[ ᭑᭔ 14B]
᭑᭔᭞
ᬯᬾᬦ᭄ᬢᭂᬦᬶᬭᬓᬶ᭟ᬭᬭᬶᬲ᭄ᬫᬕᬕᬳᬦ᭄ᬲᬗᬸᬲ᭄ᬕ᭄ᬯᬵᬧ᭄ᬝᬓᬶᬯᬲ᭄ᬢᬲᬶᬓ᭄ᬕᬗᬦ᭄ᬲᬲᬃᬲᬫ᭄ᬩᭂᬮ᭄ᬮᬗ᭄ᬓ᭄ᬯᬲ᭄ᬳᬗ᭄ᬲᬸᬤᬦ᭄ᬮᬭᬾᬦᬶᬂᬧ᭄ᬢᬸᬂᬫᬦᬶᬜᭂᬧᬶᬳᬶᬯᬓᬸᬭᬂᬧᬢ᭄ᬭᬕᬶᬦᬯᬾᬩᬭᬢᬶᬢᭀᬬᬫᬭᬶᬂ
ᬢᬫ᭄ᬩᬂᬲᬵᬫ᭄ᬧᬸᬦ᭄ᬕᬶᬦᬶᬗ᭄ᬓᬶᬄᬲᬵᬫ᭄ᬧᬸᬦ᭄ᬗᬢᬸᬭᬶᬦ᭄᭟ᬫᬰᬗᬸᬤᬾᬯᬤᬲᬦ᭄ᬢᬦ᭄ᬲᬶᬯᬮᬂᬩᬫᬓ᭄ᬬᬓ᭄ᬜᬶᬂᬳᬧᬂᬫᬾᬫᬾᬬᬫᬤᬳᬃᬦᬶᬭᬗ᭄ᬤᬤᬾᬦᬶᬭᬢᬸᬢᬹᬢ᭄ᬓᬤᬶᬯᬶᬥᬶᬮᬫ᭄ᬧᬳᬶ
ᬭᬶᬓᬶᬕᬭᭀᬕᬓ᭄ᬜᭂᬫᬓᬸᬧᬶᬄᬮᬯᬸᬢ᭄ᬫᬗ᭄ᬕᬯᬾᬢᬫ᭄ᬩᬾᬮᬸᬂᬜᬩᬸᬕ᭄ᬫᬗᬶᬲᬶᬦᬶᬦ᭄ᬦᬲᬶ᭟ᬇᬯᬓ᭄ᬜᭂᬩ᭄ᬘᬶᬩ᭄ᬫᬢᬸᬭᬸᬜᬸᬄᬓᬭᭀᬢᬗᬦᬾᬗᭂᬲᭀᬧᬶᬦ᭄ᬫᬦ᭄ᬤᭂᬮᬸᬫᬲᬶᬗᭂᬍᬓᬂᬳᬓ᭄ᬚᭂᬧ᭄ᬮᬲ
ᬗᬾᬜᬦ᭄ᬢᬸᬓᬬᬫ᭄ᬧᬶᬂᬬᬕᬾᬯᬾᬂᬲᬶᬗ᭄ᬓᬩ᭄ᬧᬶᬧᬶᬢᬗ᭄ᬓᬄᬫᬶᬲᬶᬦᬲᬶᬫᬘᭀᬯᬄᬘᭀᬯᬾᬄᬫᬭᬸᬗᬸᬲ᭄ᬜᬸᬍᬕ᭄ᬫᬢᬳ᭄ᬦᬶᬂ᭟ᬯᬸᬲᬫᬗᬦ᭄ᬫᬸᬘᬂᬲᬵᬫ᭄ᬧᬸᬦ᭄ᬳᬶᬯᬮᬂᬢᬫᬓ᭄ᬬᬗ᭄ᬮᬶᬂ
[ ᭑᭕ 15A]
ᬫᬾᬫᬾᬰᬸᬤ᭄ᬥᬓᬂᬥᬓ᭄ᬱᬶᬡᬫᬾᬫᬾᬳ᭄ᬜᬾᬦ᭄ᬲᬚᬦᬫᬸᬳᬸᬫᬄᬢ᭄ᬬᬪᬸᬫᬶᬨᬮᬢᬶᬢ᭄ᬬᬂᬦᬶᬭᬗ᭄ᬤᬓᬓᬲᬶᬄᬲᬶᬧᬶᬲᬨᬮᬦᬶᬂᬭᬶᬧᬸᬧᬧᬵᬢᬦ᭄ᬧᬲᬸᬦᬸᬕᬸᬭᬶᬄ᭟ᬢᬦ᭄ᬧᬕᬸᬡᬮᬶᬯᬢ᭄ᬚᬸᬕᬸᬮ᭄
ᬗᬸᬗ᭄ᬲᬶᬧ᭄ᬚᬄᬦᭀᬭᬫᬵᬢᬶᬦᬶᬢ᭄ᬯᬵᬦᬸᬲᬸᬧ᭄ᬯᬦᬘᬮᬓᬲᬦ᭄ᬤᬾᬳᬦᭀᬭᬯᬦ᭄ᬢᬸᬗᬶᬦᭂᬧ᭄ᬲᬮᬦ᭄ᬢᬗᬶᬂᬤᬮᬦ᭄ᬭᬶᬗᬮᬲ᭄ᬢᬶᬢᬶᬭᬶᬗᬸᬓᬶᬃᬳᬸᬮᬕᬮᬦ᭄ᬧᬸᬯᬸᬯ᭄ᬦ᭄ᬯᬸᬲᬸᬄᬯ᭄ᬮᬸᬲ᭄ᬢᬦᬦᬳᬦᬸᬲᬶᬢ᭄
᭟ᬓᬭᬶᬳᬸᬕᬦᬵᬫᬮᬸᬮᬸᬄᬗᬤᭀᬮ᭄ᬧᬢ᭄ᬭᬲᬶᬮᬶᬄᬤᬶᬭᬶᬢᬶᬩᬾᬗᬸᬤᬤ᭄ᬭᬯᬶᬧᬧᬦᬲ᭄ᬓᬗᭂᬦ᭄ᬧᬯᬵᬢᬯᬓᬶᬗ᭄ᬲᬸᬦ᭄ᬳᬶᬓᬭᭀᬕᬓ᭄ᬬᬵᬳᬗᬸᬘᬧ᭄ᬦᬸᬦᬲᬵᬤᭀᬦ᭄ᬤᬾᬯᬶᬲᬶᬮᬶᬩ᭄ᬕᬸ
ᬕᬸᬜᬗᬦ᭄ᬧᬶᬢᬸᬗᬢᬸᬲ᭄ᬩᭂᬓᭂᬮᬂᬗᬶᬦ᭄ᬤᭂᬂᬫᬮᬮᬶ᭟ᬓᬶᬯᬮᬂᬢᬫᬓ᭄ᬫᬗᬸᬦ᭄ᬢᬸᬓ᭄ᬫᬸᬓᬭᬭᬶᬲ᭄ᬫᬗᬧᬾᬭᬶᬦ᭄ᬫᬗᬸᬫᬗᬸᬫᬦ᭄ᬫᬰᬩ᭄ᬤᬢᬵᬧᬲᬢᭀᬳᬶᬩᬭᬸᬲᬸᬄᬢᬦ᭄ᬧᬘᬶᬤ᭄ᬭᬵᬗᬸᬮ
Page:Bali-lontar-gaguritan-balangtamak-300ppi.pdf/15
This page has been proofread.
