[ ᭑᭑ 11B]
᭑᭑᭞
ᬓ᭄ᬢᬶᬜᬾᬬᬓᬶᬕ᭄ᬭᭀᬕᬓ᭄ᬢᬗ᭄ᬓᬄᬧᬸᬦᬶᬓᬬᬸᬓ᭄ᬢᬶᬜᭀᬜᭀᬦᬾᬩ᭄ᬢᬾᬦᬦ᭄ᬲᬫ᭄ᬧᬶᬂᬜᬦᬾᬦ᭄ᬢᭀᬲᬶᬧᬄᬤᬾᬗᬮᬾᬦ᭄ᬢᬂᬢᬗᬦ᭄ᬓᬮᬶᬄᬦᬯᬶᬫᬓᭂᬩᬂᬓᬶᬕᬭᭀᬓ᭄ᬕᬓ᭄ᬤᬸᬳᬸᬭᬗᬶ
ᬦ᭄᭟ᬓᬶᬕᬭᭀᬓ᭄ᬕᬓ᭄ᬚᬓ᭄ᬢᬶᬢ᭄ᬕᬸᬄᬓᬤᬶᬮᬯᬢ᭄ᬢᬦ᭄ᬓᭂᬦᬾᬂᬳᬸᬳ᭄ᬯᬧᬢᬶᬗᬓᬶᬦ᭄ᬓᭀᬓᭀᬓᬦ᭄ᬫᬗ᭄ᬮᬬᬂᬓ᭄ᬤᬧ᭄ᬓᭂᬤᬧ᭄ᬓᬯᬶᬢᬫ᭄ᬩᭂᬢ᭄ᬳᬶᬤᬗᬮᬶᬄᬢᭀᬗᭀᬲ᭄ᬜᬕᬫ᭄ᬧᬂᬯᬾᬦ᭄ᬢᭂᬦ᭄ᬧᬸᬬᬸᬂᬫ
ᬳᬶᬲᬶ᭟ᬳᬶᬤᬲᬮᬄᬳᬫᬶᬱᬵᬓᭂᬦ᭄ᬢᬦᬶᬩᬶᬱᬭᬯᭂᬲᬾᬜᬯᬩᬮᬷᬧᬸᬢᬸᬲ᭄ᬗᬯᬶᬕᬯᬕ᭄ᬭᬕᬦᬾᬢᬦᬶᬢᬯᬂᬩᬶᬱᬧ᭄ᬤᬶᬄᬗᬸᬩ᭄ᬭᬯᬵᬩ᭄ᬭᬶᬢ᭄ᬥᬃᬫ᭄ᬫᬦᬾᬓᬸᬢᬂᬳᭀᬂᬲ᭄ᬓᭂᬦ᭄ᬩᬂᬳᬓᬶᬤ᭄
ᬓ᭄᭟ᬢᬶᬢ᭄ᬬᬂᬰ᭄ᬘᬶᬓᬸᬮᬓᬓᬭᬶᬩᬮᭀᬮᭀᬢᬦ᭄ᬦᭀᬭᬫᬓᬤᬶᬋᬱᬶᬭᬯᭀᬲ᭄ᬫᬧᬮᬶᬦᬦ᭄ᬮᬶᬓᬤ᭄ᬫᬓ᭄ᬚᬂᬓ᭄ᬚᬂᬰᬩ᭄ᬤᬧᭀᬮᬄᬮᬶᬯᬢ᭄ᬲᬂᬲᬶᬄᬢᬸᬓᬂᬦᬶᬂᬦᬵᬬᬳᭂᬦ᭄ᬢᬸᬕ᭄ᬭᬢᭀᬲᬾᬲᬫᬶ
[ ᭑᭒ 12A]
ᬓᬤᬶᬳᬸᬦᬶᬗᬶᬦᬫᬋᬱᬶᬓ᭄ᬫᬲᬶᬭᬫ᭄ᬧᬸᬦᬧᬶᬦᬾᬰᬸᬘᬶᬦᬶᬦ᭄ᬭᬕᬢᬦᬶᬢᬯᬂᬬᬤ᭄ᬬᬦ᭄ᬲᬤᬶᬦᬤᬶᬦᬫᬤ᭄ᬬᬸᬲ᭄ᬫᬓᭀᬓᭀᬬᭀᬓ᭄ᬳᬸᬦᬶᬂᬤᬓᬶᬢᬦ᭄ᬢᭂᬮᬄᬅᬧᬦ᭄ᬢᬓᬦ᭄ᬜᬲᬳᬶ᭟ᬢ᭄ᬯᬭ
ᬩᬜᬸᬦᬼᬳᬶᬦ᭄ᬤᬓᬶᬭᬶᬂᬭᬕᬫᬗ᭄ᬤᬾᬦᬾᬭᬕᬰᬸᬘᬶᬅᬗ᭄ᬕᬦᬾᬢᬢᬲᬂᬫᬲᬸᬓ᭄ᬯᭂᬢᬸᬦᬾᬳᬯᬲ᭄ᬚᬩᬚᭂᬭᭀᬳᬧᬂᬳᬸᬦᬶᬂᬦᬾᬦᬾᬉᬢ᭄ᬢᬫ᭄ᬕ᭄ᬦᬄᬜᬮᬸᬳᬸᬃᬦᬤᬶ᭟ᬧᬸᬭᬦ᭄ᬜᬦᬾᬭᬵᬢ᭄ᬦᬳ
ᬤᬶᬫᬕᭂᬕᬮᬦᭀᬭᬓᬢᬫᬦᬗᬶᬦ᭄ᬫᬗ᭄ᬤᭀᬳᬶᬭᬸᬤᬶᬭᬧᬢ᭄ᬫᭀᬦ᭄ᬓᬶᬯᬩᬸᬤ᭄ᬥᬵᬲᬂᬳ᭄ᬬᬂᬓᬯᬶᬳᬶᬤᬗᬶᬭᬶᬂᬲᭂᬭᬬᬸᬢᬫᬦᬶᬭᬫᬳᬶᬲᬶᬢᬸᬜ᭄ᬚᬸᬂᬧᬸᬢᬶᬄ᭟ᬲᬭᬶᬦ᭄ᬜᬦᬾᬫᬵᬲ᭄ᬓᬸᬦᬶᬂᬫ
ᬩ᭄ᬭᬜᬩ᭄ᬯᬢᬸᬦ᭄ᬬᬯᬶᬦ᭄ᬫᬦᬶᬓ᭄ᬫ᭄ᬤᬮ᭄ᬚᬕᬢ᭄ᬪᬹᬢᬤᬶᬢᬸᬦᬸᬢᬦᬾᬤᬾᬯᬫᬮᬶᬮᬶᬢ᭄ᬤᬤᬶᬳᬩ᭄ᬲᬶᬓ᭄ᬳᬶᬫ᭄ᬩᬦ᭄ᬜᬕᬫ᭄ᬧᬂᬢ᭄ᬯᬄᬜᬫᬓᬤᬶᬫᬸᬜᬶ᭟ᬤᬳᬢ᭄ᬧᭂᬗ᭄ᬓᬤᬤᬶᬯᬶᬓᬸᬓᬧᬸᬢᬸᬲᬦ᭄
Page:Bali-lontar-gaguritan-balangtamak-300ppi.pdf/12
This page has been proofread.
