[ ᭔᭕ 45B]
᭔᭕
ᬢᬶ᭞ᬫᬗᬢᭀᬦᬂᬲᬶᬭᬦᬵᬣ᭞ᬳᬦ᭄ᬢᬸᬓ᭄ᬩᬗᭂᬢ᭄ᬧᬶᬦᬸᬗ᭄ᬓᬦᬾ᭞ᬢᬦ᭄ᬲᬶᬤ᭄ᬥᬫᭀᬮᬶᬳᬂᬢᬫ᭄ᬩ᭞ᬚᬦ᭄ᬢᭂᬦ᭄ᬳᬶᬤᬧᬘᬂᬜ᭄ᬯᬃᬕ᭄ᬕ᭞ᬧᬜ᭄ᬚᬓ᭄ᬱᬫᬶᬧᬤᬳᬶᬜ᭄ᬚᬸᬄ᭞ᬜᬢᬸᬃᬤᬾᬰᬗ᭄ᬭᬸᬭᬸᬄᬩᬮ᭄ᬬᬦ᭄᭟᭐᭟ᬧᬸᬧᬸᬄᬫᬵ
ᬲ᭄ᬓᬸᬫᬫ᭄ᬩᬂ᭟ᬳᬶᬦᬸᬘᬧᬦ᭄ᬳᬾᬢᬗᬦ᭄ᬲᬰᬶᬳᬾᬧᬲ᭄ᬢᬶ᭞ᬤᬸᬓ᭄ᬰᬰᬶᬄᬓᬃᬢ᭄ᬢᬶᬓ᭞ᬢᬗ᭄ᬕᬮ᭄ᬜᬮᬶᬫᭀᬮᬲ᭄ᬧᬲ᭄ᬢᬶ᭞ᬧᬫᬃᬕ᭄ᬕᬶᬦ᭄ᬳᬶᬤᬲᬂᬦᬵᬣ᭟ᬳᬶᬤᬜ᭄ᬯᬃᬕ᭄ᬕᬧᬜ᭄ᬚᬓᬾᬓᬦ᭄ᬤᬸᬕᬶᬲ᭄ᬤᬶᬄ᭞ᬓᬸᬮ᭄ᬓᬸᬮ᭄ᬧᬚ᭄ᬦᭂᬗᬦ᭄᭞
ᬲᬫᬶᬓᬢᭂᬧᬓ᭄ᬦᬾᬫᬗ᭄ᬓᬶᬦ᭄᭞ᬲ᭄ᬯᬭᬦ᭄ᬜᬦᬾᬫᬩ᭄ᬬᬬ᭄ᬯᬦ᭄᭟ᬲᬂᬫᬶᬬᬃᬱᬲᬫᬶᬕᬶᬲᬸᬭᬯᬸᬄᬢᬗ᭄ᬓᬶᬮ᭄᭞ᬭᬶᬂᬧᬸᬭᬷᬫᬗᬬᬄ᭞ᬤᬩ᭄ᬤᬩᬂᬓᬃᬬ᭄ᬬᬦᬾᬫᬗ᭄ᬓᬶᬦ᭄᭞ᬲᬦᬾᬧᬵᬢᬹᬢ᭄ᬮᬓ᭄ᬱᬡᬬᬂ᭟ᬲᭀᬯᬂᬲᭀᬯᬂᬗ
ᬕᭂᬫ᭄ᬳᬫᭀᬗᬦ᭄ᬜᬧᬲ᭄ᬢᬶ᭞ᬯᬾᬦ᭄ᬢᭂᬦ᭄ᬗᬯᬾᬩᬗ᭄ᬲᬮ᭄᭞ᬲᬳᬲᬮ᭄ᬯᬶᬭᬶᬂᬧᬶᬭᬦ᭄ᬢᬶ᭞ᬧᬶᬭᬦ᭄ᬢᬶᬦᬶᬂᬧᬍ᭠ᬩᭀᬦᬦ᭄᭟ᬳᬶᬫ᭄ᬧᬸᬢ᭄ᬲᬵᬫ᭄ᬧᬸᬦ᭄ᬧᬜ᭄ᬚᬓᬾᬭᬶᬂᬫᬚᬧᬳᬶᬢ᭄᭞ᬫᬗᬢᬸᬭᬂᬳᬬᬄ᭞ᬢᬦ᭄ᬗᬾᬢᬂᬭᬳᬶᬦ
[ ᭔᭖ 46A]
ᬯ᭄ᬗᬶ᭞ᬫᬗᬸᬩᬓ᭄ᬢᬶᬭᬶᬂᬲᬂᬦᬵᬣ᭟ᬓᬘ᭄ᬭᬶᬢᬬᬂᬮᬫᬶᬦ᭄ᬮᬬᭀᬦᬾᬭᬶᬂᬧᬸᬭᬷ᭞ᬳᬰᬰᬶᬄᬳᬶᬫᬸᬘᬧ᭄᭞ᬲᬧ᭄ᬢᬤᬶᬦ᭄ᬢᭂᬦ᭄ᬩᬮᬶᬦ᭄ᬗᬮᬶᬦ᭄ᬢᬗᬶᬦ᭄᭞ᬓᬩᬯᭀᬲᬂᬫᬭᬶᬂᬩᬩᬤ᭄᭟᭐᭟ᬧᬸᬧᬸᬄᬲᬶᬦᭀᬫ᭄᭟ᬳᬶᬦᬸᬘᬧ᭄ᬫᬸᬗ᭄ᬕᬸᬄᬭᬶᬂ
ᬮᭀᬦ᭄ᬢᬃ᭞ᬫᬵᬦᬹᬢ᭄ᬫᬭᬶᬂᬩᬩᬤ᭄ᬧᬗ᭄ᬓᬶᬄ᭞ᬮᬬᭀᬦᬾᬲᬵᬫ᭄ᬧᬸᬦ᭄ᬭᬶᬂᬲᬾᬢᬺ᭞ᬧ᭄ᬭᬬᬓᬪᬲ᭄ᬫᬶᬦᬾᬫᬗ᭄ᬓᬶᬦ᭄᭞ᬗᬦᬹᬢ᭄ᬮᬶᬗ᭄ᬕᬶᬄᬲᬂᬧᬺᬧᬢᬶ᭞ᬲᬂᬧ᭄ᬭᬪᬸᬫᬩᬮᬭᬢᬸ᭞ᬯᬸᬲ᭄ᬓᬮᭀᬓ᭄ᬢᬄᬲᬶᬭᬭᬶᬂᬭᬵᬢ᭄᭞ᬢᬸᬳᬸᬳᬶᬤ
ᬭᬢᬸᬮᬸᬯᬶᬄ᭞ᬦᬾᬓᬲᬸᬫ᭄ᬩᬸᬂ᭞ᬳᬶᬤᬯ᭄ᬭᬸᬄᬗᬫᭀᬂᬚᬕᬢ᭄᭟ᬧᬭᬲᬢ᭄ᬬᬦᬾᬳᬶᬦᬸᬘᬧᬦ᭄᭞ᬢ᭄ᬭᬸᬦᬩᬕᬸᬲ᭄ᬫᬓᬲᬫᬶ᭞ᬓᬳᬸᬗ᭄ᬕᬸᬳᬂᬫᬭᬶᬂᬩᬩᬤ᭄᭞ᬲᬶᬬᬸᬋᬓᬾᬓᬯᬶᬮᬗᬶᬦ᭄᭞ᬮᬰ᭄ᬘᬃᬬ᭄ᬬᬗᬢᬸᬭᬂ
ᬩᬓ᭄ᬢᬶᬭᬶᬂᬳᬗ᭄ᬕᬦ᭄ᬳᬶᬤᬲᬂᬧ᭄ᬭᬪᬸ᭞ᬫᬓᬘᬶᬳ᭄ᬦᬩᬾᬮᬧᭂᬚᬄ᭞ᬗᬶᬭᬶᬂᬳᬶᬤᬲᬦᬾᬫᬗ᭄ᬓᬶᬦ᭄ᬚᬢᬸᬢᬸᬳᬸ᭞ᬦᭂᬓᬾᬂᬫᬦᬄᬫᬜᬭᬓ᭟ᬳᬾᬩᭂᬓ᭄ᬚᭂᬚᭂᬮ᭄ᬫᬭᬶᬂᬲᭂᬢᬺ᭞ᬩᬯᬸᬤᬡ᭄ᬥᬢᬦ᭄ᬤᬫᬦ᭄ᬢ᭄ᬭᬶ᭞ᬧ
Page:Bali-lontar-gaguritan-babad-sunda-300ppi.pdf/46
This page has been proofread.
