭞ᬮᬓ᭄ᬱᬡᬦ᭄ᬜᬦᬾᬤᬹᬃᬰᬶᬮᬵ᭟ᬲᬂᬫᬗᬦ᭄ᬩᭂᬓ᭄ᬤᬺᬫ᭄ᬩᬵᬫᭀᬮᬵ᭞ᬲᬳᬲᬵᬲᬧᬮᬵᬭᬶᬳᬶᬦ᭄᭞ᬳᬗ᭄ᬕᬭᬵᬩᬗ᭄ᬕᬵᬧᭀᬭᬓ᭞ᬳᬶ
ᬓᬸᬓ᭄ᬭᬡᬵᬓᬳᬢᭂᬳᬶᬂ᭞ᬳᬲᬶᬂᬫᬮᬾᬗ᭄ᬓᬲ᭄ᬓᬢᬶᬕ᭄ᬢᬶᬕ᭄᭞ᬭᬶᬂᬰᬾᬮᬵᬫᬢᬓᭂᬧ᭄ᬫᬘ᭄ᬮᬸᬧ᭄᭞ᬰ᭄ᬭᬷᬪᬕᬯᬵᬦ᭄ᬳᭂᬦ᭄ᬢ᭄ᬬᬃᬱᬵᬓᬗᭂᬦ᭄ᬭᬶᬂᬓᬬᬸᬦ᭄ᬫᬗᬓ᭄ᬱᬶ᭞ᬳᬢ᭄ᬫᬵᬳᬶᬓᬸ᭞ᬧᬚ᭄ᬭᬶᬢ᭄ᬭᬶᬂᬩᬢᬸᬢᬍᬲᬦ᭄᭟ᬧᬓᭂ
ᬧ᭄ᬮᬸᬕ᭄ᬩᭂᬜ᭄ᬘᬃᬰᬶᬭᬄᬜ᭞ᬫᬓᭂᬘᬸᬓ᭄ᬕᭂᬢᬶᬳᬾᬫᬶᬚᬶᬮ᭄᭞ᬢᭂᬓᬾᬂᬳᬸᬢᭂᬓ᭄ᬜᬫᬓᭂᬘ᭄ᬭᭀᬢ᭄᭞ᬰ᭄ᬭᬷᬪᬕᬯᬦ᭄ᬬᬦ᭄ᬫᬶᬦᭂᬳᬶᬦ᭄᭞ᬢᬶᬗ᭄ᬓᬳᬾᬤᬸᬓᬾᬉᬭᬶᬧ᭄᭞ᬰ᭄ᬭᬷᬧᬜᬭᬶᬓᬦ᭄ᬫᬲᬳᬸᬃ᭞ᬲᬶᬗ᭄ᬕᬶᬄ
[᭑᭖ 16 A]
ᬧᭀᬮᬳᬾᬲᬸᬩ᭞ᬤᬸᬓᬶᬂᬫᬺᬘ᭄ᬘᬵᬧᬤᬭᬶᬳᬶᬦ᭄᭞ᬢᬦ᭄ᬫᬗᬶᬢᬸᬂ᭞ᬗᬸᬮᬸᬭᬶᬦ᭄ᬮᭀᬩᬵᬳᬗ᭄ᬓᬭᬵ᭟ᬢᬦ᭄ᬧᭂᬕᬢ᭄ᬫᬗ᭄ᬕᬯᬾᬤᬸᬄᬓᬵ᭞ᬫᬓᬤᬶᬗ᭄ᬕᬯᬾᬧ᭄ᬭᬳᬢᬶ᭞ᬲᬤᬸᬓᬾᬤᬶᬫᬺᬘ᭄ᬘᬵᬧᬤ᭞
ᬲᬗ᭄ᬓᬦᬶᬂᬤᬤᬶᬫᬸᬜ᭄ᬘ᭄ᬭᬶᬢᬶᬂ᭞ᬩᬢᬸᬫᬢᬓᭂᬧ᭄ᬫᬸᬧᬸᬓ᭄ᬢᬶ᭞ᬫᬮᬶᬄᬮ᭄ᬬᬦ᭄ᬯᭂᬦ᭄ᬢᭂᬦ᭄ᬳᬶᬓᬸ᭞ᬤᬸᬓ᭄ᬳᬸᬭᬶᬧ᭄ᬜᬦᬾᬫᬮ᭄ᬯᬦ᭄᭞ᬢᬦ᭄ᬧᭂᬕᬢ᭄ᬫᬜᬓᬶᬢ᭄ᬳᬢᬶ᭞ᬳᬶᬥᭂᬧ᭄ᬧᬸᬗ᭄ᬕᬸᬂ᭞ᬫᬢᬶᬕᭂᬧᭀᬓᬾᬦ᭄ᬭᭀᬯᬂᬜ᭟ᬗᬯᭂ
ᬢᬸᬯᬂᬳᬢᬶᬩ᭄ᬭᬳ᭄ᬫᬵ᭞ᬓᬲᬦ᭄ᬤᭂᬩᬦ᭄ᬦᬶᬮᬵᬧᬓ᭄ᬱᬶ᭞ᬫᬢᬦᬾᬤᬤᬶᬫᬍᬢᭀᬲ᭄᭞ᬲᬯᭀᬲ᭄ᬤᬸᬓᬶᬂᬳᬸᬭᬶᬧ᭄ᬭᬶᬳᬶᬦ᭄᭞ᬢᬦ᭄ᬳᬋᬧ᭄ᬩᬸᬤ᭄ᬥᬶᬳᬓᭂᬤᬶᬓ᭄᭞ᬢᬦᬋᬧ᭄ᬓᬸᬭᬗᬦ᭄ᬳᬶᬓᬸ᭞ᬳᬶᬬᬵᬤᬤᬶ
ᬓᬘᬧᭂᬮᭀᬓ᭄᭞ᬩᬦ᭄ᬭᬵᬓ᭄ᬱᬲᬵᬫᬯᬓ᭄ᬘᬶᬘᬶᬂ᭞ᬢᬦ᭄ᬧᬢᬸᬢᬹᬃ᭞ᬓᬲᬭᬧ᭄ᬩᬦ᭄ᬘᭀᬮᬾᬂᬭᬚ᭟ᬬᬦ᭄ᬯᬸᬲᬶᬂᬓᬩᬦ᭄ᬤᬵᬩᬦ᭄ᬤᬵ᭞ᬓᬢᭂᬄᬬᬓᬍᬩᬸᬫᬭᬶᬂ᭞ᬓᬯᬄᬭᬶᬂᬲᭂᬥᭂᬂᬫᬮ᭄ᬯᬩ᭄᭞ᬫᬯ
Page:Bali-lontar-gaguritan-atma-prasangsa-300ppi.pdf/16
This page has been proofread.
